Rhwydwaith Cenedlaethol ar gyfer Gweithredu’r Cwricwlwm

Tachwedd 2021

Roedd y sgwrs yn canolbwyntio ar sut y dylai adnoddau a deunyddiau i gefnogi cynllunio, dysgu ac addysgu’r cwricwlwm edrych yng nghyd-destun newydd Cwricwlwm i Gymru.

Aeth y sgwrs i’r afael â chwestiynau fel:

• sut ydych chi'n meddwl y bydd eich anghenion am adnoddau a deunyddiau ategol yn newid o ganlyniad i Gwricwlwm i Gymru?
• pa adnoddau ydych chi wedi'u defnyddio sydd wedi bod yn ddefnyddiol? Pam?
• wrth edrych ymlaen, sut gallai adnoddau eich cefnogi i gynllunio eich cwricwlwm eich hun?

Adnoddau a ddefnyddir yn y sgwrs

I gael mynediad i’r adnoddau ar gyfer y Sgwrs Genedlaethol hon cofrestrwch (Addysg Cymru).

Chwefror 2023

Cynhelir Sgwrs Rhwydwaith Cenedlaethol yn benodol ar gyfer arweinwyr lleoliadau meithrin a ariennir nas cynhelir ar 2 Chwefror 2023.

Roedd y sgwrs yn canolbwyntio ar:

• glywed gan arweinwyr lleoliadau meithrin a ariennir nas cynhelir ynghylch beth sy’n gweithio’n dda ledled Cymru yn dilyn cyflwyno’r cwricwlwm ym Medi 2022 a rhannu eich barn
• trafod rhai o‘r prif heriau, rhannu atebion posibl a llywio cefnogaeth y dyfodol
• nodi a thrafod yr arferion a’r adnoddau y mae ymarferwyr yn eu hystyried yn ddefnyddiol o ran cyflwyno’r cwricwlwm

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

Adroddiad o’r sgwrs

Datblygu cynnydd a chefnogi cynllunio a trefnu’r cwricwlwm: Mai 2023

Roedd y sgwrs yn canolbwyntio ar:

• sut y gall ysgolion ddefnyddio camau cynnydd i ddatblygu syniadau ynghylch cynnydd dysgwyr
• yr hyn y gall ysgolion a sefydliadau ei wneud i roi sicrwydd i rieni, a rhanddeiliaid ehangach, bod dysgwyr yn dod yn eu blaenau

Gwnaed hyn drwy:

• archwilio profiad ac arfer cyfredol mewn ysgolion a sefydliadau
• mynd ati ar y cyd i ddatblygu ffyrdd posibl ymlaen
• ystyried yn ymarferol sut y gellid gwneud y rhain yn rhan o arferion

Adnoddau a ddefnyddir yn y sgwrs

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

Datblygu cynnydd a chefnogi cynllunio a trefnu’r cwricwlwm: Ionawr 2023

Roedd y sgwrs yn canolbwyntio ar:

• sut y gall ysgolion ddefnyddio camau cynnydd i ddatblygu syniadau ar gyfer cynnydd dysgwyr
• yr hyn y gall ysgolion a sefydliadau ei wneud i roi sicrwydd i rieni, a rhanddeiliaid ehangach, bod dysgwyr yn dod yn eu blaenau

Gwnaed hyn drwy:

• archwilio profiad ac arfer cyfredol mewn ysgolion a sefydliadau
• datblygu ffyrdd posibl ymlaen ar y cyd
• ystyried yn ymarferol sut y gellid gwneud y rhain yn rhan o arfer

Adnoddau a ddefnyddir yn y sgwrs

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

Troi meddyliau yn arferion, cynllunio cwricwlwm i gefnogi cynnydd: Hydref 2022

Cynhaliwyd y sgwrs i gefnogi ymarferwyr i:

• werthuso'n feirniadol ymagweddau cyfredol at gynnydd
• ysgogi ffyrdd newydd o feddwl
• archwilio sut y gall meddwl a defnyddio tystiolaeth gefnogi ymarfer

Cyflwynodd y sgwrs hon themâu, syniadau, a dulliau o gynnydd.

Roedd y sesiwn hon yn canolbwyntio ar:

• ddatblygu dealltwriaeth o gynnydd o fewn y Cwricwlwm i Gymru
• meithrin hyder ymarferwyr wrth ddefnyddio egwyddorion cynnydd, datganiadau o’r hyn sy’n bwysig, camau cynnydd, a dibenion asesu gyda’i gilydd wrth gynllunio’r cwricwlwm ac arfer yr ystafell ddosbarth

Adnoddau a ddefnyddir yn y Sgwrs

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

Cynnydd ac asesu: Mai 2022

Yn y sgwrs hon, rhannodd cyfranogwyr o bob rhan o Gymru eu dealltwriaeth o gynnydd a sut y gellir asesu hyn yn effeithiol.

