Cystadleuaeth 'Clwb y Dyfodol' Hwb ac Undeb Rygbi Cymru 2023 i 2024

Mae strwythur y gystadleuaeth wedi'i ddylunio ar gyfer Cam(au) Cynnydd lefelau mynediad cysylltiedig a lefel mynediad ADY:

• Cam Cynnydd 1 a 2
• Cam Cynnydd 3
• Cam Cynnydd 4 a 5
• ADY

Mae tair rhan i'r gystadleuaeth:

1. Rownd leol (ysgolion unigol) – Dyddiad cau: Dydd Gwener 22 Mawrth 2024
2. Rownd gynderfynol ranbarthol – byddwn yn cyhoeddi 1 enillydd o bob ystod oedran ar gyfer pob consortiwm / rhanbarth erbyn dydd Gwener 17 Mai 2024
3. Rownd derfynol genedlaethol – Dydd Iau 13 Mehefin 2024 Stadiwm Principality

Rownd leol – Cam Un

Dylai pob ysgol sy'n cofrestru gynnal eu cystadleuaeth eu hunain yn yr ysgol ar gyfer eu dysgwyr. Bydd tystysgrifau ar gael i ysgolion ddyfarnu i'w dysgwyr sy’n cymryd rhan.

Mae tystysgrifau ar gael yn WRU Club of the Future Team/Resources Channel/Files/Additional Resources Appendix

Bydd angen i bob ysgol feirniadu a dewis cais ar gyfer pob lefel mynediad sy’n berthnasol iddyn nhw (h.y. gallai ysgol gynradd gyflwyno dau gais - un ar gyfer Cam Cynnydd 1 a 2 ac un ar gyfer Cam Cynnydd 3. Gallai ysgol uwchradd gyflwyno un cais ar gyfer Cam Cynnydd 4 a 5. Gallai ysgol sy'n cwmpasu'r tair ystod oedran gyflwyno tri chais.)

Gweler y Drefn Farcio yn WRU Club of the Future Team/Resources Channel/Files

Anogir ceisiadau grwp o tua phedwar dysgwr. Fodd bynnag, mae croeso i hyd at ddeg dysgwr fesul cyflwyniad, ond dim mwy. Bydd cyflwyniadau unigol yn cael eu derbyn hefyd.

Byddai'r ceisiadau hyn yn mynd i'r rownd ranbarthol.

Rownd gynderfynol ranbarthol – Cam Dau

Bydd y ceisiadau o'r rownd leol yn cael eu beirniadu gan Arweinwyr Digidol y Consortiwm Rhanbarthol a Hwb, a nhw fydd yn cynrychioli'r Rhanbarth ym mhob lefel mynediad yn y rownd derfynol genedlaethol.

Bydd y dewis yn seiliedig ar ddull y Drefn Farcio. Bydd y cysylltiadau â'r Fframwaith Cymhwysedd Digidol a'r Cwricwlwm i Gymru a nodwyd gan yr addysgwr yn y cyflwyniad hefyd yn cael eu hystyried.

Y rownd derfynol genedlaethol – Cam Tri

Bydd yr holl geisiadau Rhanbarthol buddugol yn cael eu gwahodd i dderbyniad arbennig yn Stadiwm Principality i dderbyn eu gwobrau Rhanbarthol.

Bydd pob enillydd Rhanbarthol yn dangos eu cais yn y digwyddiad, lle bydd cynrychiolwyr o Undeb Rygbi Cymru a Hwb yn dewis enillydd Cenedlaethol ar gyfer pob lefel mynediad. Bydd gwobrau cenedlaethol hefyd yn cael eu cyflwyno ar y diwrnod.

Cam un: Cofrestru ac ymuno â Thîm Clwb y Dyfodol URC

Cofrestrwch i gael mynediad Microsoft Team ar gyfer cystadleuaeth Her Clwb y Dyfodol Undeb Rygbi Cymru.

DS: Bydd angen i chi ddefnyddio eich cyfeiriad e-bost Hwb i gael eich ychwanegu at sesiwn Microsoft Team Her Clwb y Dyfodol Undeb Rygbi Cymru.

Bydd yr holl negeseuon, cwestiynau athrawon ac unrhyw rannu adnoddau perthnasol yn digwydd drwy gymuned Teams

Her Clwb y Dyfodol Undeb Rygbi Cymru.

Ar ôl ymuno â Team Her Clwb y Dyfodol Undeb Rygbi Cymru, byddwch yn y General Channel.

