Discord

Dyma ofod y defnyddiwr i gymdeithasu gyda ffrindiau. Mae'n ystafell rithwir ddynodedig ar eu cyfer nhw ac unrhyw un maen nhw’n eu gwahodd. Gall defnyddwyr ddewis sefydlu gweinyddwyr ar gyfer grwpiau preifat 'For me and my friends' neu ar gyfer cynulleidfaoedd ehangach 'For a club or community'.

Gallwch ychwanegu ffrindiau trwy eich cysylltiadau ffôn, gan ddefnyddio enw defnyddiwr a thag Discord neu trwy sgan cyfagos gan ddefnyddio Bluetooth a WiFi eich ffôn symudol i ddod o hyd i ffrindiau cyfagos.

Gall defnyddwyr gyfeirio neges at ei gilydd mewn neges breifat. Gall defnyddwyr wneud galwad fideo trwy eu negeseuon uniongyrchol (DMs) hefyd neu sianeli llais y gweinydd.

Sgwrs grwp sy'n gofyn am wahoddiad i gael mynediad i'r grwp.

Cyfle i ddefnyddwyr ryngweithio â'i gilydd trwy sgwrsio neu fideo.

Mae hyn yn golygu 'Not Safe For Work.' Defnyddir hyn i gyfeirio at gynnwys addas i oedolion ar y platfform. Mae Discord wedi ychwanegu opsiwn i ddefnyddwyr 18+ labelu eu cynnwys fel NSFW, sy'n golygu y bydd neges rybuddio i ddefnyddwyr i’w gweld cyn edrych ar y cynnwys.

Mae'r nodwedd hon yn golygu y gall defnyddwyr ddod o hyd i sgyrsiau sain byw sy'n digwydd ar y platfform yn hawdd.

Mae’n caniatáu i ddefnyddwyr rannu eu sgrin gyda defnyddwyr eraill trwy neges uniongyrchol neu weinydd. Mae'r nodwedd hon yn caniatáu i ddefnyddwyr wylio defnyddiwr arall yn chwarae gêm mewn amser real.

Gwasanaeth tanysgrifio premiwm sy'n cynnig nodweddion arbennig i ddefnyddwyr megis tagiau Discord wedi'u teilwra, y gallu i ddefnyddio eu emotes eu hunain (emojis statig ac animeiddiedig y mae defnyddwyr yn eu dylunio eu hunain) ym mhob gweinydd, terfyn lanlwytho ffeiliau uwch a ‘server boost’ am bris gostyngol.

Gall defnyddwyr yn yr un gymuned weinydd weithio gyda'i gilydd i brynu 'Server boost', sy'n cynnig nodweddion cyfunol ac uwchraddiadau i'r defnyddwyr hynny.

Maen nhw’n caniatáu i ddefnyddwyr sy'n fyfyrwyr ddilysu eu cyfrif gyda'u cyfeiriad e-bost ysgol i ddatgloi canolfan unigryw i fyfyrwyr yn eu hysgol.  Mae hyn yn caniatáu i ddefnyddwyr ymuno â grwpiau astudio neu ddosbarthiadau trwy'r ap. 

Erbyn hyn, gall chwaraewyr sgwrsio ag unrhyw un ar Discord yn uniongyrchol o Xbox, yn hytrach na thrwy’r ap yn unig.

Adnodd y gallwch optio i mewn iddo, sy’n helpu rhieni a gofalwyr i ddysgu mwy am weithgareddau eu plentyn ar Discord a’r cymunedau y mae’n rhan ohonynt. Gall rhieni a gofalwyr weld ‘Activity feed’ a derbyn negeseuon e-bost wythnosol sy’n crynhoi defnydd eu plentyn o’r ap. 

Talfyriad o ‘robot’. Estyniadau trydydd person sy’n cynnwys pob math o swyddogaethau yw ‘bots’ ar Discord, o gymedroli sgyrsiau’n awtomatig gyda rheolau penodol i’r defnyddiwr, i greu negeseuon sy’n croesawu defnyddwyr newydd i’r gweinydd.

Er nad oes un prif osodiad preifatrwydd ar Discord, mae yna rai gosodiadau diogelwch y gellir eu defnyddio i reoli preifatrwydd. Mae hyn yn cynnwys rheoli pwy all anfon ceisiadau ffrind at eich plentyn.

