English
Hwb

Cadw'n ddiogel ar-lein: help a chefnogaeth

Sut i roi gwybod am gynnwys ar-lein niweidiol a chael mynediad at linellau cymorth a gwasanaethau am ddim a chyfrinachol.

Rhybudd

Os ydych chi neu rywun rydych chi'n ei adnabod mewn perygl uniongyrchol, ffoniwch y gwasanaethau brys ar 999.

Rhoi gwybod am broblem ar-lein

Gallwch gyfrannu at amgylchedd ar-lein mwy diogel drwy roi gwybod am achosion o niwed rydych chi wedi'u profi neu wedi'u gweld ar-lein.

Mae'r rhan fwyaf o ddarparwyr gwasanaethau ar-lein yn cynnig:

  • swyddogaeth i ddeiliaid cyfrifon ar gyfer rhoi gwybod am broblemau
  • y gallu i roi gwybod am bryderon ar ran plentyn neu berson ifanc

Os ydych chi'n rhoi gwybod am broblemau i blatfformau neu wasanaethau arbenigol eraill, gallan nhw gymryd camau priodol.

Beth ddylid ei ystyried wrth roi gwybod am broblem ar-lein

Gallwch roi gwybod am gynnwys anghyfreithlon ynghyd â chynnwys cyfreithlon ond niweidiol.

Casglu tystiolaeth

Os ydych chi wedi gweld neu brofi cynnwys niweidiol ar-lein ac eisiau rhoi gwybod amdano, casglwch y dystiolaeth briodol. Os yw'n bosibl, cymerwch sgrinluniau a chadw cofnod o URLs a dyddiadau ac amseroedd. Gall y rhain i gyd helpu.

Siaradwch â rhywun rydych chi'n ymddiried ynddo

Mae'n bwysig cael cymorth os ydych chi wedi profi problem ar-lein. 

Os ydych chi'n blentyn sy'n chwilio am help neu wybodaeth, ond yn poeni am siarad ag oedolyn, ewch i wefan Meic am gyngor. 

Mae CEOP Education yn cynnig cyngor i rieni a gofalwyr i'w helpu i siarad â'u plant am fater sensitif.

Adnabod y sianel gywir ar gyfer rhoi gwybod am broblemau

Defnyddiwch y gwasanaeth cywir i roi gwybod am eich problem. Bydd hyn yn sicrhau eich bod yn cael y gefnogaeth gywir.

Rhoi gwybod am gynnwys niweidiol

Mae Report Harmful Content yn ganolfan genedlaethol i gynorthwyo â rhoi gwybod am gynnwys niweidiol ar-lein. Nod y gwasanaeth yw darparu cymorth yn benodol ar gyfer y mathau canlynol o niwed:

  • cam-drin ar-lein
  • bwlio neu aflonyddu
  • bygythiadau
  • dynwared
  • camau rhywiol nas dymunir (heb fod yn ddelweddau)
  • cynnwys treisgar
  • cynnwys sy’n ymwneud â hunan-niweidio neu hunanladdiad
  • cynnwys pornograffig

Cael gwared ar ddelwedd neu fideo noeth a rannwyd ar-lein

Gall plant a phobl ifanc ddefnyddio adnodd Report Remove Childline i roi gwybod am ddelweddau a fideos noeth sydd wedi cael eu rhannu neu a allai gael eu rhannu'n gyhoeddus.

Mae'r fideo hwn yn egluro sut y gall y gwasanaeth Report Remove helpu.

Rhoi gwybod am dwyll neu seiberdroseddu

Action Fraud yw canolfan genedlaethol y DU ar gyfer rhoi gwybod am y canlynol:

  • twyll
  • seiberdrosedd

Rhoi gwybod am gam-drin rhywiol ar-lein

Rhowch wybod yn ddiogel am bryderon am gam-drin rhywiol ar-lein ar wefan CEOP.

Rhoi gwybod am gynnwys cam-drin plant yn rhywiol

Gallwch roi gwybod am ddelweddau neu fideos lle ceir amheuaeth o gam-drin plant yn rhywiol i Internet Watch Foundation (IWF).

