Only fans
Canllaw i deuluoedd sydd â gwybodaeth allweddol am 'Only fans', gan gynnwys y dosbarthiad oedran, terminoleg allweddol, risgiau a chyfarwyddiadau ar gyfer galluogi rheolaethau rhieni a gosodiadau diogelwch.
- Rhan o
Sut mae OnlyFans yn gweithio
Ap cyfryngau cymdeithasol sy’n seiliedig ar danysgrifiadau yw OnlyFans, sy’n cael ei ddefnyddio i rannu lluniau, fideos a ffrydiau byw.
Mae OnlyFans ar gael i ddefnyddwyr dyfeisiau symudol trwy wefan OnlyFans. Nid yw OnlyFans ar gael yn Apple App Store na Google Play Store.
Gall crewyr cynnwys godi tâl misol ar eu ‘cefnogwyr’ i ddilyn eu cyfrif a gweld eu cynnwys detholedig. Fodd bynnag, nid yw pob crëwr cynnwys yn codi tâl am eu cynnwys. Mae OnlyFans yn codi tâl ar gyfer unrhyw gynnwys sy’n cael ei werthu trwy’r platfform.
Mae OnlyFans yn adnabyddus am gynnal cynnwys i oedolion.
Mae crewyr cynnwys ar OnlyFans yn cynnwys:
- crewyr cynnwys YouTube
- dylanwadwyr cyfryngau cymdeithasol
- hyfforddwyr ffitrwydd
- cerddorion
- cogyddion
- comediwyr
- athletwyr
- modelau
Oedran isaf gofynnol
Rhaid i ddefnyddwyr fod yn 18 oed i ddefnyddio OnlyFans. Rhaid i ddefnyddwyr dynnu hunlun i ddilysu eu hoedran. Os ydyn nhw’n edrych yn iau na 18 oed, rhaid iddyn nhw gyflwyno dull adnabod dilys i brofi eu bod nhw’n oedolyn. Mae’r broses gwirio oedran ar gyfer crewyr yn fwy trylwyr nag ar gyfer defnyddwyr.
Fodd bynnag, gall defnyddwyr greu cyfrif a mynd at y wefan o hyd heb ddilysu eu hoedran. Ni fyddan nhw’n gallu mynd at unrhyw gynnwys llawn, ond byddan nhw’n gweld hysbysebion amhriodol ar gyfer cynnwys i oedolion.
Nodweddion
-
Y rhai sy’n postio ac yn rhannu cynnwys ar gyfer eu tanysgrifwyr.
-
Fe’i gelwir hefyd yn ‘Gefnogwyr’ (‘Fans’). Defnyddwyr sy’n tanysgrifio ac yn talu i weld cynnwys rhywun arall yw’r rhain.
-
Gwaith sy’n cael ei gwblhau trwy neges breifat am dâl preifat.
-
Botwm siâp calon o dan bob postiad sy’n galluogi defnyddwyr i ddangos eu gwerthfawrogiad am y llun neu’r fideo.
-
Mae hyn yn golygu ‘Ddim yn ddiogel ar gyfer gwaith’ (‘Not safe for work’) fel bod defnyddwyr yn gwybod pa gynnwys y dylid edrych arno’n breifat.
-
Nodwedd sy’n galluogi crewyr i ddylunio a gwerthu eu nwyddau eu hunain trwy eu proffiliau. Gallai’r nwyddau hyn fod â negeseuon amhriodol arnyn nhw, fel delweddau neu negeseuon rhywiol.
-
Gall crewyr OnlyFans ddewis cyhoeddi eu cynnwys ar ffurf PPV trwy negeseuon preifat gyda gwylwyr OnlyFans. Mae’n caniatáu i wylwyr dalu am y math o gynnwys yr hoffen nhw ei weld yn unig.
-
Yn golygu ‘OnlyFans TV’, lle mae crewyr OnlyFans yn cyhoeddi fideos byr a hir, gan gynnwys sioeau newydd gan bersonoliaethau teledu realiti, y gall defnyddwyr danysgrifio iddyn nhw. Er ei fod wedi’i frandio’n blatfform ffrydio sy’n ‘ddiogel ar gyfer gwaith’, caiff ei argymell eich bod yn gwirio cynnwys sioeau OFTV y gallai’ch plentyn fynd atyn nhw ar y platfform er mwyn sicrhau eu bod yn addas.