Trafodwyd y cyfranogwyr:

• rhannu dealltwriaeth o sefyllfa eu cydweithwyr ym mhob cyd-destun o ran syniadau a datblygiadau yn ymwneud â chynnydd ac asesu
• ystyried sut y gellir defnyddio egwyddorion cynnydd i helpu i gynllunio'r cwricwlwm, gan gynnwys cynllunio gwaith asesu
• ystyried sut y gellir cynllunio cynnydd dysgwyr ar hyd continwwm y cwricwlwm drwy integreiddio'r broses o ddethol cynnwys, dulliau addysgeg a dulliau asesu
• rhannu gwybodaeth am sut mae arferion asesu yn cael eu datblygu i gefnogi cynnydd dysgwyr ar draws yr holl gwricwlwm
• ystyried ffactorau cyd-destunol a allai effeithio ar ddealltwriaeth a chynllunio cynnydd
• datblygu dealltwriaeth o ddulliau effeithiol o gyd-awduro o fewn ac ar draws ysgolion neu leoliadau a fydd yn helpu i ddatblygu arferion cynllunio cynnydd ac asesu ymhellach

Adnoddau a ddefnyddir yn y sgwrs

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

Cynnydd: Hydref 2021

Yn y sgwrs hon, mae modd i ymarferwyr drafod yr heriau, a'r cyfleoedd, wrth gynllunio cwricwlwm y mae cynnydd dysgu’n ganolog iddo. Gyda chymorth mewnbwn arbenigol a deunyddiau eraill, mae modd i ymarferwyr fynd i'r afael â chwestiynau allweddol gan gynnwys:

• beth yw eich dealltwriaeth o gynnydd yn y Cwricwlwm i Gymru? Beth sy'n wahanol i'r ffordd yr ydym wedi mynd i’r afael â hyn o'r blaen?
• ble ydych chi nawr o ran datblygu cynnydd yn y cwricwlwm newydd? Beth sy'n ddefnyddiol wrth feddwl am hyn, a beth sydd ddim?
• symud ymlaen: pa gymorth a allai fod ei angen arnoch i gynyddu eich dealltwriaeth a'ch defnydd o gynnydd yn y cwricwlwm newydd?Pecyn briffio hwyluswyr: dilyniant (Hydref 2021)

Adnoddau a ddefnyddir yn y Sgwrs

I gael mynediad i’r adnoddau ar gyfer y Sgwrs Genedlaethol hon cofrestrwch (Addysg Cymru).

Ymateb i Ddeallusrwydd Artiffisial mewn addysg: Gorffennaf 2024

Beth oedd diben y sgwrs hon?

Roedd y Sgwrs Genedlaethol hon yn Haf 2024 yn canolbwyntio ar gyfleoedd, heriau a goblygiadau Deallusrwydd Artiffisial (AI) ar gyfer addysg yng Nghymru.

Roedd y sgwrs yn canolbwyntio ar yr isod:

• Darparu fforwm i ymarferwyr ledled Cymru drafod ac ystyried goblygiadau'r adnoddau hyn yn eu gwaith eu hunain ac yn yr ystafell ddosbarth.
• Cyfleoedd a heriau a gyflwynir gan adnoddau Deallusrwydd Artiffisial.

Gwnaed hyn drwy ddefnyddio'r canlynol:

• trafodaethau gyda rhanddeiliaid fel Cymwysterau Cymru
• clywed gan arbenigwyr
• rhwydweithio
• rhannu profiadau gyda Dealltwriaeth Artiffisial yn yr ystafell ddosbarth

Adnoddau'r sgwrs

I gael mynediad at recordiad o'r sgwrs a'r adnoddau cofrestrwch (Addysg Cymru).

Mawrth 2022

Pwrpas y sgwrs

• Dod ag ymarferwyr ynghyd i rannu eu barn ar sut y gellir ail-ddychmygu cymwysterau ar gyfer dysgwyr 14 i 16 oed i gefnogi'r Cwricwlwm newydd i Gymru.
• Datblygu’r sgwrs ynghylch sut y gall cymwysterau alinio â fframwaith Cwricwlwm i Gymru a chefnogi cwricwla ysgolion.
• Nodi cyfleoedd i ystyried lles dysgwyr yn fwy effeithiol ac adnabod profiadau dysgwyr yn well o fewn cymwysterau.
• Nodi cyfleoedd ar gyfer arloesi a newid o fewn cymwysterau'r dyfodol o ran cynnwys, asesu ac adrodd ar ganlyniadau, gan gynnwys defnydd mwy effeithiol o dechnoleg ddigidol.
• Nodi gwaith neu ymchwil pellach y dylid ei wneud i lywio'r gwaith o gynllunio, cyflwyno ac asesu cymwysterau'r dyfodol.
• Mewnbynnu i'r broses o gyd-lunio cymwysterau TGAU a chymwysterau eraill a wnaed ar gyfer Cymru, a bydd y canfyddiadau'n cael eu trosglwyddo i'r grwpiau sydd â'r dasg o ddatblygu cynigion ar lefel pwnc i'w hystyried.

Adnoddau a ddefnyddir yn y sgwrs

I gael mynediad i’r adnoddau ar gyfer y Sgwrs Genedlaethol hon cofrestrwch (Addysg Cymru).

