Rhaglenni Arweinyddiaeth
Mae datblygu, meithrin ac ysbrydoli arweinwyr ysgolion nawr ac ar gyfer y dyfodol yn parhau i fod yn ymrwymiad allweddol.
Academi Genedlaethol ar gyfer Arweinyddiaeth Addysgol
Sefydlwyd yr Academi Genedlaethol ar gyfer Arweinyddiaeth Addysgol yn 2018. Ei brif bwrpas yw:
- cyfrannu at ddatblygu galluoedd proffesiynol arweinwyr presennol a darpar arweinwyr ar draws y system addysg drwy ddarparu cydlyniad a sicrwydd ansawdd ar gyfer yr ystod o gyfleoedd datblygu arweinyddiaeth addysgol sydd ar gael yng Nghymru
- gweithredu fel arweinydd meddwl; datblygu, mynegi a gweithredu gweledigaeth a strategaeth ar gyfer arweinyddiaeth addysgol yng Nghymru
- bod yn aelod uchel ei barch a gweithgar o'r system addysg a'r pwynt cyswllt cyntaf i’r gweithlu addysg mewn perthynas â materion arweinyddiaeth
Mae'r Academi Genedlaethol yn darparu ystod o gyfleoedd i arweinwyr ddod ynghyd ochr yn ochr â gwaith arall i sicrhau darpariaeth arweinyddiaeth o ansawdd, cefnogi arloesedd a datblygu arweinyddiaeth system drwy waith Cymdeithion yr Academi.
Mae rhagor o wybodaeth am yr Academi Genedlaethol: Hafan – Arweinyddiaeth Genedlaethol Cymru (nael.cymru)
Dysgu proffesiynol i arweinwyr
Mae rhaglen gynhwysfawr ar gyfer datblygu arweinyddiaeth ar gael i bob arweinydd ysgol ledled Cymru ac mae'n unol â safonau proffesiynol ar gyfer arweinyddiaeth.
Mae'r cynnig cenedlaethol presennol i arweinwyr yn cynnwys:
- Rhaglen Datblygu Arweinyddiaeth Ganol
- Rhaglen Datblygu Uwch Arweinydd
- Rhaglen Datblygu Darpar Benaethiaid - paratoi ar gyfer CPCP. Mae hyn yn cael ei adolygu ar hyn o bryd
- Rhaglen Pennaeth Newydd a Phenaethiaid Dros Dro
- Rhaglen Penaethiaid Profiadol
Mae'r rhaglenni hyn wedi'u cymeradwyo gan yr Academi Genedlaethol ar gyfer Arweinyddiaeth Addysgol ac mae gan y Rhaglenni Datblygu Arweinyddiaeth Ganol a Datblygu Uwch Arweinwyr opsiwn i gael achrediad trwy ILM hefyd.
Ceir rhagor o wybodaeth am bob rhaglen ar gael ar wefan y consortia rhanbarthol neu drwy gysylltu â'ch consortia neu bartneriaeth leol.