Bydd maes sgwrsio cyffredinol y General Channel yn cynnwys gwybodaeth sy'n eich cyfeirio at y sianeli perthnasol.

DS: Mae cyhoeddiadau glas yn y Gymraeg. Mae cyhoeddiadau gwyrdd yn Saesneg.

Mae'r Announcement Channel yno i hyrwyddo'r gystadleuaeth a rhoi diweddariadau i chi am weithgareddau a digwyddiadau ategol a fydd yn cael eu cynnal drwy gydol cyfnod y gystadleuaeth.

Cam dau: Defnyddio ac adolygu'r adnoddau i gefnogi'r gystadleuaeth

Ewch i sianel Resources i weld cyfres o adnoddau sydd ar gael i'ch helpu chi a'ch dysgwyr wrth fynd ati i adeiladu eich 'Clwb y Dyfodol'.

Cymerwch eich amser i adolygu'r holl adnoddau amrywiol sydd wedi'u datblygu i'ch helpu chi a'ch dysgwyr:

• Trosolwg o'r gystadleuaeth

Mae'r ddogfen hon yn rhoi trosolwg o'r her i'r dysgwr a'r addysgwr fel ei gilydd. Yna, mae'n tynnu sylw at y Meysydd Dysgu a Phrofiad (MDPh) y gellir eu harchwilio drwy sawl lens. Gyda’i gilydd maen nhw’n cyfrannu at wireddu pedwar diben y cwricwlwm.

Mae cyfleoedd i gryfhau ac ymarfer ystod eang o sgiliau trawsgwricwlaidd. Ar ben hynny, bydd yn helpu dysgwyr i arddangos a datblygu eu gallu mewn: Creadigrwydd ac arloesi, meddwl yn feirniadol a datrys problemau, effeithiolrwydd personol, cynllunio a threfnu.

• 'Cynllun gwaith’ yr Her

Mae’r cynllun gwaith yn amlinellu pob un o chwe chyfnod yr her ac yn diffinio'r Amcanion Dysgu ac elfennau’r gwersi. Golwg gyffredinol ar yr hyn fydd yn cael sylw yn chwe chyfnod yr her.

• Cymorth gwersi manwl

Mae'r dogfennau hyn yn cynnwys cymorth gwersi manylach, gyda phob math o syniadau a gweithgareddau ar sut i'w defnyddio. Mae gan bob un hyblygrwydd sy'n caniatáu i addysgwyr ddehongli'r dogfennau cymorth a'u defnyddio yn unol â'r grwpiau oedran perthnasol o ran hyd a lled y cais. Hefyd, anogir addysgwyr i arloesi trwy gyflwyno'r prosiect i'r Maes Dysgu a Phrofiad mwyaf perthnasol er mwyn cynnig y profiad mwyaf gwerth chweil a deniadol i'w dysgwyr a'u hardal leol.

• Cyflwyniadau gwers PowerPoint

Lle bo hynny'n berthnasol, mae sioe sleidiau PowerPoint ar gael er mwyn helpu i gyflwyno camau neu gysyniadau penodol yr her – mae croeso i chi addasu yn unol â'ch gofynion.

Mae'r PowerPoints hyn ar gael ar ffurf fideos hefyd, a gallech eu defnyddio fel cyflwyniad mewn senario Ystafell Ddosbarth Wrthdro.

• Principality Stadium Starter World in Minecraft Education

Dyma fan cychwyn yr her, ail-greu Stadiwm Principality yn Minecraft: Education Edition. Bydd dysgwyr yn mynd trwy fyd Minecraft Stadiwm Principality, gan gysylltu ag amryw o gymeriadau nad ydynt yn chwaraewyr (NPCs) i feithrin gwybodaeth a dealltwriaeth o fyd rygbi.

Bydd pob NPC yn cynrychioli chwaraewr rygbi Cymru a fydd yno i dywys y dysgwyr ac fel dolen gyswllt i wybodaeth am agweddau amrywiol ar fyd rygbi. Bydd hyn yn caniatáu iddyn nhw archwilio rygbi drwy lensys amrywiol gyda chysylltiadau llawn â'r cwricwlwm.

• Trefn farcio meini prawf

Darparwyd trefn farcio meini prawf clir ar gyfer pob un o ystodau oedran y 'Camau Cynnydd'. Mae gan bob un ohonyn nhw ddisgrifiadau o’r canlynol: Cynnydd sy'n dod i'r amlwg, sy'n datblygu, ac uwch ar draws pedwar llinyn: Cyfathrebu, Creu cynnwys digidol, Deall a dehongli'r ardal leol, a chysylltiadau â Meysydd Dysgu a Phrofiad.

