Britannica ImageQuest
Sut i gael mynediad at ddelweddau a fideos am ddim at ddefnydd addysgol.
Trosolwg
Mae Britannica ImageQuest yn darparu delweddau a fideos addysgol sy'n cydymffurfio â chyfreithiau hawlfraint. Maent wedi eu cyrchu gan bartneriaid cyfryngau uchel eu parch i'w defnyddio mewn ysgolion. Gall dysgwyr ac ymarferwyr ddefnyddio'r rhain yn rhad ac am ddim ac mewn amgylchedd diogel.
Drwy Hwb, mae gan bob ysgol a gynhelir yng Nghymru fynediad at Britannica ImageQuest.
Gall ymarferwyr ac arweinwyr ysgolion archwilio adnoddau Britannica School i gael cymorth cam wrth gam a gwybodaeth ar sut i’w ddefnyddio’n ymarferol.
Sut i gael mynediad at Britannica ImageQuest yn Hwb
Mae 2 ffordd i gael mynediad at Britannica ImageQuest:
- Mewngofnodi i wefan Hwb a chlicio ar ap Britannica Education ar ddangosfwrdd Hwb. Mae'r dudalen hon yn rhoi mynediad i ddysgwyr ac ymarferwyr at Britannica ImageQuest.
- Chwilio'n uniongyrchol am gynnwys o Britannica School a Britannica ImageQuest yn yr ardal Adnoddauu ar Hwb.
Gosodiadau iaith
Gellir cyfieithu hafan Britannica ImageQuest i'r Gymraeg gan ddefnyddio'r botwm cyfieithu (glôb) yn y gornel dde uchaf.
Sut y gall Britannica ImageQuest gefnogi ysgolion
- Hybu ymchwil ddiogel a chyfrifol trwy amgylchedd heb hysbysebion.
- Darparu llyfrgell o ddelweddau proffesiynol di-hawlfraint i'w defnyddio mewn gwersi, cyflwyniadau, aseiniadau a phrosesau cyfathrebu’r ysgol.
- Galluogi dysgwyr i ymarfer defnyddio cyfryngau mewn ffordd foesegol a gwybodus trwy ddefnyddio dyfyniadau a gwybodaeth lawn am bob delwedd.
Ystyriaethau allweddol
- Sicrhau bod y defnydd o Britannica ImageQuest yn cyd-fynd â pholisïau ehangach yr ysgol megis diogelu, llythrennedd digidol, diogelwch ar-lein, defnydd derbyniol a diogelu data.
Gosodiadau iaith
Mae Britannica ImageQuest yn caniatáu chwilio yn y Gymraeg a’r Saesneg.
Sicrwydd data
Dylai ysgolion ystyried:
- a oes angen Asesiad o'r Effaith ar Ddiogelu Data (DPIA) newydd
- neu a ddylid diweddaru eu DPIA presennol
Nid yw Britannica Education yn defnyddio nac yn storio gwybodaeth bersonol na data dysgwr. Mae rhyngweithiad pob defnyddiwr â Britannica yn annibynnol ac yn breifat. Am fwy o wybodaeth am gydymffurfiaeth Britannica â deddfau a rheoliadau preifatrwydd data, cyfeiriwch at Britannica Education Privacy Policy Notice.
Mae hyn yn cynnwys y rhai sy'n gysylltiedig â data dysgwyr. Nid yw Britannica Education yn defnyddio data dysgwyr ar gyfer hysbysebu neu farchnata wedi'i dargedu, nac yn gwerthu data i drydydd partïon.
Gellir cyfuno Britannica Education gydag offer fel Microsoft Teams a Google Classroom. Dylai ysgolion sicrhau eu bod yn deall sut mae data dysgwyr yn cael ei drin wrth gyfuno rhaglenni fel hyn.
Mae'r holl ddelweddau yn ImageQuest wedi'u trwyddedu at ddefnydd addysgol, anfasnachol.