Sgyrsiau wyneb yn wyneb y Rhwydwaith Cenedlaethol: gwanwyn 2024

Cynhelir y Sgyrsiau Cenedlaethol wyneb i wyneb hyn am y Cwricwlwm i Gymru yn:

• De Cymru ar 31 Ionawr 2024 yn Stadiwm Dinas Caerdydd
• Gogledd Cymru ar 6 Chwefror 2024 yn Venue Cymru

Roedd y sgyrsiau yn canolbwyntio ar:

• I ymarferwyr dderbyn y wybodaeth ddiweddaraf ar ganllawiau 'Cwricwlwm i Gymru: ymlaen â’r daith' a beth mae hyn yn ei olygu i’w ysgol neu leoliad.
• Y cyfle i gyfrannu at y sgwrs genedlaethol am Gynllunio Cwricwlwm a Chynnydd.
• Rhannu barn ar gyfleoedd a heriau yn y chwe maes dysgu a phrofiad, er mwyn helpu  lunio polisi ac ymarfer er budd pob dysgwr yng Nghymru.
• Rhwydweithio gyda chyd-ymarferwyr o bob rhan o Gymru, a sicrhau bod eu lleisiau yn cael ei glywed.

Adnoddau a ddefnyddir yn y sgwrs

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

Cwricwlwm a chynnydd: Tachwedd 2023

Gan barhau â'n taith o gyd-greu, roedd y Sgwrs Genedlaethol hon ar y Cwricwlwm a Chynnydd yn canolbwyntio ar eich cefnogi chi fel ymarferwyr i fyfyrio ar eich cynnydd wrth greu dealltwriaeth gyffredin o gynnydd ar draws y continwwm 3 i 16 oed.

Roedd y Sgwrs Genedlaethol hon yn rhoi cyfle i chi:

• ddysgu sut mae ymarferwyr eraill yn defnyddio'r deunyddiau a'r adnoddau a gyhoeddwyd yn ddiweddar gan gynnwys 'deall y cwricwlwm ar waith: Camau i'r Dyfodol' a 'cynllun Peilot Cynllunio'r Cwricwlwm 2023' i greu sgyrsiau ystyrlon gyda chydweithwyr
• gwerthuso sut mae eich ysgolion a'ch lleoliadau yn datblygu'r diwylliant a'r amgylchedd sy'n galluogi pob dysgwr i wneud cynnydd
• sgwrsio ag ymarferwyr eraill o bob rhan o Gymru am y math o sgyrsiau ynghylch y cwricwlwm sy'n cefnogi cynllunio cwricwlwm effeithiol a chynnydd dysgwyr

Adnoddau a ddefnyddir yn y sgwrs

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

I gael mynediad at yr adnoddau ar gyfer y Sgwrs Genedlaethol hon, cofrestrwch ar y platfform.

Dylunio’r cwricwlwm ac asesu: Mehefin 2023

Roedd y Sgwrs Genedlaethol hon yn gyfle i:

• rannu syniadau ar y math o sgyrsiau cwricwlaidd sy'n cefnogi cynllunio cwricwlwm ac asesu effeithiol
• gwerthuso sut mae ysgolion a lleoliadau yn datblygu'r diwylliant a'r amgylchedd sy'n gydnaws â chynllunio cwricwlwm ac asesu effeithiol
• cyfeirio at adnoddau a all gefnogi sgyrsiau cwricwlwm blaenllaw yn eich ysgolion a'ch lleoliadau sy'n galluogi cynnydd dysgwyr

Mae myfyrdododau ar y cwricwlwm a chynllun asesu Mae sgwrs Rhwydwaith Cenedlaethol yng ngwanwyn 2023 i’w gweld ar y ddolen isod.

Adnoddau a ddefnyddir yn y sgwrs

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

Dylunio’r cwricwlwm ac asesu: Mawrth 2023

Canolbwyntiodd y Sgwrs Genedlaethol hon yng Ngwanwyn 2023 ar gefnogi ymarferwyr ac arweinwyr ysgolion/lleoliadau i fyfyrio ar eu prosesau cynllunio cwricwlwm ac asesu.

Roedd y sgwrs yn gyfle i:

• sgwrsio ag ymarferwyr eraill o bob rhan o Gymru am eu profiadau o ddylunio’r cwricwlwm ac asesu
• ystyried beth mae egwyddorion asesu o fewn Cwricwlwm i Gymru yn ei olygu i'ch dysgwyr
• gwerthuso sut mae'ch ysgolion a leoliadau yn datblygu prosesau cynllunio cwricwlwm ac asesu ar hyd y continwwm 3 i 16,
• nodi'r hyn sy'n gweithio'n dda a'r cymorth sydd ei angen i oresgyn unrhyw heriau

Adnoddau sgwrsio

I gael mynediad i’r adnoddau ar gyfer y Sgwrs Genedlaethol hon cofrestrwch (Addysg Cymru).