I reoli ceisiadau ffrind:

• Ar y fersiwn we, agorwch ddewislen Settings trwy glicio ar y symbol cog ar waelod y sgrin (gall defnyddwyr dyfeisiau symudol glicio ar eich proffil ar waelod y sgrin)
• Ewch i 'Friend Requests'
• yn ddiofyn, mae pob gosodiad yn cael ei osod ar ‘everyone’
• yr opsiynau ar gyfer 'who can send you a friend request’ yw:
  • Everyone
  • Friends of Friends
  • Server Members

Mae sawl gosodiad diogelwch yn yr ap y gallwch chi eu defnyddio i wneud Discord yn fwy diogel i'ch plentyn. Yn ddiofyn, mae Discord yn caniatáu i unrhyw un allu anfon a derbyn negeseuon uniongyrchol. Ni all defnyddwyr dan 18 oed ymuno â gweinyddwyr â chyfyngiad oedran yn awtomatig na gweld negeseuon sydd wedi'u canfod fel rhai amhriodol.

I hidlo delweddau a sbam penodol mewn Negeseuon Uniongyrchol (gwe):

• ewch i mewn i leoliadau trwy glicio ar y symbol cog ar waelod y sgrin
• cliciwch ar ‘Privacy and safety’ yna ‘Filter all direct messages.’

I osod 'Safe direct messaging':

• agorwch yr ap a dewiswch 'Settings' a dewiswch 'Privacy and safety'
• er mwyn caniatáu i Discord sganio negeseuon am gynnwys anweddus gallwch ddewis un o'r canlynol:
  • 'Keep me safe' sy'n sganio negeseuon uniongyrchol gan bawb
  • ‘My friends are nice' sy'n sganio negeseuon uniongyrchol gan bawb oni bai eu bod nhw'n ffrind (gosodiad diofyn)
  • ‘Do not scan' sy'n golygu na fydd negeseuon uniongyrchol yn cael eu sganio am gynnwys anweddus

Bydd y newidiadau’n cael eu gweithredu ar unwaith

Os byddai'n well gennych i'ch plentyn beidio â derbyn negeseuon uniongyrchol gallwch analluogi'r swyddogaeth hon trwy:

• agor yr ap a dewis 'Settings' a dewis 'Privacy and safety'
• toglo 'Allow direct messages from server members' i off

Cymhwysir y gosodiad hwn pan fydd defnyddwyr yn ymuno â gweinyddion newydd ac ni fydd yn cael ei gymhwyso i weinyddion presennol.

Gall defnyddwyr flocio a chwyno am ddefnyddwyr a allai fod yn eu poeni neu'n ymddwyn yn amhriodol ar y platfform. Er ei bod yn hawdd blocio defnyddiwr, mae cwyno am ddefnyddiwr yn fwy cymhleth, gan fod angen i chi gyflwyno cais i Discord â dolen i'r neges, delwedd neu fideo yr ydych am gwyno amdani.

I flocio defnyddiwr:

• ewch at y defnyddiwr yr ydych am ei flocio trwy ddewis yr eicon ffrind ar y gwaelod a'r eicon tri dot
• dewiswch ei enw ac yna dewiswch yr opsiwn 'Blocked' neu 'Remove friend'

I riportio defnyddiwr / neges:

• agorwch y neges yr hoffech ei riportio
• dewiswch y neges a dewis yr eicon tri dot
• dewiswch ‘Report message', yna dewiswch y rheswm dros riportio o'r rhestr ganlynol:
  
  • spam
  • cam-drin neu aflonyddu
  • camwybodaeth niweidiol neu glodfori trais
  • datgelu gwybodaeth breifat
  • rhywbeth arall
• rhowch fwy o fanylion pan fydd yn cael ei roi i chi
• cadarnhewch eich dewis

I adrodd proffil defnyddiwr:

• agorwch broffil y defnyddiwr yr hoffech riportio
• cliciwch ar yr eicon tri dot yna dewiswch ‘Report user profile’
• dewiswch o'r rhestr a ddarperir y rhan benodol o'r proffil yr hoffech ei riportio o'r rhestr ganlynol:
  
  • eu Llun (afatar a/neu ddelwedd faner)
  • eu henw (enw defnyddiwr a/neu enw arddangos)
  • eu disgrifyddion testun (amdanaf i, statws, a/neu ragenwau)
• yna dilynwch yr awgrymiadau i riportio

Fel arall gallwch lenwi ffurflen adrodd ar-lein Discord. Noder y bydd angen y 'Message Link' arnoch i riportio neges trwy'r dull hwn. I wneud hyn, bydd angen i chi agor y neges yr hoffech ei riportio a naill ai dal y neges neu hofran drosto i ddewis yr eicon tri dot sy'n ymddangos. O'r fan hon byddwch yn gallu ‘Copy Message Link’ fel y gallwch ei gludo i'ch ffurflen riportio.