Mae llu o fanteision i ddefnyddio trefn farcio (rubric), ac mae'n gallu helpu mewn sawl ffordd, gan gynnwys caniatáu i ddysgwyr weld y drefn farcio , neu ran ohoni, cyn dechrau ar y dasg. Fe fyddan nhw wedyn yn gwybod beth yw eu nod terfynol. Gall hefyd eich helpu fel addysgwr i hwyluso adborth ffurfiannol a rhoi cyfeiriad clir i'ch dysgwyr.

• Tystysgrifau cymryd rhan i ddysgwyr

Mae tystysgrif templed ar gael i chi ei rhoi i’ch dysgwyr am gymryd rhan yn Her Clwb y Dyfodol Undeb Rygbi Cymru.

• Sianel Fideos Ategol

Yn y Sianel hon mae recordiadau fideo ar wahân i gyd-fynd â phob Cam o'r gystadleuaeth o safbwynt cynradd ac uwchradd. Crëwyd gan athrawon ar gyfer athrawon!

• Sianel Holi ac Ateb

Unwaith y byddwch chi'n gweithio ar her, efallai y bydd gennych chi neu'r dysgwr gwestiynau. Mae sianel bwrpasol ar gyfer hyn.

Cam tri: Cyflwyno cais terfynol eich ysgol ar gyfer pob lefel mynediad

Ar ôl cynnal cystadleuaeth yn eich ysgol a dewis eich cais/ceisiadau buddugol, bydd angen llenwi ffurflen gais a rhannu dolen arweiniad ar ffurf fideo erbyn dydd Gwener 22 Mawrth 2024 i symud ymlaen i'r rownd Ranbarthol.

Mae'r ffurflen gais yn y sianel Submissions.

Bydd angen i chi lywio i'r tab 'Submission' ar ochr dde uchaf y sgrin. Bydd hyn yn agor ffurflen i chi ei llenwi. Bydd angen gwybodaeth fanwl gennych am eich cais:

• Enwau'r dysgwyr a greodd yr adeilad etc (hyd at 10 dysgwr ym mhob grwp)
• Dolen i ffolder ar-lein sy'n cynnwys arweiniad ar ffurf fideo ar gyfer y cais.
• Dolen i ffolder ar-lein sy'n cynnwys ffeil y byd Minecraft
• Mae dolen i ffolder ar-lein sy'n cynnwys unrhyw ffeiliau dogfennau cynllunio wedi'u cadw
• Nodyn byr o'r ymchwil a wnaed i lywio’r adeilad Minecraft (naratif yr addysgwyr)
• Y cysylltiadau â'r Meysydd Dysgu a Phrofiad sydd yn y cais (naratif yr addysgwyr)
• Cwblhau sgôr yn erbyn y System Farcio Meini Prawf (naratif yr addysgwyr)

DS Mae fersiwn Gymraeg a Saesneg o'r ffurflen ar gael. Defnyddiwch y gwymplen ar y dde i newid iaith.

Bydd enwau'r enillwyr Rhanbarthol yn cael eu cyhoeddi erbyn dydd Gwener 17 Mai 2024.

Bydd pob cais buddugol Rhanbarthol yn cael gwahoddiad i dderbyniad arbennig ddydd Iau 13 Mehefin 2024 yn Stadiwm Principality i dderbyn eu gwobrau Rhanbarthol.

Bydd pob enillydd Rhanbarthol yn dangos eu cais yn y digwyddiad, lle bydd cynrychiolwyr o Undeb Rygbi Cymru a Hwb yn dewis enillydd Cenedlaethol ar gyfer pob categori. Bydd gwobrau cenedlaethol hefyd yn cael eu cyflwyno ar y diwrnod.

Defnyddiwch y rhestr dicio syml hon i'ch cadw ar y trywydd iawn gyda'ch Camau i Lwyddiant (pdf).