Dylunio’r cwricwlwm ac asesu: Tachwedd 2022

Gan adeiladu ar Sgyrsiau Dylunio Cwricwlwm 2021 i 2022, rhoddodd y Sgwrs Genedlaethol yma gyfle i ymarferwyr ac arweinwyr mewn ysgolion a lleoliadau:

• asesu effaith elfennau gorfodol y Cwricwlwm i Gymru

Rhoddodd sgwrs yr hydref gyfle i ymarferwyr ac arweinwyr:

• asesu effaith elfennau gorfodol y Cwricwlwm i Gymru hyd yn hyn
• gwerthuso'r hyn sy'n gweithio a nodi unrhyw heriau
• gwerthuso sut mae ysgolion a lleoliadau yn datblygu’r ddealltwriaeth gysyniadol yn y Datganiadau o’r Hyn sy’n Bwysig a sut mae hyn yn cael ei ddatblygu ar hyd y continwwm 3 i 16 wrth gynllunio’r cwricwlwm
• nodi'r hyn sy'n gweithio'n dda a nodi cymorth i'r system oresgyn unrhyw heriau

Adnoddau sgwrsio

I gael mynediad i’r adnoddau ar gyfer y Sgwrs Genedlaethol hon cofrestrwch (Addysg Cymru).

Tachwedd a Rhagfyr 2024

Trosolwg

Beth oedd diben y sgwrs hon?

Roedd y Sgwrs Rhwydwaith Genedlaethol hon yn canolbwyntio ar sut y gall y canllawiau galluogi dysgu gefnogi ymarferwyr i gynllunio, trefnu a chyflwyno cwricwlwm addysgol briodol ar gyfer dysgwyr mewn addysg gynradd.

Canolbwyntiodd y sgwrs ar y canlynol:

Darparu fforwm i ymarferwyr mewn lleoliadau ac ysgolion a staff o fewn awdurdodau lleol sy'n darparu cymorth uniongyrchol ar draws ysgolion cynradd yng Nghymru i drafod pwysigrwydd datblygiad plant, y tair elfen, rôl yr oedolyn sy'n galluogi dysgu, profiadau sy'n ennyn diddordeb ac amgylcheddau effeithiol, a chymorth ar gyfer darllen.

Gwnaed hyn drwy:

• gyflwyniadau gan siaradwyr gwadd
• hwyluso a thrafodaeth agored
• casglu adborth drwy SLIDO
• cyflwyniadau ar arferion effeithiol gan ysgolion, lleoliadau, ysgol arbennig a Phrifysgol Metropolitan Caerdydd
• panel holi ac ateb yn cynnwys cynrychiolwyr o Lywodraeth Cymru ac Estyn a chyflwynwyr arferion effeithiol

Ebrill 2022

Pwrpas y sgwrs

• Tynnu sylw at arfer da presennol ar gyfer addysgu hanesion Cymreig a Phobl Ddu, Asiaidd ac Ethnig Leiafrifol.
• Ystyried heriau a phwysigrwydd ymgorffori profiadau a chyfraniadau Cymreig a Pobl Ddu, Asiaidd ac Ethnig Leiafrifol mewn hanes ar draws y cwricwlwm.
• Archwilio pam mae perthyn a hunaniaeth yn hollbwysig i ddysgwyr er mwyn iddynt ddeall sut y maent wedi cyfrannu at hanes cyfoethog Cymru, gan wneud cysylltiadau rhwng hanesion a chymunedau lleol, cenedlaethol a rhyngwladol.

Adnoddau a ddefnyddir yn y sgwrs

I gael mynediad i’r adnoddau ar gyfer y Sgwrs Genedlaethol hon cofrestrwch (Addysg Cymru).

Mehefin 2022

Mae sgiliau llafaredd a darllen yn helpu dysgwyr i wneud synnwyr o'r byd o'u cwmpas.

Gyda hyn mewn golwg, rhoddodd y sgwrs gyfle i’r ymarferwyr:

• arddangos sut mae ysgolion a lleoliadau yn cael effaith gadarnhaol ar safonau llafaredd a darllen
• rhannu offer ymarferol a all helpu i godi safonau a thrafod unrhyw rwystrau i gefnogi codi safonau

Adnoddau a ddefnyddir yn y sgwrs

I gael mynediad i’r adnoddau ar gyfer y Sgwrs Genedlaethol hon cofrestrwch (Addysg Cymru).

Paratoi ar gyfer cyflwyno: Medi 2021

Yn y sgwrs hon, bu ymarferwyr yn cydweithio i drafod gwahanol ddulliau o ddylunio a datblygu Cwricwlwm i Gymru.

Hyd yn hyn trafodwyd sut:

• dod â'r hyn sy'n gweithio gyda’i gilydd
• i wella dealltwriaeth egwyddorion datblygiad cwricwlaidd da
• a trafod pa gymorth pellach fyddai fwyaf defnyddiol iddynt wrth baratoi i'w gyflwyno

Adnoddau a ddefnyddir yn y sgwrs

I gael mynediad i’r adnoddau ar gyfer y Sgwrs Genedlaethol hon cofrestrwch (Addysg Cymru).