Rhoi gwybod am broblem ar ap neu wefan benodol

Mae'r canllawiau ynghylch apiau i deuluoedd yn cynghori ar roi gwybod am broblem ar rai o'r cyfryngau cymdeithasol a'r apiau gemau cyfrifiadur mwyaf poblogaidd.

Cyngor a chymorth cyfrinachol

Os ydych chi neu rywun rydych chi'n ei adnabod yn ei chael hi'n anodd, mae llinellau cymorth a gwasanaethau cyfrinachol am ddim i'ch helpu.

C.A.L.L. (Llinell Wrando a Chymorth Cymunedol)

Mae C.A.L.L. yn llinell gymorth a gwasanaeth negeseuon testun iechyd meddwl ar gyfer Cymru. Mae'n agored i unrhyw un sy'n poeni am eu hiechyd meddwl eu hunain neu iechyd meddwl perthynas neu ffrind. Mae'n cynnig gwasanaeth gwrando a chymorth cyfrinachol.

Ffôn: 0800 132 737.

Neges destun: 'help' i 81066.

Mae galwadau a negeseuon yn rhad ac am ddim ac mae llinellau ar agor 24 awr y dydd, 7 diwrnod yr wythnos.

Childline

Mae Childline yn wasanaeth rhad ac am ddim, preifat a chyfrinachol i unrhyw un o dan 19 oed. Gallwch siarad am unrhyw beth sy'n eich poeni chi.

Gallwch siarad â chwnselydd Childline neu gael cymorth gan bobl ifanc eraill.

Ffôn: 0800 1111.

Mae galwadau yn rhad ac am ddim, ac ni fyddan nhw’n ymddangos ar eich bil. Mae’r llinellau ar agor rhwng 9am a chanol nos.

Gallwch hefyd:

Ewch i wefan Childline i gael rhagor o wybodaeth.

Mae modd cysylltu â Childline yn Gymraeg hefyd.

Gofal mewn Galar Cruse

Mae Gofal mewn Galar Cruse yn cynnig cefnogaeth, cyngor a gwybodaeth i unrhyw un sy'n profi galar.

Ffôn: 0808 808 1677.

Byw Heb Ofn

Mae llinell gymorth Byw Heb Ofn yn darparu help a chyngor am ddim ar gyfer:

  • unrhyw un sy'n dioddef cam-drin domestig neu drais rhywiol
  • unrhyw un sy'n adnabod rhywun y mae angen cymorth arno, er enghraifft, ffrind, aelod o'r teulu neu gydweithiwr
  • ymarferwyr sydd am gael cyngor proffesiynol

Mae pob sgwrs drwy wasanaeth Byw Heb Ofn yn gyfrinachol ac yn cael eu cynnal â staff sy'n brofiadol ac wedi'u hyfforddi'n llawn.

Mae Byw Heb Ofn ar gael 24 awr y dydd, 7 diwrnod yr wythnos.

Ffôn: 0808 80 10 800.

Neges destun: 07860077333.

e-bost: gwybodaeth@llinellgymorthbywhebofn.cymru.

Gwasanaeth sgwrsio byw.

Os na allwch siarad yn ddiogel, ond mae angen help arnoch ar unwaith, bydd heddluoedd ledled Cymru yn ymateb i alwad 999 dawel. Deialwch 999 ac yna 55 i nodi na allwch siarad ond bod angen help.

Sefydliad Lucy Faithfull Cymru

Mae Stop it now yn brosiect atal cam-drin plant yn rhywiol. Mae'n helpu rhieni, gofalwyr a gweithwyr proffesiynol i amddiffyn plant rhag cam-drin a chamfanteisio rhywiol.

Ffôn: 0808 1000 900.

e-bost: wales@lucyfaithfull.org.uk.

X: @LucyFaith_Wales.

Meic

Mae Meic yn llinell gymorth gyfrinachol, ddwyieithog, rad ac am ddim i blant a phobl ifanc hyd at 25 oed yng Nghymru.

