Mae Microsoft 365 Education AM DDIM i ddysgwyr ac athrawon

Mae Word yn eich helpu i fynegi’n fedrus - ar unrhyw adeg, yn unrhyw le a chydag unrhyw un. Dyma fersiwn newydd, modern o’r rhaglen enwog sydd wedi ei llunio ar gyfer creu dogfennau â sglein arnynt.

Excel ar gyfer taenlenni treiddgar – ar unrhyw adeg, yn unrhyw le a chydag unrhyw un. Gwedd fodern ar Excel sydd ag offer newydd i’ch helpu i ddefnyddio’r data i’r eithaf.

PowerPoint ar gyfer adrodd straeon yn well – ar unrhyw adeg, yn unrhyw le a chydag unrhyw un. Gwedd newydd, fodern ar gymhwysiad Powerpoint, sy’n gyfarwydd i bawb, ac yn ddefnyddiol i greu a rhannu cyflwyniadau sy’n siwr o greu effaith.

Llyfr nodiadau i athrawon a dysgwyr, sydd wedi’i drefnu yn adrannau ac yn dudalennau. Mae OneNote yn cadw’ch holl nodiadau ar  draws pob dyfais, ac yn gadael i chi fewnosod testun, ysgrifen, clipiau sain, lluniau a dolenni.

Fersiwn ar-lein o’ch e-bost a’ch calendr, sydd ar gael ar unrhyw ddyfais.  Does dim rhaid poeni am ddiffyg lle yn eich mewnflwch mwyach gyda’r blwch e-byst 50Gb.

System reoli diogelwch well wedi ei hymgorffori i ddiogelu’ch data sensitif.

Yn Publisher, mae offer syml yn ei gwneud yn hawdd i greu argraff weledol drawiadol. Defnyddiwch destun, ffotograffau a dolenni i wneud cyhoeddiadau proffesiynol yn rhai personol. Cyhoeddwch mewn ffordd sy’n gweddu orau i’ch cynulleidfa – e-bost, PDF, XPS neu brintiadau o ansawdd uchel.

Mae Access yn eich helpu i greu, addasu a rhannu apiau cronfeydd data, sydd wedi’u haddasu i’ch anghenion chi.

Mae Minecraft: Education Edition yn gêm mewn byd rhithiol, sy’n hybu creadigrwydd, cydweithio a datrys problemau mewn amgylchedd y gallwch ymgolli ynddi a’ch dychymyg yw’r unig ffin.

Eich ffeil bersonol sy’n rhoi storfa ar-lein yn rhad ac am ddim i chi. Gallwch gael mynediad ati o unrhyw le. Storiwch, rhannwch a chysonwch ffeiliau’n ddidrafferth rhwng yr ysgol a’r cartref. Mae’n cadw’ch gwaith yn ddiogel ac yn creu fersiwn wrth gefn yn awtomatig.

Canolfan ddigidol ddiogel ar gyfer cydweithio, dosbarthiadau a chyfarfodydd. Crëwch sianeli a ffurfiwch dimau i rannu ffeiliau a chydweithio ar unrhyw ddyfais. Mae modd i staff siarad ar-lein mewn grwpiau neu un i un.

Cymhwysiad i ddweud stori ddigidol, sy’n cyflwyno syniadau ar y sgrin mewn ffordd ryngweithiol a sythweledol Mae’n hawdd ymgorffori testun a fideo i gyflwyniad ar-lein. Pecyn syml i ddysgwyr ac athrawon allu creu eu cynnwys eu hunain.

Pecyn syml ysgafn sy’n gadael i chi greu ffurflenni, cwis neu arolygon ar-lein yn gyflym. Casglwch ymatebion ar y pryd ac edrychwch ar siartiau awtomatig er mwyn delweddu’ch data.

Dim mwy o ffurflenni papur!

Rhestr o bethau i’w gwneud wedi’i rhannu ar-lein y gellir ei rannu, sy’n caniatáu i chi wneud cynlluniau, trefnu a neilltuo tasgau. Ap rheoli prosiect syml sy’n cyd–fynd ag Office 365.