Digwyddiadau wyneb yn wyneb Sgyrsiau’r Rhwydwaith Cenedlaethol: Haf 2024

Trosolwg

Ym mis Mehefin/Gorffennaf 2024, cynhaliwyd ail sgwrs wyneb yn wyneb y Rhwydwaith Cenedlaethol yng Ngogledd a De Cymru. Datblygwyd y sgwrs mewn cydweithrediad â phartneriaid allweddol gan gynnwys consortia rhanbarthol a phartneriaethau, sefydliadau addysg uwch, yr Academi Genedlaethol ar gyfer Arweinyddiaeth Addysgol, Cyngor Celfyddydau Cymru ac ESTYN.

Ffocws cyffredinol y sgwrs oedd archwilio sut mae ein profiadau cynnar o'r Cwricwlwm i Gymru yn dylanwadu ar ein haddysgeg i arwain a chynllunio ar gyfer dysgu. Roedd y diwrnod yn canolbwyntio ar archwilio goblygiadau'r Cwricwlwm i Gymru ar ein harferion wrth alluogi dysgu i gefnogi cynnydd a datblygiad dysgwyr. Roedd hefyd yn caniatáu i arweinwyr ganolbwyntio ar ddatblygu ein hysgolion ymhellach fel sefydliadau dysgu. Cafodd pwysigrwydd dod â gweithwyr proffesiynol ynghyd i archwilio a thrafod ein taith hyd yma ei gydnabod a'i gefnogi gan yr Athro Graham Donaldson.

Fideo ar gael ar YouTube

Adborth cyffredinol

• Amlinellodd yr adborth fod y sgwrs wedi rhoi amser a lle i unigolion fyfyrio ar eu taith addysgeg eu hunain a bod ymgysylltu ag ymarferwyr eraill yn cefnogi eu syniadau ymhellach.
• Roedd bron pob un o'r cyfranogwyr yn teimlo bod yr hwyluso a'r adnoddau yn ysgogol a bod y diwrnod cyfan wedi eu helpu i gynllunio'r camau nesaf yn eu hysgol neu leoliad.
• O ran addysgeg, ailbwysleisiwyd pwysigrwydd profiadau dysgu dilys a phwrpasol, sy'n ymgorffori'r defnydd o ddulliau o feddwl yn greadigol. Yn ystod y dydd amlygwyd bod y Cwricwlwm i Gymru yn gofyn bod ein meddylfryd am addysgeg yn canolbwyntio ar blant ac yn gyfannol ac yn gynhwysol.

Casgliadau allweddol o'r trafodaethau

Mae'r rhyng-ddibyniaeth a'r berthynas rhwng cwricwlwm ac addysgeg yn cael ei gydnabod yn fwy nag erioed ac roedd dod â nhw ynghyd gyda mwy o amlygrwydd ar yr addysgeg yn cael ei ystyried yn bwysig wrth symud ymlaen.

Arweiniodd y sgyrsiau, a fframiwyd gan ganllawiau a phrofiadau o'r Cwricwlwm i Gymru hyd yma, at gydnabod casgliadau pwysig sy'n sail i'r hyn y mae angen i ni ganolbwyntio arno. Er nad yw'r casgliadau hyn o reidrwydd yn newydd i'r proffesiwn, daeth yr angen i'w harchwilio'n ddyfnach o fewn cwricwlwm pwrpasol ar lefel cynllunio profiadau dysgu (gyda chefnogaeth mewnbwn ac enghreifftiau penodol) i'r amlwg yn gryf.

• 'Pam' cryf:
  • Daeth y 'pam' wrth gynllunio profiadau dysgu i'r amlwg yn gryf iawn a chodwyd y cwestiwn 'Ydyn ni'n gofyn hyn yn ddigon aml?'.
  • Yn ogystal â chynllunio cwricwlwm sy'n cefnogi dull seiliedig ar ddibenion, mae angen profiadau dysgu sy'n cael eu hystyried gan ddysgwyr fel rhai pwrpasol ac ystyrlon.
  • Nid yw hyn i ddibrisio'r 'beth' a phwysigrwydd corff o wybodaeth, ond mae angen mynd i'r afael â'r cydbwysedd gan fod pwyslais cryf wedi bod ar gynnwys a 'chwblhau'.

