Academi Seren
Mae Seren yn cefnogi'r dysgwyr mwyaf disglair a addysgir gan y wladwriaeth i gyflawni eu potensial academaidd llawn.
7. Cymorth mentora
Yn agored i ddysgwyr ym mlynyddoedd 12 ac 13, mae Academi Seren yn recriwtio myfyrwyr, academyddion a gweithwyr proffesiynol o brifysgolion a sefydliadau blaenllaw ledled y DU i gynnig cymorth mentora i ddysgwyr Seren sy'n gobeithio dilyn yr un llwybr academaidd â nhw.
Mae dysgwyr yn cael mentor a fydd yn eu harwain drwy'r broses o ymgeisio ar gyfer prifysgol, gan gynnig cyngor a chefnogaeth naill ai drwy alwadau fideo mewn lleoliad grŵp neu drwy e-bost.
Yn dibynnu ar y cymorth a ddewisir, gall gynnwys:
- cymorth wedi'i addasu ar gyfer cwrs a/neu brifysgol benodol gan rywun sydd wedi llwyddo yn y broses ymgeisio
- cipolwg ar brifysgol a/neu gwrs targed dysgwr
- cymorth â datganiad personol
- paratoadau personol ar gyfer profion derbyn
- paratoi ar gyfer cyfweliadau a ffug-gyfweliadau
- awgrymiadau, cyngor ac adnoddau defnyddiol ar gyfer gwneud cais i'r brifysgol.
Dyma'r math mwyaf personol o gymorth ymgeisio sydd ar gael, a gan fod y mentoriaid naill ai wedi graddio'n ddiweddar, yn fyfyrwyr sydd newydd orffen y broses ymgeisio, neu hyd yn oed yn academyddion prifysgol, maent wir yn gwybod beth fydd ei angen i lwyddo gyda cheisiadau.