-
Yn aml, pobl sydd wedi’u cyflogi neu asiantaethau sy’n rheoli mewnflychau a sgyrsiau ar gyfer crëwr yw’r rhain. Y nod yn aml yw annog defnyddwyr i anfon mwy o arian at y crëwr.
Rheoli risgiau
Cynnwys amhriodol
Mae gan OnlyFans sgôr oedran oedolion ac nid yw wedi’i reoleiddio. Mae risg uchel o weld deunyddiau amhriodol a chynnwys aeddfed. Mae cyfran fawr o gynnwys OnlyFans o natur rywiol. Yn aml, mae crewyr yn defnyddio’r hashnod ‘NSFW’ (not safe for work) i roi gwybod i’w tanysgrifwyr i edrych ar eu postiadau’n breifat. Gall crewyr bostio lluniau a fideos anweddus heb eu sensro, yn ogystal â chynnal ffrydiau byw lle gall dilynwyr ymgysylltu â chrewyr mewn amser real.
Cysylltiad â defnyddwyr eraill
Mae natur anrheoleiddiedig OnlyFans yn peri risg o gysylltiad i ddefnyddwyr iau, gan y byddan nhw’n gallu rhyngweithio â defnyddwyr o bob oed.
Gall y syniad o ennill arian yn gyflym ac yn hawdd ar OnlyFans fod yn apelgar ac mae’n cael ei drafod yn aml ar blatfformau eraill. Dylai crewyr cynnwys ar OnlyFans fod yn ymwybodol o’r risg o ymddygiad rheolaethol gan eu tanysgrifwyr. Mae rhai tanysgrifwyr yn cynnig symiau mawr o arian am ddelweddau o natur bersonol. Yna, maen nhw’n eu defnyddio i flacmelio’r crëwr am fwy o ddelweddau, sydd weithiau’n fwy eithafol.
Gorwario
Mae llawer o ffyrdd y gall crewyr godi tâl ar ddefnyddwyr ar gyfer eu cynnwys. Mae’r rhain yn cynnwys:
- gofyn am gildyrnau (tips)
- cynnwys talu-i-wylio (PPV)
- gwerthu negeseuon
Camau i amddiffyn eich plentyn
Nid yw OnlyFans yn addas ar gyfer y rhai dan 18 oed. Os byddwch chi’n darganfod bod eich plentyn yn defnyddio OnlyFans, gall y camau hyn helpu i’w cadw’n ddiogel.
Gosod hidlwyr a rhwystrau ar fand eang
Yng ngosodiadau eich darparwr band eang, trowch reolaethau ymlaen i atal eich plentyn rhag mynd at gynnwys i oedolion. Gallwch rwystro gwefannau penodol neu wefannau mewn categorïau penodol, hefyd. Bydd hyn yn eich galluogi i rwystro OnlyFans heb effeithio ar wefannau eraill.
Cael sgyrsiau agored
Sgwrsiwch â’ch plentyn am OnlyFans, gan esbonio pam na ddylai ddefnyddio’r platfform, yn hytrach na dweud wrtho yn unig i beidio â’i ddefnyddio. Gall hyn gynnwys trafod enw da ar-lein, meithrin perthynas amhriodol, blacmel ac ysglyfaethwyr rhywiol.
Os bydd eich plentyn yn dweud wrthych ei fod ond yn defnyddio’r platfform i weld cynnwys gan gomediwyr neu artistiaid cerddorol y mae’n eu hoffi, awgrymwch ei fod yn defnyddio platfformau eraill.
Archwilio apiau monitro
Gall apiau monitro roi cipolwg i chi ar yr hyn y mae’ch plentyn yn ei wneud ar-lein. Gallwch rwystro gwefannau a chael rhybuddion os bydd eich plentyn yn ceisio mynd i wefannau fel OnlyFans. Pan fyddwch yn cael ‘rhybudd’ ei fod yn mynd at wefannau tebyg, gallwch gymryd camau a holi pam y mae’n mynd at y gwefannau hyn.