• Cyfannol ac yn canolbwyntio ar y plentyn:
  • Yn bwysig, nodir nad yw canolbwyntio ar y plentyn yn golygu'r un peth ag a arweinir gan blant ac mae'n hanfodol bod cysondeb yn ein dealltwriaeth addysgegol mewn perthynas â hyn.
  • Golyga hyn dod cynllunio profiadau dysgu yn ymwneud yn gryf ag anghenion a diddordebau'r 'dysgwyr o'ch blaen' mewn ffordd gyfannol. Mae hyn yn gofyn am ddealltwriaeth gydlynol a chyson o'r pedwar diben a'u nodweddion, eu sgiliau a'r hyn sy'n bwysig. Mae'n mynd 'y tu hwnt i brofion yn unig' a sgoriau safonedig ond cydnabyddir bod y rhain yn chwarae rhan yn y broses.
  • Roedd yr agweddau penodol a godwyd yn cynnwys:
    • agweddau at ddysgu, gan gynnwys cymhelliant, cyfrifoldeb, gwytnwch ac annibyniaeth
    • cynnydd mewn datblygu sgiliau, gan gynnwys llythrennedd, rhifedd, sgiliau sy'n rhan annatod o'r pedwar diben ac effeithiolrwydd dysgwyr
  • Mae dysgu a phrofiadau blaenorol ynghyd â llais y dysgwr a dealltwriaeth o fywyd y tu hwnt i'r ysgol (cymuned a chartref) yn bwysig wrth fabwysiadu dull sy'n canolbwyntio ar y plentyn.
  • O ran meddylfryd addysgeg, mae angen mynd i'r afael â chynllunio profiadau dysgu o safbwynt datblygiad y dysgwyr a'r cynnydd yr ydym am iddynt ei wneud. Mae profiadau dysgu dilys sy'n seiliedig ar fywyd go iawn yn cefnogi dysgwyr i weld dysgu yn rhywbeth pwrpasol a pherthnasol.

• Beth mae hyn yn ei olygu o ran sut rydym yn meddwl am addysgeg ac addysgu?:
  • Un o rolau allweddol yr athro yw bod yn oedolyn sy'n galluogi dysgu ac yn hwylusydd dysgu i gefnogi cynnydd y 'dysgwyr o'ch blaen'. Mae hyn yn cynnwys arsylwi, gwrando, cwestiynu, ysbrydoli a chydweithio â dysgwyr yn ogystal â chynllunio lle rydym yn modelu syniadaeth a'r broses ddysgu.
  • Er mwyn cyflawni hyn, mae angen i staff weithio gyda'i gilydd a thrafod dysgwyr a'u cynnydd i sicrhau gwybodaeth gyfannol am ddysgwyr ynghyd â dealltwriaeth gyson o 'sut mae dysgwyr yn dysgu'.
  • Gwelir bod y safiad addysgegol yn un o fod yn ymatebol ac yn hyblyg er mwyn addasu i anghenion a chynnydd dysgwyr. Mae hyn yn gofyn am y defnydd priodol o fodelu a dulliau uniongyrchol ar lefel unigol, grŵp bach neu ddosbarth i hyrwyddo cynnydd dysgwyr.
  • Rhan annatod o'r cynllunio ar gyfer profiadau dysgu (yn yr ystafell ddosbarth neu'r tu allan i'r ystafell ddosbarth) yw darparu amgylchedd cynhwysol a galluogol Mae angen i'r amgylchedd ddatblygu ymdeimlad o berthyn trwy gyfathrebu a pherthnasoedd cryf. Mae angen ei gynllunio a'i gyfoethogi ac adnoddau i alluogi datrys problemau, creadigrwydd a chymryd risg yn ogystal â chyfleoedd i atgyfnerthu, dyfnhau a chymhwyso gwybodaeth a sgiliau.
  • Pwysleisiwyd yn gryf yr angen am ddysgu proffesiynol a chymorth gyda deialog broffesiynol, mewnbwn penodol, enghreifftio ac ymholia.

• A yw'n effeithio ar ddysgu a chynnydd?:
  • Er mwyn myfyrio ar effaith yng nghyd-destun y tair thema flaenorol, cydnabyddir bod angen newid meddylfryd a diwylliant ar draws gwahanol sefydliadau a chyd-ddealltwriaeth a chysondeb o ran disgwyliadau.
  • Bydd diwylliant o wirionedd a gonestrwydd a gefnogir gan ymddiriedaeth mewn amgylchedd nad yw'n fygythiol nac yn gystadleuol, yn gwella asiantaeth a pherchenogaeth ynghylch archwilio effaith. Mae angen i'r diwylliant hwn fod yn ymwneud â chydnabod cynnydd a dathlu llwyddiant yn ogystal â nodi anghenion a blaenoriaethau datblygu. Diwylliant o 'wneud gyda'n gilydd' yn hytrach na diwylliant goddefol.
  • Yn fwy pwysig, o ran yr angen i ddeall dysgwyr, yw'r hyn a wnawn gyda'r canfyddiadau neu'r data ar ôl i ni ei gael.
  • Mae disgwyliadau cydlynol a chyson ar draws y continwwm dysgu yn bwysig o ran deall cynnydd a gwaith clwstwr ac mae gwaith ysgol i ysgol yn datblygu hyn.
  • Mae blaenoriaethu amser ac ail-ddychmygu prosesau er mwyn caniatáu i staff 'gamu yn ôl' i edrych ar ddysgu a datblygu gyda'i gilydd dros amser yn bwysig. Mae sgyrsiau staff ac ymholi gweithredol sy'n deillio o arsylwadau cydweithredol a gwaith craffu sy'n canolbwyntio ar ddysgu yn datblygu dealltwriaeth gyffredin o ddysgwyr ac yn hyrwyddo myfyrio ar ddarpariaeth (addysgeg). Ail-ffocysu amser cyfarfod (e.e. cyfarfodydd rheoli llinell) i arsylwi, myfyrio a thrafod dysgu a chynnydd gyda'n gilydd.
  • Er mwyn cyflawni hyn mae angen i ni fuddsoddi mewn arweinyddiaeth gydweithredol ar bob lefel.

