Grŵp ieuenctid cadw'n ddiogel ar-lein
- Rhan o
Mae'r tîm Cadernid Digidol mewn Addysg (DRiE) wedi gweithio gyda Cymru Ifanc, menter gyfranogiad Plant yng Nghymru, sy’n cael ei hariannu gan Lywodraeth Cymru, i sefydlu grŵp ieuenctid Cadw'n ddiogel ar-lein sy’n cynnwys pobl ifanc rhwng 13 i 17 oed o bob cwr o Gymru.
Diben y grŵp
Mae tîm DRiE yn rheoli ardal Cadw'n ddiogel ar-lein Hwb sy'n darparu adnoddau, arweiniad a hyfforddiant ynghylch cadw'n ddiogel ar-lein i blant a phobl ifanc, yn ogystal ag i addysgwyr a theuluoedd. Drwy glywed yn uniongyrchol gan bobl ifanc, mae DRiE yn gallu cael gwell dealltwriaeth o’r materion perthnasol a sut i godi ymwybyddiaeth o'r rhain ac, yn y pen draw, cefnogi plant a phobl ifanc i fod yn fwy diogel ar-lein.
Mae'r grŵp yn cyfarfod tua chwe gwaith yn ystod y flwyddyn ysgol ac mae'r sesiynau'n cael eu hwyluso gan Cymru Ifanc i sicrhau bod dulliau diogelu priodol ar waith. Yn ystod y sesiynau, mae'r aelodau'n trafod ystod eang o bynciau: gallai un sesiwn ganolbwyntio ar fanteision a pheryglon y cyfryngau cymdeithasol, ac un arall ar oblygiadau deallusrwydd artiffisial (AI) a thechnolegau eraill sy'n dod i'r amlwg i'n bywydau.
Yn ogystal â rhannu profiadau, mae manteision eraill i gymryd rhan, sy'n cynnwys y cyfle i:
- gydgynhyrchu prosiectau gyda'r tîm DRiE a dylanwadu ar bolisïau ac arferion Llywodraeth Cymru
- cymryd rhan mewn ymgyrchoedd byd-eang, gan gynnwys Diwrnod Defnyddio'r Rhyngrwyd yn Fwy Diogel
- datblygu gwybodaeth am y datblygiadau diogelwch ar-lein diweddaraf a sgiliau arwain a chyfathrebu.
- cyfarfod ffrindiau newydd a mynychu digwyddiadau preswyl.
Mae rhagor o wybodaeth, gan gynnwys y ffurflen ymuno, ar gael ar wefan Cymru Ifanc.
Ein gwaith gyda Cymru Ifanc - darganfyddwch fwy
- Y newyddion diweddaraf gan ein grŵp ieuenctid
Gallwch ddarganfod mwy am y grŵp a'u gweithgareddau diweddar ar eu tudalen newyddion diweddaraf
- Sesiwn holi ac ateb gydag un o'r aelodau'r grŵp
Darllenwch grynodeb o'r hyn a drafodwyd yn y cyfarfod cyntaf ym mis Ionawr 2023.