Defender for Endpoint

Mae Defender for Endpoint yn rhan o Windows 10 ac 11 ac yn cyfuno â gwasanaeth cwmwl cadarn Microsoft i brosesu arwyddion ymddygiadol o’r system weithredu gan adrodd yn ôl i’r enghraifft cwmwl o Defender for Endpoint.

Mae cynefino dyfeisiau a reolir gan Hwb â Defender for Endpoint Microsoft yn galluogi i awdurdodau lleol ac ysgolion ddefnyddio’r enghraifft cwmwl o Defender for Endpoint i reoli diogelwch cyffredinol y dyfeisiau.

Defnyddir rheoli mynediad ar sail rôl i roi mynediad dirprwyedig llawn i reoli diogelwch dyfeisiau trwy Intune a phorth Defender for Endpoint.

Trwy’r porth Defender for Endpoint, gellir rheoli gwendidau, diffygion, argymhellion ac adferiadau ar gyfer eich dyfeisiau, a’r cyfan ar y cyd â pholisïau diogelwch sydd wedi’u pennu yn Intune.

Defender for Endpoint ar ddyfeisiau Windows

Cynefino ar gyfer dyfeisiau Windows

Er mwyn cychwyn y broses o gynefino dyfeisiau, llywiwch i Defender for Endpoint i lawrlwytho’r smotyn cynefino:

• Llywiwch a mewngofnodwch i security.microsoft.com
• Ewch i Settings > Endpoints > Onboarding.
• Dewiswch y system weithredu i ddechrau’r broses gynefino:
  • Dewiswch Windows 10 ac 11 o’r gwymplen.
• O dan y dull gweithredu, dewiswch 'Mobile Device Management/Microsoft Intune'.
• Cliciwch ar 'Download Onboarding Package' a’i gadw’n lleol.

Proffil cynefino Intune ar gyfer dyfeisiau Windows (gofynnol)

Yn Intune, crëwch y proffil ffurfweddu dyfais polisi adnabod ac ymateb Endpoint er mwyn cynefino dyfeisiau Windows.

Ewch i Intune > Endpoint Security > Endpoint detection and response > Create Policy:

• Platform: Dewiswch 'Windows 10, Windows 11 and Windows Server'.
• Profile: Dewiswch 'Endpoint detection and response'.
• Name: Rhowch enw addas a disgrifiad i’r polisi yn unol â’ch confensiwn enwi > cliciwch 'Next'.
• Dewiswch 'Onboard' o’r gwymplen ar gyfer y math o becyn.
• Gludwch y smotyn cynefino o’r sip a lawrlwythwyd yn flaenorol i’r maes testun 'Onboarding (Devices)'.

• Dewiswch eich opsiwn ar gyfer 'Sample Sharing a Telemetry Reporting Frequency'.
• Ewch ati i gwmpasu’r polisi i’ch sefydliad â thagiau cwmpas priodol.
• Neilltuwch y polisi i’ch dyfeisiau.

Tagio’ch dyfeisiau Windows yn barod ar gyfer Defender for Endpoint (gofynnol)

Er mwyn i’ch dyfeisiau ymddangos yn Defender for Endpoint, rhaid tagio’ch dyfeisiau yn gyntaf. Yn Intune, tagiwch ddyfais Windows 10 neu 11 gydag ID yr Ysgol neu’r Awdurdod Lleol (AL). Dim ond gydag un tag y gellir tagio dyfeisiau, dylid cymhwyso’r polisi hwn i ddyfeisiau yn unig.

• Crëwch broffil ffurfweddu dyfais personol.
• Llwyfan Windows 10 a diweddarach.
• Gosodwch y gosodiadau ffurfweddu fel a ganlyn:
  • Name: Device Tagging.
  • OMA-URI: ./Device/Vendor/MSFT/WindowsAdvancedThreatProtection/DeviceTagging/Group.
  • Data type: String
  • Value: {school id} er enghraifft ‘6xxxxxx’ NEU {AL id} er enghraifft ‘6xx’.

Pwysig: Ar gyfer Value, defnyddiwch rif id llawn yr ysgol os dymunwch i staff TG yn yr ysgol reoli diogelwch y ddyfais, os bydd diogelwch y ddyfais yn cael ei reoli’n ganolog gan yr ALl yna gallwch ddefnyddio dynodwr yr ALl, er enghraifft ‘6xx’

• Neilltuwch i grŵp dyfeisiau.

Gweld eich dyfeisiau yn Defender for Endpoint

Yn ddiofyn bydd gan weinyddwyr Intune yr awdurdod lleol, unwaith y bydd dyfeisiau wedi’u cynefino, fynediad at Defender for Endpoint i weld y dyfeisiau sydd wedi’u cynefino.