Y camau nesaf

Fel rhan o'r adborth cyffredinol a gafwyd, roedd arwyddion o ran yr hyn sydd ei angen i gefnogi ysgolion a'r system ehangach ar daith barhaus y Cwricwlwm i Gymru. Bydd y rhain yn cael eu trafod a'u defnyddio gan Lywodraeth Cymru a chydweithredwyr i lunio gweithgarwch pellach yn y flwyddyn i ddod:

• Byddai cyfleoedd pellach i 'adolygu'r cwestiynau (a themâu allweddol) yn fwy manwl o fudd i ddarparu gwell dealltwriaeth ac eglurhad'.
• Mae angen 'syniadau pellach neu fewnbwn penodol' gyda 'hyfforddiant i ymarferwyr' (DP) ac 'enghreifftiau mwy cadarn' i helpu i datblygu meddylfryd ac arferion. Mae angen i hyn gynnwys cyfleoedd i gydweithio ar ddibenion, cwricwlwm, addysgeg a chynnydd a 'gweld sut mae pob elfen yn rhyngblethu'.
• Mae angen cyfleoedd llai, mwy lleol i roi amser i siarad, meddwl a chefnogi myfyrio parhaus.
• Mae angen darparu cyfleoedd i ddiwallu anghenion rhanddeiliaid eraill ac i sicrhau dysgu cydweithredol ar draws gwahanol randdeiliaid.

I ymateb ar unwaith i'r camau nesaf hyn, mae dwy Sgwrs Rhwydwaith Cenedlaethol bellach wedi'u cynllunio i gefnogi rhai o'r pwyntiau hyn yn uniongyrchol.

Galluogi Dysgu:

• 26 Tachwedd 2024, Parc Y Scarlets
• 3 Rhagfyr 2024, Venue Cymru

Mynegwch eich diddordeb yn y Sgwrs Rhwydwaith Genedlaethol drwy gofrestru

Archwilio pwrpas, addysgeg a chynnydd:

• 4 Chwefror 2025 (De)
• 11 Chwefror 2025 (Gogledd)

Archwilio pwrpas, addysgeg a chynnydd gan ddefnyddio tystiolaeth a phrofiadau uniongyrchol. I'w gadarnhau.

Adnoddau'r sgwrs

Gallwch gael mynediad at yr adroddiad cryno sy'n amlinellu’r canfyddiadau allweddol, ynghyd â recordiadau ac adnoddau i'ch helpu chi yn yr ysgol.

Ebrill 2024

Beth oedd y sgwrs yma?

Roedd y sgwrs yn canolbwyntio ar cefnogi ymarferwyr i fyfyrio ar sut y gall Cwricwlwm i Gymru gefnogi tegwch a chynwysoldeb, goresgyn rhwystrau a all effeithio ar gynnydd dysgwyr, a sicrhau bod tegwch mewn addysg yn flaenoriaeth o 3 i 16 oed a thu hwnt.

Yn y cyd-destun hwn, mae tegwch a chynwysoldeb  yn cyfeirio at bob dysgwr gan gynnwys (ond heb fod yn gyfyngedig i):

• plant sy'n byw mewn tlodi
• dysgwyr gydag anghenion dysgu ychwanegol (ADY)
• dysgwyr niwrowahanol
• dysgwyr mwy abl a thalentog
• plant sydd wedi bod yn y system gofal
• gofalwyr ifanc
• plant sy'n cael anghysondeb yn eu haddysg
• plant o gefndiroedd Du, Asiaidd ac ethnig leiafrifol gan gynnwys Sipsiwn, Roma a Theithwyr
• plant â Saesneg fel iaith ychwanegol (EAL)
• plant anabl

Digwyddiad ar-lein oedd hwn.

Trafododd y cyfranogwyr y cwestiynau canlynol:

1. Beth mae tegwch a chynwysoldeb yn ei olygu i chi, eich ysgol/lleoliad a beth mae'n ei olygu i'ch cwricwlwm?
2. Sut ydych chi'n sicrhau bod eich cwricwlwm yn diwallu anghenion pob dysgwr?

Pa mor hyderus yw staff yn eich ysgol/lleoliad bod eu dull o drefnu a chynllunio cwricwlwm, ynghyd â’r dysgu ac addysgu yn cefnogi tegwch a chynwysoldeb?

Beth wnaethon ni ei ddysgu?

Adnoddau defnyddiol: rhannodd cyfranogwyr ystod o ganllawiau, astudiaethau achos, ac adnoddau y maent wedi eu gweld yn ddefnyddiol wrth ddatblygu dulliau a chefnogi tegwch a chynwysoldeb yng nghyd-destun eu hysgolion a'u lleoliadau.

