Adrodd ar broblem ar-lein
Mae rhoi gwybod am gynnwys neu weithgaredd niweidiol yr ydych wedi'i brofi neu ei weld ar-lein yn un ffordd bwysig o sicrhau bod mwy o bobl yn cael eu hamddiffyn rhag niwed ar-lein.
- Rhan o
Adrodd ar broblem ar-lein a chael gwared ar gynnwys niweidiol
Mae’r mwyafrif o ddarparwyr gwasanaethau yn cynnig ffyrdd i ddeiliaid cyfrifon adrodd am broblemau, ac mae rhai yn cynnig dull adrodd cyhoeddus sy’n caniatáu i drydydd parti adrodd ar ran plentyn neu berson ifanc. Gall hysbysu llwyfannau neu wasanaethau arbenigol eraill helpu i sicrhau bod camau priodol yn cael eu cymryd a helpu i greu amgylchedd ar-lein mwy diogel i bawb.
Mae canllawiau ynghylch apiau i deuluoedd ar Hwb yn rhoi cyngor ar sut i adrodd ar broblem ar rai o’r rhwydweithiau cymdeithasol, apiau a gwefannau gemau mwyaf poblogaidd.
Cofiwch, os ydych chi'n meddwl bod rhywun mewn perygl uniongyrchol, yna dylech ffonio 999 i roi gwybod i'r heddlu.
![](https://hwb.gov.wales/api/storage/ba32fe92-54d6-410a-a2d4-09eacb94ceed/report-remove-6.jpg)
Pethau i'w hystyried wrth adrodd ar broblemau ar-lein
Awgrymiadau i'ch helpu i adrodd cynnwys anghyfreithlon a chynnwys cyfreithiol ond niweidiol
Casglu tystiolaeth
Os ydych chi wedi bod yn dyst i neu wedi profi cynnwys niweidiol ar-lein ac eisiau rhoi gwybod am hyn, casglwch y dystiolaeth briodol a fydd yn helpu wrth adrodd. Os yn bosibl, cymerwch sgrinluniau, URLs a nodwch dyddiadau ac amser, gall y rhain i gyd helpu.
Dewis y sianel adrodd gywir
Wrth roi gwybod am gynnwys ar-lein mae'n hanfodol eich bod yn defnyddio'r gwasanaeth mwyaf priodol er mwyn sicrhau eich bod yn derbyn y gefnogaeth gywir.
Siarad â rhywun rydych chi'n ymddiried ynddo
Mae'n bwysig cael cefnogaeth os ydych wedi profi problem ar-lein. Os ydych chi'n chwilio am help neu wybodaeth, ond rydych chi'n poeni am ddechrau sgwrs gydag oedolyn, dyma rai awgrymiadau.
Gall y canllaw hwn hefyd helpu rhieni a gofalwyr i gael sgwrs gyda'u plentyn am fater sensitif.
Adnoddau adrodd arbenigol eraill a all eich cefnogi i adrodd cynnwys ar-lein
![](https://hwb.gov.wales/api/storage/b1f8bde7-4c1b-4925-8e90-0595fa12eb7b/riportio-cynnwys-niweidiol.png)
Riportio Cynnwys Niweidiol
Canolfan adrodd genedlaethol sy’n helpu i adrodd ar gynnwys niweidiol ar-lein. Mae’r gwasanaeth hwn yn rhoi cymorth penodol mewn perthynas â'r math canlynol o niwed ar-lein: camdriniaeth ar-lein; bwlio neu aflonyddu; bygythiadau; personoaduad; cynigion rhywiol di-groeso (nad ydynt yn ddelweddau); cynnwys treisgar; cynnwys yn ymwneud â hunan-niweidio neu hunanladdiad; cynnwys pornograffig.
![](https://hwb.gov.wales/api/storage/d7f23b05-87f2-4a7d-a856-3ae4a2c64719/report-remove.png)
Report Remove
Gall plant a phobl ifanc ddefnyddio adnodd Report Remove gan Childline i adrodd am luniau a fideos noeth y maent yn poeni sydd wedi cael eu rhannu’n gyhoeddus, neu y gallant fod wedi cael eu rhannu’n gyhoeddus (Saesneg yn unig).
![](https://hwb.gov.wales/api/storage/22194cfc-0557-4235-8464-c9ffa63fa52f/action-fraud.png)
Action Fraud
Dylech adrodd am unrhyw achos o dwyllo neu drosedd seiber yng Nghymru, Lloegr, yr Alban neu yng Ngogledd Iwerddon i Ganolfan Adrodd Twyll a Throseddau Seiber y Deyrnas Unedig. (Saesneg yn unig)
![](https://hwb.gov.wales/api/storage/1fe52cf3-d790-4109-bf30-7a26930345bd/ceop.png)
CEOP
Gallwch adrodd pryderon am gam-drin rhywiol yn ddiogel ar wefan y Ganolfan Camfanteisio ar Blant a’u Hamddiffyn Ar-lein. (Saesneg yn unig)
![](https://hwb.gov.wales/api/storage/f2b38dd9-ad94-4980-8b58-e2345642cc3c/iwf.png)
Internet Watch Foundation (IWF)
Adrodd ar gynnwys sy’n dangos cam-drin plant yn rhywiol a delweddau o gam-drin plant yn rhywiol nad ydynt yn luniau. (Saesneg yn unig)
Barn yr arbenigwyr
![](https://hwb.gov.wales/api/storage/e293e815-9f2e-4911-8ecb-d6b354dc74dd/20230723-swgfl-strap-high-quality-logo.png)
Riportio Cynnwys Niweidiol
Yn yr erthygl hon gan SWGfL, eglurir rôl ei ganolfan adrodd genedlaethol wrth ddarparu cyngor am bob math o niwed ar-lein a chyfeirio defnyddwyr at y gwasanaethau cywir.