Gall dyfeisiau wedi’u cynefino, ar ôl iddynt gael eu tagio’n gywir â’r cod ALl, gymryd hyd at 24 awr i ymddangos yng ngrŵp dyfeisiau yr awdurdod lleol. Rhaid i’r ddyfais fod yn actif ac wedi siarad yn ôl â’r gwasanaeth cwmwl Defender for Endpoint.

Rhaid anfon cais at cymorth@hwbcymru.net os dymuna awdurdodau lleol ddirprwyo’r mynediad hwn i weinyddwyr Intune yn yr ysgolion.

Ffurfweddu hysbysiadau ar gyfer rhybuddion (gofynnol)

Yn Defender, ewch ati i ffurfweddu rheol hysbysiadau rhybuddion Defender for Endpoint:

• Llywiwch a mewngofnodwch i security.microsoft.com
• Ewch i Settings > Endpoints > Email notifications.
• Dewiswch '+ Add notification rule'.
• Ffurfweddwch osodiadau hysbysiadau ar gyfer eich anghenion.
• Dewiswch y grŵp dyfeisiau “6XX – {AL enw} Defender Devices”.
• Ffurfweddwch ddifrifoldeb y rhybudd i gael gwybod amdano a chliciwch ar 'Next'.
• Rhowch y cyfeiriad e-bost sydd angen derbyn y rhybudd a chliciwch ar 'Next' i adolygu a chyflwyno.

Ffurfweddu hysbysiadau ar gyfer digwyddiadau (gofynnol)

Yn Defender, ffurfweddwch y rheol hysbysiadau digwyddiad Defender for Endpoint:

• Llywiwch a mewngofnodwch i security.microsoft.com
• Ewch i Settings > Microsoft Defender XDR > Email notifications.
• Dewiswch '+ Add incident notification rule'.
• Ffurfweddwch osodiadau hysbysiad ar gyfer eich anghenion.
• Dewiswch y grŵp dyfeisiau “6XX – {AL enw} Defender Devices”.
• Ffurfweddwch ddifrifoldeb y rhybudd i gael gwybod amdano a chliciwch ar 'Next'.
• Nodwch y cyfeiriad e-bost sydd angen derbyn yr hysbysiad a chliciwch ar Next i adolygu a chyflwyno.

Intune a Defender for Endpoint

Argymhellir bod gweinyddwyr diogelwch a rheoli dyfeisiau yn defnyddio polisïau diogelwch Endpoint Intune i reoli gosodiadau diogelwch ar ddyfeisiau. Mae pob polisi diogelwch Endpoint yn cefnogi un proffil neu fwy. Mae’r proffiliau hyn yn debyg yn eu cysyniad i dempled polisi ffurfweddu dyfais, grŵp rhesymegol o osodiadau cysylltiedig.

Am ragor o fanylion, ewch i safle Microsoft Learn am arweiniad ar reoli diogelwch Endpoint.

Ffurfweddu polisi gwrth-firws ar gyfer Windows a macOS (gofynnol)

Mae’r polisi gwrth-firws yn gydran allweddol o Defender for Endpoint ac mae’n ofynnol ar gyfer dyfeisiau a reolir.

I ffurfweddu, ewch i Intune > Endpoint Security > Anti-virus > Create Policy > Windows 10, Windows 11, and Windows Server > Microsoft Defender Anti-virus.

Mae’r polisi enghreifftiol hwn wedi’i seilio ar argymhellion gan Microsoft a gweithwyr proffesiynol Diogelwch.

Defender Policy CSP: Windows Client Management | Microsoft Learn

Recommended anti-virus policy

Attack surface reduction ar gyfer Windows yn unig (argymhellir)

I ffurfweddu, ewch i Intune > Endpoint Security > Attack surface reduction > Create Policy > Windows 10, Windows 11, and Windows Server > Attack surface reduction rules.

Yn Intune, ffurfweddwch Attack Surface Reduction (ASR) gan ystyried yr effaith a’r gofynion yn lleol:

• Gosodwch yr holl osodiadau ffurfweddu yn y modd archwilio ac adolygwch nhw yn Defender for Endpoint cyn eu galluogi. Mae’n bwysig eich bod chi’n deall rheolau ASR cyn rhoi hyn ar waith. Dilynwch arweiniad Microsoft ar sut i ddefnyddio rheolau ASR ar gyfer eich dyfeisiau.

Use attack surface reduction rules to prevent malware infection | Microsoft Learn

Cymorth ac arweiniad Microsoft

Edrychwch ar gymorth ac arweiniad Microsoft cyn gweithredu’r polisïau a argymhellir.

Mur Cadarn (argymhellir)

• Manage firewall settings with endpoint security policies in Microsoft Intune. 

Rheoli Apiau (argymhellir)

• Manage approved apps for Windows devices with App Control for Business policy and Managed Installers in Microsoft Intune.

Polisi Cydymffurfiaeth Dyfeisiau (argymhellir)

• Device compliance policies in Microsoft Intune.

Amgryptio Disg (argymhellir)

• Manage disk encryption with endpoint security policies in Microsoft Intune.