Iechyd meddwl a lles a’r rhyngrwyd

Yr hyn sydd angen i chi ei wybod

Gall y rhyngrwyd gael effeithiau cadarnhaol a negyddol ar ein hiechyd meddwl a lles. Gall y rhyngrwyd ddarparu cyfleoedd gwerthfawr i gadw cysylltiad a darganfod meysydd diddordeb newydd a allai wella’n lles corfforol a meddyliol. Fodd bynnag, gall rhai rhyngweithiadau neu brofiadau ar-lein gael effaith negyddol arnom.

Gellir cysylltu iechyd meddwl gwael â gormod o ddefnydd neu ddefnydd problematig o dechnoleg, problemau ynghylch delwedd corff neu hunan-barch isel, neu ddod i gysylltiad â chynnwys annymunol neu bryderus.

Gall sgwrsfotiau AI cynhyrchiol ryngweithio mewn ffordd bersonol, realistig, ac mae rhai cwmnïau hyd yn oed yn labelu sgwrsfotiau fel adnoddau 'cymorth iechyd meddwl'. Mae'n bwysig i ddeall y gall sgwrsfotiau gynnig cyngor diffygiol, a bod arweiniad proffesiynol yn parhau i fod yn hanfodol ar gyfer pryderon iechyd meddwl. 

Mae cefnogi plant a phobl ifanc i ddatblygu strategaethau i gadw eu profiadau ar-lein yn rhai cadarnhaol yn hanfodol fel eu bod yn gwybod ble i gael cymorth gyda’u hiechyd meddwl pe bai angen.