Rocket League

Sut mae Rocket League yn gweithio

Mae Rocket League yn gêm ar-lein am ddim sy’n cyfuno pêl-droed â cheir wedi’u pweru gan rocedi. Y nod yw bod pob chwaraewr yn cydweithio i gyflawni triciau, brwydro ac, yn y pen draw, taro’r bêl a sgorio golau gyda’u cerbyd. Gall chwaraewyr addasu eu ceir gydag ychwanegiadau a gwelliannau i’r cerbyd. Gallan nhw ennill, casglu a phrynu’r rhain.

Mae Rocket League ar gael ar gyfrifiadur personol ac ar rai consolau gemau. Hefyd, mae fersiwn ap ar gyfer dyfeisiau symudol, o’r enw Rocket League Sideswipe. 

Oedran isaf gofynnol

Mae Rocket League wedi cael sgôr PEGI 3, felly mae’n addas i bob oedran. Fodd bynnag, mae angen cyfrif Epic Games i chwarae’r gêm. Nid yw plant o dan 13 oed yn gallu cofrestru ar gyfer cyfrif Epic Games heb i riant neu ofalwr gadarnhau eu hoedran.

Nodweddion

Cabined account

Mae’r nodwedd hon yn caniatáu i ddefnyddwyr o dan 13 oed chwarae Rocket League heb y swyddogaeth sgwrsio na’r gallu i brynu eitemau ag arian hyd nes bydd ganddyn nhw eich caniatâd chi. Bydd cyfrifon presennol i ddefnyddwyr o dan 13 oed yn gyfrifon ‘cabined’ yn awtomatig.

Credits 

Mae’r rhain yn cael eu defnyddio fel arian o fewn gêm i brynu ychwanegiadau neu nodweddion addasadwy ar gyfer cerbydau.

Custom game 

Gall chwaraewyr greu ac ymuno â gemau preifat, o’r enw ‘custom games’, lle gallan nhw rannu enw a chyfrinair gêm gyda’u ffrindiau er mwyn iddyn nhw ymuno â’r gêm.

Drops 

Mae’r rhain yn cael eu dyfarnu i chwaraewyr trwy chwarae gemau, cwblhau heriau neu wylio ffrydiau arbennig. Maen nhw’n cynnwys hap wobr ar ôl cael eu hagor. 

Matches 

Mae pob gêm yn ‘match’ 5 munud rhwng 2 dîm. Gall y rhain gael eu chwarae mewn 2 fodd sef ‘Casually’ (er hwyl) neu ‘Competitive’, (lle mae chwaraewyr yn cael eu rancio ac yn symud ymlaen trwy haenau).

Party 

Gall defnyddwyr sefydlu ‘Party’ lle gallan nhw chwarae gemau preifat gyda’i gilydd yn rheolaidd. 

Party-up 

Mae hyn yn caniatáu i chwaraewyr grwpio gyda’i gilydd pan fydd ‘match’ wedi dod i ben er mwyn dal ati i chwarae gyda’i gilydd, yn hytrach na bod yn ‘matched’ gyda chwaraewyr newydd bob tro.

Postparty clips

Gall chwaraewyr Rocket League lawrlwytho ap ‘Postparty’ a mewngofnodi gan ddefnyddio’u manylion mewngofnodi ar gyfer Epic Games. Gallan nhw ddefnyddio hwn i gadw darnau fideo o’u gemau Rocket League. Yna gallan nhw rannu’r rhain ar y cyfryngau cymdeithasol.

Quick chat 

Gall chwaraewyr sgwrsio a rhyngweithio â’i gilydd wrth chwarae gêm gan ddefnyddio’r swyddogaeth sgwrsio. Mae’n cynnig detholiad o negeseuon addasadwy a osodwyd ymlaen llaw.

Rocket Pass 

Mae hwn yn cyfeirio at system ddilyniant â chyfyngiad amser arno sy’n caniatáu i chwaraewyr ennill cynnwys a nodweddion newydd. Gall chwaraewyr brynu Rocket Pass premiwm sy’n rhoi mwy o wobrau iddyn nhw.

Standard 

Math o gêm sy’n cael ei chwarae gan 3 chwaraewr yn erbyn 3 chwaraewr arall. 

Text chat 

Mae opsiwn defnyddio sgwrsio testun rhwng chwaraewyr.

Rheoli risgiau

Cyswllt â defnyddwyr eraill

Y risg fwyaf arwyddocaol yn Rocket League yw y gall gemau preifat gael eu chwarae rhwng chwaraewyr nad ydyn nhw’n adnabod ei gilydd. Yn y gemau hyn, gall yr holl chwaraewyr yn y ‘match’ sgwrsio â’i gilydd.

