Sefydliadau a phartneriaid dibynadwy
Mae mwy o gymorth a chanllawiau ar gadernid digidol ar gael ar wefannau’r sefydliadau a’r partneriaid dibynadwy canlynol.
- Rhan o
Barnardo's Cymru
Mae Barnardo’s yn credu mewn dull sy’n canolbwyntio ar y teulu cyfan. Maen nhw’n helpu gofalwyr ifanc a’r rhai sy’n gadael gofal; y rhai sy’n cael eu cam-drin a’r rhai sydd mewn perygl o gael eu hecsbloetio. Yn cefnogi’r rhai sy’n dioddef problemau iechyd meddwl; y rhai sydd wedi profi trawma masnachu pobl ac yn llywio pobl ifanc agored i niwed oddi wrth droseddu cyfundrefnol.
X (a elwir gynt yn Twitter): @BarnardosCymru
BBFC (British Board of Film Classification)
Rheoleiddiwr annibynnol yw’r BBFC â mwy na 100 mlynedd o brofiad. Mae’r BBFC yn helpu pawb yn y DU i ddewis ffilmiau, fideos a gwefannau sy’n briodol i’r oedran, ble bynnag a sut bynnag maen nhw’n eu gwylio neu’u defnyddio
X (a elwir gynt yn Twitter): @BBFC
Byw Heb Ofn
Mae'n cynnig cyngor a chymorth ar drais yn erbyn menywod, cam-drin domestig a thrais rhywiol.
Ffôn: 0808 80 10 800
X (a elwir gynt yn Twitter): @LiveFearFree
Canolfan Ecsbloetio Ddigidol Genedlaethol
Mae’r Ganolfan Ecsbloetio Ddigidol Genedlaethol yn darparu cyfleuster ar gyfer mentrau, academyddion, ysgolion, sefydliadau ac unigolion sydd am ddysgu mwy am dechnoleg, manteisio ar gyfleusterau o’r radd flaenaf a chael cyngor o ansawdd gan arbenigwyr uchel eu parch ym maes seiber ddiogelwch.
Childline
Mae Childline yn wasanaeth cwnsela a ddarperir ar gyfer pobl ifanc hyd at eu pen-blwydd yn 19 oed yn y DU.
Ffôn: 0800 1111
Common Sense Education
Mae Common Sense Education yn cefnogi ysgolion i rymuso’r genhedlaeth nesaf o ddinasyddion digidol, gan gynnig gwersi arobryn sy’n seiliedig ar ymchwil i ddatblygu arferion a sgiliau gydol oes i fyfyrwyr, yn ogystal ag adnoddau defnyddiol i rieni.
X (a elwir gynt yn Twitter): @CommonSenseEd
Get Safe Online
Menter ar y cyd ag asiantaethau gorfodi'r gyfraith, rheoleiddwyr a sefydliadau'r sector cyhoeddus a'r sector preifat ym maes technoleg, cyfathrebu, manwerthu a chyllid. Y nod yw i helpu unigolion a busnesau bach a chanolig i ddefnyddio'r rhyngrwyd yn hyderus ac yn ddiogel.
Swyddfa Eiddo Deallusol
Bob dydd mae pobl yn ceisio datrys problemau a sbarduno datblygiadau technolegol trwy ddyfeisio. Oherwydd bod gan y creadigaethau hyn werth - yn fasnachol ac yn ddiwylliannol - mae'r Swyddfa Eiddo Deallusol yn cynnig amddiffyniad i eiddo deallusol (IP) gan gynnwys patentau, dyluniadau cofrestredig, nodau masnach a hawlfraint. Mae deall Eiddo Deallusol yn bwysig a dyna pam ein bod ni wedi datblygu ystod o adnoddau addysgu.
Ebost: innovation@ipo.gov.uk
Adnoddau: Cracking ideas (TES)
Learn My Way
Mae Learn My Way (LMW) yn llwyfan sgiliau digidol sylfaenol, dwyieithog sy’n cynnig cyrsiau i’ch helpu i feithrin sgiliau digidol er mwyn manteisio i’r eithaf ar y byd ar-lein.
The Marie Collins Foundation
Elusen yw’r Marie Collins Foundation sy'n ymroddedig i wella'r canlyniadau i blant sy'n cael eu cam-drin ar-lein drwy gynorthwyo teuluoedd, gweithio mewn partneriaeth â gweithwyr proffesiynol, datblygu adnoddau a darparu hyfforddiant.
Ffôn: 01765 688827
Swyddfa’r Comisiynydd Gwybodaeth
Y Comisiynydd Gwybodaeth sy’n gyfrifol yn y DU am hybu a gorfodi’r Rheoliad Cyffredinol ar Ddiogelu Data (GDPR), Deddf Diogelu Data 2018, Deddf Rhyddid Gwybodaeth 2000, Rheoliadau Gwybodaeth Amgylcheddol 2004 a Rheoliadau Preifatrwydd a Chyfathrebiadau Electronig 2003, ymysg eraill.
Ebost: wales@ico.org.uk
