Trosolwg

Prif nod y safonau hidlo cynnwys y we a amlinellir yn y ddogfen hon yw y byddant yn galluogi mynediad at wefannau sy’n helpu i ddarparu addysgu a dysgu effeithiol mewn ysgolion.

Mae cyfres gyffredin o safonau y cytunwyd arnynt ar gyfer mynediad i’r rhyngrwyd yn rhoi cyfle i ysgolion wneud dewisiadau ar sail gwybodaeth ynghylch darpariaeth wedi’i hidlo, boed honno wedi’i darparu gan yr awdurdod lleol neu gan ddarparwr arall.

Mae’n hollbwysig bod safonau hidlo yn addas i’r diben ar gyfer dysgu ac addysgu yn yr 21ain ganrif, gan ganiatáu’r mynediad sy’n ofynnol gan ysgolion ond gan ddiogelu plant a phobl ifanc.

Bydd y safonau’n gyfle i ddysgwyr ddysgu mewn amgylchedd diogel, cyfrifol a chefnogol, gan atal mynediad at gynnwys amhriodol. Dylai rhaglen diogelwch ar-lein effeithiol ategu’r canllawiau hyn i addysgu plant a phobl ifanc am bwysigrwydd ymddwyn yn gyfrifol ac yn ystyriol ar-lein.

Dylai ysgolion arbennig ac unedau cyfeirio disgyblion fabwysiadu’r categorïau a awgrymir yn seiliedig ar alluoedd eu dysgwyr, yn hytrach nag ar eu hoedran cronolegol fel sy’n briodol.

Mae safonau 2018 yn cael eu diweddaru ar y cyd â Smoothwall a Technical Standardisation Group.

Dogfen