Cydweithredu: roedd consensws bod cefnogi pontio yn hanfodol i ddarparu addysg deg a chynhwysol, mae hyn yn cynnwys ar ddechrau addysg, pontio o flwyddyn i flwyddyn, o addysg gynradd i addysg uwchradd ac ymlaen y tu hwnt i 16 oed.

Ymgysylltu â theuluoedd: Gall gwybod a chefnogi teuluoedd wneud gwahaniaeth gwirioneddol i blant a phobl ifanc yn ein hysgolion a'n lleoliadau. Mae darpariaeth prydau ysgol i bawb wedi ei gwneud hi'n anoddach i ysgolion cynradd adnabod  y plant sy’n cymwys ar gyfer prydau am ddim. Mae ysgolion uwchradd yn cael llai o gyswllt â rhieni a gofalwyr.

Cynllunio sy'n canolbwyntio ar yr unigolyn: mae'r dull o ddatblygu yn y Cwricwlwm i Gymru, yn ogystal â'r system ADY newydd, yn annog ysgolion a lleoliadau i ddechrau gydag anghenion yr unigolyn a chefnogi eu cynnydd parhaus mewn dysgu

Ymarfer sy'n seiliedig ar drawma: rhaid blaenoriaethu anghenion emosiynol a seicolegol plant a phobl ifanc os ydym am gael gwared ar rwystrau i ddysgu. Weithiau mae hyn yn golygu mynd i'r afael â thrawma aml-genhedlaeth sef achos sylfaenol ymddygiad heriol. Mae angen amgylchedd diogel a chefnogol ar ddysgwyr i ddysgu'n effeithiol.

Cynrychiolaeth: mae angen i ddysgwyr weld pobl fel nhw eu hunain a phobl o'u cymunedau yn y cwricwlwm, mae hynny'n cynnwys cynrychiolaeth o gymunedau Du, Asiaidd ac ethnig leiafrifol, cymunedau Sipsiwn Roma Teithwyr, cymunedau LGBTQ+ a phobl Anabl.

Sut y byddwn ni'n defnyddio’r dysgu hwn wrth symud ymlaen?

Bydd adnoddau a nodir gan gyfranogwyr yn cael eu rhannu drwy rwydwaith Hwb: Equity and Inclusion Tegwch a Chynwysoldeb (rhaid i chi fewngofnodi i weld y dudalen hon).

Mae astudiaethau achos a chyfeirlyfr o sefydliadau o'r digwyddiadau wyneb yn wyneb a ddigwyddodd cyn  y sgwrs ar-lein wedi cael eu cyhoeddi ar Hwb.

Bydd y rhwydwaith ac adnoddau’r sgwrs yn cael eu hyrwyddo drwy Newyddion Hwb, mewn cyhoeddiad ar flog Addysg Cymru a thrwy sianeli cyfryngau cymdeithasol.

Mae modiwl 3 Dysgu Proffesiynol Confensiynau’r Cenhedloedd Unedig ar Hawliau'r Plentyn a Hawliau Pobl ag Anableddau yn cael ei ddatblygu. Mae modiwlau 1 a 2 (sy'n cynnwys gwybodaeth am y model cymdeithasol o anabledd) ar gael ar Hwb.

Mae dysgu wedi cael ei rannu gyda meysydd polisi cysylltiedig ar draws Cyfarwyddiaeth Addysg Llywodraeth Cymru:

• cymorth i ddysgwyr
• tegwch mewn addysg
• dysgu Proffesiynol
• Addysgeg ac Arweinyddiaeth

Adnoddau a ddefnyddir yn y sgwrs

I gael yr adnoddau ar gyfer y Sgwrs Genedlaethol hon, cofrestrwch (Addysg Cymru).

Rhagfyr 2023

Nod y sgwrs hon oedd cefnogu ymarferwyr mewn lleliadau meithrin a ariennir nas cynhelir gyda’r trefniadau asesu.

Roedd y Sgwrs Genedlaethol yn rhoi cyfle i chi ganolbwyntio ar adnabod heriau, cryfderau a meysydd lle mae angen Cymorth ychwanegol tra’n amlygu ‘camau nesaf’ o ran hwyluso gweithredu Cwricwlwm ac asesu.

Adnoddau a ddefnyddir yn y sgwrs

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).

I gael mynediad at yr adnoddau ar gyfer y Sgwrs Genedlaethol hon, cofrestrwch ar y platfform.

Hydref 2022

Nododd y sgwrs ar y Celfyddydau Mynegiannol:

• Cael barn ymarferwyr ar yr hyn a weithiodd a'r hyn a brofodd yn anodd yn ei 3 datganiad o'r hyn sy'n bwysig yn y cwricwlwm, ac wrth gynllunio trwy ymgysylltu â chlwstwr.
• Sut rydym yn cefnogi ysgolion a lleoliadau i sicrhau bod eu dysgwyr yn gwneud cynnydd?
• Beth ddylid ei archwilio ymhellach i gefnogi ysgolion i fynd i'r afael â materion dylunio a helpu eu dysgwyr i archwilio a datblygu eu sgiliau?

I gael yr adnoddau ar gyfer y Sgwrs Genedlaethol hon cofrestrwch (Addysg Cymru).