Er mwyn helpu i gyfyngu ar y pwysau i bobl ifanc fod ar-lein ac ymateb i negeseuon ar unwaith, mae gan Discord rai gosodiadau i helpu i reoli defnydd. Mae 'Activity status' yn dweud wrth ddefnyddwyr eraill pan fyddwch chi ar-lein gyda dot bach gwyrdd wrth ymyl yr eicon Discord.

I analluogi hysbysiadau:

• agorwch yr ap a dewis 'User settings' trwy glicio ar eich proffil
• sgroliwch i lawr i 'App settings' a dewis 'Notifications'
• toglwch oddi ar yr opsiwn i ‘Get notifications within Discord’
• sgroliwch i lawr a thoglo oddi ar ‘Get notifications with your friends stream’

I analluogi  ‘Activity status’:

• agorwch yr ap a dewis 'User settings' trwy glicio ar eich proffil
• sgroliwch i lawr i 'App settings' a dewis 'Activity settings' a thoglo i 'off'

Mae dileu cyfrif yn golygu y bydd eich holl wybodaeth wedi’i dileu’n barhaol ac nad oes modd ei hadfer. Gall defnyddwyr analluogi eu cyfrif hefyd, sy’n gyfystyr â dadactifadu. Mae Discord yn dweud bod modd adfer cyfrifon sydd wedi’u dadactifadu unrhyw bryd.

Mae cyfrifon sydd wedi’u dadactifadu yn dal i dderbyn ceisiadau ffrind, a bydd defnyddwyr yn gallu eu gweld os byddant yn penderfynu ailactifadu eu cyfrif – ond ni fyddant yn derbyn hysbysiadau drwy’r cyfrif e-bost sy’n gysylltiedig â’r cyfrif. Efallai y bydd cyfrifon sydd wedi’u hanalluogi am ddwy flynedd neu fwy yn cael eu dileu, felly mae Discord yn argymell y dylai defnyddwyr fewngofnodi o dro i dro i sicrhau nad yw eu cyfrif yn cael ei ddileu. Hefyd, os yw’r defnyddiwr yn berchen ar unrhyw weinyddion Discord ar y cyfrif yr hoffai ei ddadactifadu, bydd angen trosglwyddo’r gweinyddion i ddefnyddiwr arall.

I analluogi eich cyfrif Discord:

• ewch i’r dewislen ‘Settings’ a dewis ‘My account’
• dewiswch ‘Account removal’ ac yna ‘Disable account’
• dilynwch y cyfarwyddiadau i analluogi’ch cyfrif

I ddileu eich cyfrif Discord:

• ewch i’r ddewislen ‘Settings’ a dewis ‘My account’
• dewiswch ‘Account removal’ ac yna ‘Delete account’
• teipiwch eich cyfrinair ac yna’r cod chwe digid 2FA
• dewiswch ‘Delete account’ i gwblhau’r broses

Mae nodwedd ‘Family centre’ Discord yn caniatáu i rieni a gofalwyr gadw llygad ar weithgareddau eu plentyn ar y platfform. Mae’r crynodeb sy’n cael ei rannu gyda rhieni a gofalwyr yn cynnwys gwybodaeth am ffrindiau a ychwanegwyd yn ddiweddar, pa weinyddion mae’r plentyn wedi ymuno â nhw neu gymryd rhan ynddynt, a’r defnyddwyr y cysylltwyd â nhw trwy negeseua neu mewn sgyrsiau grŵp. I ddiogelu annibyniaeth eich plentyn, nid yw’r crynodeb yn rhannu cynnwys ei negeseuon neu alwadau. Bydd angen i’r oedolyn a’r plentyn gwblhau’r broses sefydlu trwy ap Discord.

I osod Family Centre (o ddyfais y plentyn):

• agorwch yr ap, ewch i’ch proffil a sgrolio i lawr i ‘Family Centre’
• dewiswch yr opsiwn ‘Connect with parent’ a fydd yn creu cod QR
• defnyddiwch ddyfais y rhiant i sganio’r cod QR yn yr ap, a fydd yn creu cais am gyswllt
• bydd y cais am gyswllt yn ymddangos ar ddyfais y plentyn, yn adran ‘My family’ o ap ‘Family centre’
• dewiswch y tic gwyrdd yna ‘Accept request’ i dderbyn y cais rhiant

Gall y rhiant a’r plentyn ganslo’r cyswllt teuluol unrhyw bryd trwy ddewis y groes goch sydd yn adran ‘My family’ o ap ‘Family centre’.