Gallwch wneud y canlynol:

  • cael help i ddelio â sefyllfa anodd
  • cael rhywun i wrando hyd yn oed pan fydd yn teimlo na fydd unrhyw un arall yn gwneud
  • canfod beth sydd ar y gweill yn eich ardal leol

Ni fydd Meic yn eich barnu a bydd yn helpu drwy roi'r canlynol ichi:

  • gwybodaeth
  • cyngor defnyddiol
  • y cymorth sydd ei angen arnoch

Gelli gysylltu yn Gymraeg neu yn Saesneg.

Mae Meic ar agor rhwng 8am a chanol nos, 7 diwrnod yr wythnos. 

Ffôn neu WhatsApp: 0808 80 23456.

Neges destun: 07943 114 449.

Neges wib neu sgwrs ar-lein: www.meic.cymru.

NSPCC

Os ydych yn poeni am blentyn, hyd yn oed os nad ydych chi'n siŵr, gallwch gysylltu â llinell gymorth NSPCC. Mae'n cael ei staffio gan weithwyr proffesiynol hyfforddedig a all ddarparu cyngor a chefnogaeth arbenigol. Gallan nhw hefyd helpu â’r canlynol:

Ffôn: 0808 800 5000.

Mae galwadau'n rhad ac am ddim, a does dim angen ichi roi eich enw. Mae llinellau ar agor ddydd Llun i ddydd Gwener 9am i 6pm neu 9am i 4pm ar y penwythnos. 

e-bost: help@nspcc.org.uk.

Cyflwynwch ffurflen ar-lein.

Papyrus

Mae Papyrus yn elusen genedlaethol wedi'i neilltuo i atal hunanladdiad ymysg pobl ifanc. Gallwch gysylltu â Papyrus am gymorth cyfrinachol a chyngor ymarferol os ydych chi:

  • yn cael meddyliau am hunanladdiad 
  • yn poeni am berson ifanc a allai fod yn cael meddyliau am hunanladdiad

Ffôn: 0800 068 41 41.

Neges destun: 88247.

e-bost: pat@papyrus-uk.org.

Y Llinell Gymorth Diogelwch Ar-lein i Weithwyr Proffesiynol (POSH)

Gweithredir llinell gymorth POSH gan Ganolfan Rhyngrwyd Mwy Diogel y DU. Mae wedi'i neilltuo'n llwyr i gefnogi pob aelod o'r gymuned sy'n gweithio gyda neu ar gyfer plant ag unrhyw faterion diogelwch ar-lein.

Mae'r llinell gymorth yn cynnig cyngor annibynnol yn rhad ac am ddim ar nifer o faterion diogelwch ar-lein, gan gynnwys:

  • preifatrwydd
  • enw da ar-lein
  • chwarae gemau ar-lein
  • magu perthynas amhriodol
  • seiberfwlio
  • secstio
  • ymddygiad amhriodol ar y cyfryngau cymdeithasol

Mae'r llinell gymorth ar gael o ddydd Llun i ddydd Gwener, 10am i 4pm.

e-bost: helpline@saferinternet.org.uk.

Samariaid Cymru

Mae Samariaid Cymru yn wasanaeth llinell gymorth am ddim i unrhyw un sydd:

  • yn ei chael yn anodd ymdopi
  • angen rhywun i wrando heb farn na phwysau

Byddan nhw’n eich helpu i ddod o hyd i ffordd ymlaen.

Ffôn: 116 123.

Mae’r gwasanaeth hwn ar gael 24 awr y diwrnod, 7 diwrnod yr wythnos.

Gallwch hefyd: 

  • anfon e-bost i: jo@samaritans.org (gall gymryd sawl diwrnod i gael ymateb drwy e-bost)
  • ysgrifennu llythyr i: Freepost SAMARITANS LETTERS (mae'r Samariaid yn ceisio ymateb i lythyrau o fewn 7 diwrnod)

Shout

Mae Shout yn wasanaeth negeseuon testun am ddim i unrhyw un sy'n ei chael hi'n anodd ymdopi ac sydd angen help ar unwaith. 

Neges destun: 85258. 

Mae’r gwasanaeth hwn ar gael 24 awr y diwrnod, 7 diwrnod yr wythnos.

  • Cyhoeddwyd gyntaf 03 Tachwedd 2025
  • Diweddarwyd ddiwethaf 03 Tachwedd 2025