Rhwydwaith Cenedlaethol ar gyfer Gweithredu’r Cwricwlwm

Mae yn llwyfan agored, sy’n darparu cyfle i bob ymarferydd yng Nghymru i gymryd rhan mewn proses cyd-greu cenedlaethol, er mwyn mynd i’r afael â’r heriau a’r profiadau sy’n gyffredin i ni. Bydd y Rhwydwaith Cenedlaethol yn:

• casglu a rhannu dealltwriaeth – dod â gwahanol barnau, safbwyntiau ac arbenigedd at ei gilydd yn genedlaethol i ddeall sut yr ydym yn datblygu, beth yw’r heriau a sut mae pobl yn ymateb iddynt
• cyd-greu dulliau gweithredu – gyda’n gilydd, fe fyddwn ni’n penderfynu beth y gall gweithwyr addysgu proffesiynol, rhanddeiliaid, partneriaid galluogi a’r llywodraeth ei wneud i oresgyn yr heriau hyn.
• cysylltu pobl – caniatáu i bobl rwydweithio a datblygu’r berthynas rhwng gweithwyr addysg proffesiynol, arbenigwyr addysg a rhanddeiliaid a all helpu ysgolion a lleoliadau yn uniongyrchol.
• ysgogi newid – bydd sgyrsiau yn helpu i ysgogi a chefnogi’r gwaith o weithredu ar bob lefel.

Bydd y Rhwydwaith Cenedlaethol yn archwilio materion allweddol yn ymwneud â gweithredu'r cwricwlwm trwy Sgyrsiau. Bydd y Sgyrsiau hyn yn cael eu cynnal ar lefel genedlaethol a rhanbarthol, mewn partneriaeth â Llywodraeth Cymru a chonsortia rhanbarthol ac, fel y bo'n briodol, awdurdodau lleol. Bydd y sgyrsiau hyn yn adeiladu ar ddysgu proffesiynol ar lefel ranbarthol, gan ddod ag ymarferwyr ynghyd ledled Cymru i ddatblygu ymagweddau at faterion gweithredu cwricwlwm cenedlaethol.

Mae sgyrsiau yn agored i bob ysgol ym mhob Awdurdod Lleol yng Nghymru.