Meithrin perthynas amhriodol ar-lein
Adnoddau, canllawiau a gwybodaeth ar gyfer ymarferwyr addysg, dysgwyr a theuluoedd ar feithrin perthynas amhriodol ar-lein.
- Rhan o
![](https://hwb.gov.wales/api/storage/96b79b25-dcfb-405f-b67a-3414629ad319/9.png)
Yr hyn sydd angen i chi ei wybod
Mae meithrin perthynas amhriodol ar-lein yn disgrifio proses pan fo rhywun yn dod yn gyfaill i blentyn ar-lein ac yn ennyn ei ymddiriedaeth gyda’r bwriad o’i ddefnyddio, ei ecsbloetio neu achosi niwed iddo. Bydd y rhai sy’n meithrin perthynas amhriodol ar-lein yn aml yn datblygu cysylltiad emosiynol â phlentyn i ennyn ei ymddiriedaeth a gall troseddwyr ecsbloetio problemau fel unigrwydd, ynysigrwydd, hunan-barch isel, anawsterau teuluol neu mewn perthynas neu pan fo rhywun yn archwilio rhywioldeb.
Gall y sawl sy’n gwneud hyn fod yn gyfarwydd i’r plentyn neu fe all fod yn gwbl ddieithr. Mae’r rhai sy’n gwneud hyn yn defnyddio amrywiaeth o dactegau i ennill grym a rheolaeth dros eu dioddefwr.
Mae datblygiadau cyflym a defnydd cynyddol technoleg AI wedi ei gwneud yn haws meithrin perthynas amhriodol â phlant a phobl ifanc ar-lein. Gellir defnyddio offer AI cynhyrchiol i greu proffiliau, delweddau a sgyrsiau realistig i argyhoeddi pobl ifanc eu bod nhw'n cyfathrebu â chyfoedion. Gellir defnyddio AI cynhyrchiol hefyd i drin delweddau, er enghraifft ffugio noethni, y gellir eu defnyddio wedyn i gamfanteisio drwy fygwth.
Gall y rhain gynnwys esgus bod yn ffrind anfygythiol, fflyrtio, llwgrwobrwyo gyda rhoddion go iawn neu rithwir, canmol, blacmelio ac ynysu’r plentyn oddi wrth ffrindiau a theulu. Gall addysgu plant o oedran cynnar beth yw perthnasoedd iach a llawn parch eu helpu i ddeall pwy i ymddiried ynddo ar-lein a’u grymuso i osgoi neu ymdrin â chyswllt amhriodol yn ddiogel.
Os ydych chi’n pryderu bod rhywun yn meithrin perthynas amhriodol â phlentyn ar-lein neu’n cam-fanteisio’n rhywiol arno, cysylltwch â’r heddlu neu’r NSPCC yn syth. Gellir cyflwyno pryderon am feithrin perthynas amhriodol ar-lein a cham-drin rhywiol i’r CEOP hefyd (Saesneg yn unig).
Canllawiau Llywodraeth Cymru
-
Cadw dysgwyr yn ddiogel
- Canllawiau
-
Gweithdrefnau Diogelu Cymru: Diogelu plant rhag cam-drin ar-lein
- Canllawiau
Atal cam-drin plant yn rhywiol ar-lein - ein gwaith gyda Sefydliad Gwylio'r Rhyngrwyd (IWF)
-
Ymgyrch 'Home Truths'
Gwybodaeth a chyngor i rieni a gofalwyr i gefnogi sgyrsiau gyda'u plant am feithrin priodas amhriodol ar-lein
-
Ymgyrch 'Gurls Out Loud'
Cyngor i blant a phobl ifanc ar sut i ymdrin yn ddiogel â chyswllt amhriodol ar-lein
Barn yr arbenigwyr
![](https://hwb.gov.wales/api/storage/2eb7724d-4dd3-47e8-b2a4-120ba0373f71/iwf-ceo-susie-hargreaves-obe-web-res-red-backgroundjpg.png)
Meithrin perthynas amhriodol ar-lein: Gofalu nad yw drws eich cartref ar agor i gamdrinwyr rhywiol plant
Susie Hargreaves, OBE, Prif Weithredwr Sefydliad Gwylio’r Rhyngrwyd (IWF)
![](https://hwb.gov.wales/api/storage/d825dbaf-8b3d-4f79-9303-adc3a0c3f524/professor-nuria-lorenzo-dus.jpg)