Rhwydwaith Cenedlaethol ar gyfer Gweithredu’r Cwricwlwm
Bydd y Rhwydwaith Cenedlaethol yn dod â gweithwyr addysgu proffesiynol, arbenigwyr, rhanddeiliaid, gwneuthurwyr polisi a phartneriaid, gan gynnwys consortia rhanbarthol ac Estyn galluogi at ei gilydd er mwyn nodi a mynd i’r afael â’r rhwystrau a’r cyfleoedd mewn perthynas â gweithredu Cwricwlwm Cymru.
2. Sgyrsiau cyfredol
Sgyrsiau cyfredol
Pwrpas, Addysgeg a Chynnydd: haf 2024
Lleoliadau
- De Cymru: Dydd Iau 27ain Fehefin 2024, Stadiwm Liberty, Abertawe
- Gogledd Cymru: Dydd Mawrth 2il o Orffennaf 2024, Venue Cymru, Llandudno
Amser: 10:00 i 15:30
Mae llefydd yn gyfyngedig: archebwch eich lle nawr
Gan adeiladu ar Sgyrsiau Rhwydwaith Cenedlaethol 2024 yn seiliedig ar Gwricwlwm a Chynnydd, bydd y Sgwrs Genedlaethol Haf 2024 yn canolbwyntio ar rôl addysgeg o ran cefnogi ein dealltwriaeth o’r Cwricwlwm i Gymru.
Wedi’i gefnogi gan yr Athro Graham Donaldson, bydd y Sgwrs Genedlaethol hon yn rhoi cyfle i chi:
- gymryd rhan mewn sgyrsiau proffesiynol gydag ymarferwyr ledled Cymru, aros, myfyrio a dysgu gan y naill a’r llall wrth i ni barhau â’n taith Cwricwlwm i Gymru
- ‘Trafod Addysgeg, Meddwl am Ddysgu’ mewn amgylchedd diogel. Bydd cydweithwyr o ysgolion a lleoliadau eraill yn gallu ymwneud gyda'i gilydd a phartneriaid addysg, yn cynnwys Estyn, gwasanaethau gwella ysgolion, Sefydliadau Addysg Uwch a'r academi arweinyddiaeth
- archwilio sut ydym yn datblygu fel sefydliadau dysgu myfyriol a chwilfrydig gan ddarparu’r profiadau gorau ar gyfer dysgwyr Cymru
Os yn arweinydd, athro neu’n gynorthwyydd dosbarth mewn ysgol yng Nghymru, bydd hwn yn gyfle gwerthfawr i rannu syniadau, dysgu gan eraill a magu perthnasoedd a fydd yn cryfhau ein dealltwriaeth gyffredin o Gwricwlwm i Gymru.
Bydd y sgwrs yn cael ei hysgogi gan ganfyddiadau newydd y Prosiect Ymchwil ‘Trafod Addysgeg’ y gallwch chi gyfrannu'n uniongyrchol ato drwy gwblhau'r arolwg sydd i'w ganfod yn y diweddariad hwn o Addysg Cymru. Gallwch hefyd gyrchu adnodd i gefnogi myfyrio ar addysgeg.
Bydd sgyrsiau blaenorol yn ddefnyddiol i gefnogi eich cyfranogiad yn y sgwrs genedlaethol a chynnal sgyrsiau yn eich lleoliad eich hun.
Sgwrs Rhwydwaith Cenedlaethol mewn person
Ymateb i Ddeallusrwydd Artiffisial mewn Addysg
Lleoliadau
- Gogledd Cymru: Dydd Iau 2 Gorffennaf 2024, Venue Cymru, Llandudno
- De Cymru: Dydd Iau 9 Gorffennaf 2024, Novotel Canol Caerdydd
Amser: 10:00 i 15:30
Mae llefydd yn gyfyngedig, cofrestrwch heddiw i archebu lle!
Bydd y Sgwrs Genedlaethol yma yn Haf 2024 yn canolbwyntio ar y cyfleoedd, yr heriau a goblygiadau Deallusrwydd Artiffisial (AI) i Addysg yng Nghymru.
Mae Deallusrwydd Artiffisial yn bwnc llosg mewn sgyrsiau ar hyd a lled y byd, ac mae ei botensial i newid addysg yn rhan allweddol o hynny. O'r addewid o fentergarwch ac effeithlonrwydd er mwyn cefnogi ysgolion a lleoliadau, i'r ystyriaethau real iawn ynghylch preifatrwydd, rhagfarn, a lles, mae tŵls AI yn debygol o gael effaith sylweddol ar y ffordd rydym ni'n dysgu, gweithio a byw.
Bydd y Sgwrs Rhwydwaith Cenedlaethol (get rid of ‘hon’) yn canolbwyntio ar y cyfleoedd a'r heriau arbennig sy'n cael eu creu gan dŵls deallusrwydd artiffisial cynhyrchiol. Bydd yn darparu fforwm ar gyfer ymarferwyr (get rid of ‘o’) ar hyd a lled Cymru er mwyn trafod ac ystyried goblygiadau'r tŵls yma i'w gwaith eu hunain ac yn yr ystafell ddosbarth.
Mae’r sgwrs wedi’i hanelu at arweinwyr ysgol, ymarferwyr, llywodraethwyr a staff cymorth sydd â diddordeb yn y ffordd y bydd deallusrwydd artiffisial yn cael effaith gynyddol ar y system addysg.