Os nad ydych chi wedi troi’r rheolyddion rheini ymlaen i gyfyngu pwy all eich plentyn sgwrsio â nhw, mae cyfle y gallai sgwrsio â rhywun dieithr, a allai peri niwed iddo.

Mae camau y gallwch eu cymryd i leihau risg niwed gan y defnyddwyr hyn.

Gosod rheolyddion rhieni

Trwy osod rheolyddion rhieni, gallwch atal eich plentyn rhag cael mynediad at y nodwedd sgwrs destun sy’n gallu gadael i bobl phobl ddieithr, a allai peri niwed iddo, gysylltu ag ef.

Annog osgoi chwarae gemau Rocket League gyda phobl ddieithr

Anogwch eich plentyn i chwarae gemau preifat dim ond gyda ffrindiau mae’n eu hadnabod ac yn gallu dibynnu arnyn nhw yn ei fywyd go iawn. Dysgwch eich plentyn i beidio â derbyn ceisiadau ffrind na gwahoddiadau i gemau gan chwaraewyr nad yw’n eu hadnabod. 

Siarad am ddiogelwch ar-lein

Siaradwch â’ch plentyn am risgiau sgwrsio â phobl ddieithr. Dylech hefyd esbonio pwysigrwydd peidio â rhannu unrhyw wybodaeth bersonol gyda chwaraewyr eraill o fewn sgyrsiau. Anogwch eich plentyn i ddweud wrthoch chi os gofynnwyd cwestiynau mwy personol iddo neu os yw’n teimlo’n anghyfforddus ag unrhyw beth a rannwyd o fewn y sgwrs.

Defnyddio adnoddau riportio a blocio

Anogwch eich plentyn i ddefnyddio’r adnoddau riportio a blocio os bydd chwaraewr arall yn gwneud iddo deimlo’n anghyfforddus. Bydd hyn yn gwneud y gêm yn fwy diogel i’ch plentyn ac i bawb arall.

Gorwario

Mae cyfleoedd i chwaraewyr wneud pryniadau o fewn gemau i bersonoli eu cerbydau. Gallai pobl ifanc deimlo o dan bwysau gan ffrindiau i wario mwy nag y gallan nhw ei fforddio ac efallai nad ydynt yn deall mai arian go iawn yw arian sy’n cael ei wario ar-lein.

Gall y camau hyn helpu eich plentyn i osgoi gorwario.

Gosod cyfyngiadau prynu

Gallwch osod y gosodiadau prynu perthnasol o fewn gemau trwy’r rheolyddion rhieni ar ddyfais eich plentyn neu o fewn Epic Games Store.

Trafod gwariant

Siaradwch â’ch plentyn am yr hyn mae’n ei brynu o fewn yr ap i sicrhau ei fod yn gwybod mai arian go iawn sy’n cael ei ddefnyddio i brynu pethau o fewn y gêm. Gallwch ei helpu i ddeall y gwerth trwy gymharu’r arian mae’n ei wario yn y gêm â phethau gallai eu prynu all-lein am yr un swm.

Gosodiadau i ddiogelu’ch plentyn

Os yw eich plentyn yn chwarae Rocket League, gall y gosodiadau hyn ei helpu i gadw’n ddiogel.

Rheolyddion rhieni

• Ewch i wefan Epic Games a mewngofnodi i gyfrif eich plentyn.
• Agorwch y ddewislen ‘Account’.
• Dewiswch ‘Parental Controls’.
• Teipiwch y pin a ddefnyddioch wrth sefydlu cyfrif eich plentyn.
• Yma, cewch opsiynau’r rheolyddion rhieni sy’n cynnwys y canlynol:
  • Payment.
  • Games store.
  • Friends’ permission.
  • Voice chat permission.
  • Text chat permission.
  • Mature language filter.
  • Playtime tracking report.
• Ewch drwy bob un o’r gosodiadau hyn gan ddewis y gosodiad mwyaf priodol i’ch plentyn (ar gyfer chwaraewyr iau, argymhelliad bod y rhain yn cael eu gosod ar ‘Friends only’) 

Adnoddau riportio a blocio

• Agorwch y ddewislen yn ystod neu ar ôl ‘match’.
• Dewiswch ‘Report/Block Player’.
• Dewiswch y chwaraewr o’r rhestr.
• Dewiswch naill ai ‘Report’ neu ‘Block’.
• Dewiswch eich rheswm o blith yr opsiynau sydd wedi’u rhestru:
  • Verbal harassment.
  • Match throwing (colli gêm yn fwriadol).
  • Intentionally idle (peidio â symud eich car yn fwriadol).
  • XP farming (canolbwyntio ar ennill profiad, yn hytrach na cheisio ennill gemau).
  • Inappropriate player name.
  • Inappropriate club name.
  • Trade scam (twyllo chwaraewyr eraill i gyfnewid eitemau gwerth uchel am eitemau diwerth).