Meysydd Dysgu a Phrofiad

Bydd y prosiect hwn yn cynnig sawl ffordd o ddatblygu cyfleoedd er mwyn cefnogi amrywiaeth eang o gysylltiadau'r cwricwlwm â Meysydd Dysgu a Phrofiad. Anogir agwedd gyfannol at ddysgu drwyddi draw ac isod mae yna rai cysylltiadau â'r cwricwlwm yn cael eu hawgrymu. Gyda'i gilydd, byddan nhw'n helpu i wireddu pedwar diben y cwricwlwm:

Y Celfyddydau Mynegiannol:

• Mae creu yn cyfuno sgiliau a gwybodaeth, gan dynnu ar y synhwyrau, ysbrydoliaeth a dychymyg

Mae cyfleoedd i ddatblygu meysydd penodol i ddisgyblaethau, mae'r rhain yn cynnwys ond heb eu cyfyngu i'r canlynol:

• Celf - ffurfiau 2D a 3D, dylunio pensaernïol, dylunio rhyngweithiol, cyfryngau cymysg, fideo.
• Ffilm a chyfryngau digidol – naratif, fideo, dylunio cynhyrchiad

Iechyd a Lles:

• Mae datblygu iechyd a lles y corff yn arwain at fuddiannau gydol oes
• Mae’r ffordd rydym yn gwneud penderfyniadau yn effeithio ar ansawdd ein bywydau ni a bywydau eraill
• Mae’r ffordd rydym yn ymwneud â dylanwadau cymdeithasol yn siapio pwy ydyn ni, ac yn effeithio ar ein hiechyd a’n lles

Y Dyniaethau:

• Mae ymholi, archwilio ac ymchwilio yn ysbrydoli chwilfrydedd am y byd, ei orffennol, ei bresennol a’i ddyfodol
• Mae digwyddiadau a phrofiadau pobl yn gymhleth, a chânt eu hamgyffred, eu dehongli a’u cynrychioli mewn gwahanol ffyrdd
• Mae ein byd naturiol yn amrywiol a deinamig, wedi’i ddylanwadu gan brosesau a gweithredoedd dynol
• Mae dinasyddion gwybodus, hunanymwybodol yn mynd i’r afael â’r heriau a’r cyfleoedd sy’n wynebu dynoliaeth, ac yn gallu cymryd camau ystyrlon ac egwyddorol

Ieithoedd, Llythrennedd a Chyfathrebu:

• Mae deall ieithoedd yn allweddol i ddeall y byd o’n hamgylch
• Mae mynegi ein hunain drwy ieithoedd yn allweddol i gyfathrebu

Mathemateg a Rhifedd:

• Defnyddir y system Rhif i gynrychioli a chymharu'r cysylltiadau rhwng rhifau a niferoedd
• Mae geometreg yn canolbwyntio ar berthnasoedd sy'n ymwneud â siâp, gofod a safle, ac mae mesur yn canolbwyntio ar feintioli ffenomena yn y byd ffisegol
• Mae ystadegau yn cynrychioli data, mae tebygolrwydd yn modelu siawns, ac mae’r ddau yn cefnogi casgliadau a phenderfyniadau gwybodus

Gwyddoniaeth a Thechnoleg:

• Mae bod yn chwilfrydig a chwilio am atebion yn hanfodol i ddeall a rhagfynegi ffenomenau
• Mae meddylfryd dylunio a pheirianneg yn cynnig ffyrdd technegol a chreadigol o ddiwallu anghenion a dymuniadau cymdeithas
• Mae cyfrifiaduraeth yn gosod sail i’n byd digidol

Sgiliau Trawsgwricwlaidd a Sgiliau Cyfannol

Llythrennedd:

• Gwrando - Gwrando am ystyr, Datblygu geirfa, Gwrando i ddeall, Gwrando fel rhan o siarad cydweithredol
• Darllen – Deall, ymateb a dadansoddi
• Siarad - Eglurder a geirfa, Siarad cydweithredol, Gofyn cwestiynau
• Ysgrifennu – Geirfa, Sillafu, Gramadeg, Cynllunio, Cysyllteiriau a Chystrawen, Atalnodi Cynllunio a threfnu ar gyfer gwahanol ddibenion, cynulleidfaoedd a chyd-destunau / Prawfddarllen, golygu a gwella

Rhifedd:

• Cyfrifiad
• Mesur
• Siâp a gofod
• Safle
• Ongl, Geometreg
• Casglu data
• Cynrychioli data
• Dehongli data

Cymhwysedd Digidol

Mae cyfleoedd i ddatblygu elfennau gwahanol yn ffurfio'r llinynnau canlynol:

• Rhyngweithio a Chydweithio
• Cynhyrchu
• Data a meddwl cyfrifiadurol

Sgiliau hanfodol

Bydd y prosiect hefyd yn galluogi dysgwyr i arddangos a thyfu eu gallu yn elfennau hanfodol canlynol datblygiad personol, a werthfawrogir yn fawr gan gyflogwyr:

• Creadigrwydd ac arloesedd
• Meddwl yn feirniadol a datrys problemau
• Effeithiolrwydd personol
• Cynllunio a threfnu