Grŵp ieuenctid cadw'n ddiogel ar-lein

Y llynedd, sefydlodd tîm Cadernid Digidol mewn Addysg (DRiE) grŵp ieuenctid Cadw'n ddiogel ar-lein sy’n cynnwys pobl ifanc rhwng 13 i 17 oed o bob cwr o Gymru.

Diben y grŵp

Mae tîm DRiE yn rheoli ardal Cadw'n ddiogel ar-lein Hwb sy'n darparu adnoddau, arweiniad a hyfforddiant ynghylch cadw'n ddiogel ar-lein i blant a phobl ifanc, yn ogystal ag i addysgwyr a theuluoedd. Drwy glywed yn uniongyrchol gan bobl ifanc, mae DRiE yn gallu cael gwell dealltwriaeth o’r materion perthnasol a sut i godi ymwybyddiaeth o'r rhain ac, yn y pen draw, cefnogi plant a phobl ifanc i fod yn fwy diogel ar-lein.

Y llynedd, cyfarfu'r grŵp tua chwe gwaith yn ystod y flwyddyn ysgol - cymysgedd o sesiynau ar-lein ac wyneb yn wyneb.

Yn ystod y sesiynau, mae'r aelodau'n trafod ystod eang o bynciau: gallai un sesiwn ganolbwyntio ar fanteision a pheryglon y cyfryngau cymdeithasol, ac un arall ar oblygiadau deallusrwydd artiffisial (AI) a thechnolegau eraill sy'n dod i'r amlwg i'n bywydau.

Yn ogystal â rhannu profiadau, mae manteision eraill i gymryd rhan, sy'n cynnwys y cyfle i:

• gydgynhyrchu prosiectau gyda'r tîm DRiE a dylanwadu ar bolisïau ac arferion Llywodraeth Cymru
• cymryd rhan mewn ymgyrchoedd byd-eang, gan gynnwys Diwrnod Defnyddio'r Rhyngrwyd yn Fwy Diogel
• datblygu gwybodaeth am y datblygiadau diogelwch ar-lein diweddaraf a sgiliau arwain a chyfathrebu
• cyfarfod ffrindiau newydd a mynychu digwyddiadau preswyl

Ein gwaith gyda'r grŵp ieuenctid - darganfyddwch fwy