Just2easy

Mae pob math o becynnau iaith ar gael i ddefnyddwyr, gan gynnwys y Gymraeg.

I newid eich gosodiad iaith:

1. Mewngofnodwch i Hwb a mynd i Just2easy.
2. Cliciwch eich enw (yng nghornel dde uchaf y sgrin) a dewis fy ngosodiadau.
3. Cliciwch y fflag wrth ymyl iaith.
4. Dewiswch iaith arall.
5. Cliciwch y groes wen i gau eich gosodiadau.

Bydd gofyn i ddysgwyr fewngofnodi yn J2e cyn y gall eu hathro reoli eu cyfrifon. Fyddan nhw ddim yn ymddangos yn y deilsen rheoli defnyddwyr nes byddan nhw wedi mewngofnodi am y tro cyntaf.

Pan fydd dysgwyr yn mewngofnodi i J2e am y tro cyntaf, byddan nhw’n cael eu rhoi mewn dosbarth o’r enw disgyblion.

Gall athrawon ddefnyddio’r adnodd rheoli defnyddwyr i drefnu dysgwyr yn ddosbarthiadau ac yn grwpiau addysgu.

Mae’n syniad da creu dosbarthiadau addysgu fesul un yn J2e, neu bydd gennych chi ddysgwyr mewn gwahanol ddosbarthiadau addysgu yn J2e, a bydd yn anoddach rhoi trefn ar hynny.

Dim ond i un dosbarth y gall dysgwyr berthyn, ond fe allan nhw fod yn aelod o fwy nag un grwp addysgu.

Creu dosbarth:

1. Mewngofnodwch i Hwb a mynd i Just2easy.
2. Cliciwch y deilsen rheoli defnyddwyr.
3. Cliciwch y tab dosbarthiadau (ar hyd y top).
4. Cliciwch + (o dan rheoli dosbarthiadau).
5. Dewiswch naill ai dosbarth cofrestru neu dosbarth addysgu, teipio enw dosbarth a chlicio iawn.
6. Ar ôl gwneud hyn, bydd eich dosbarth yn ymddangos yn y rhestr o ddosbarthiadau.

Ychwanegu dysgwyr at eich dosbarth:

1. Mewngofnodwch i Hwb a mynd i Just2easy.
2. Cliciwch y deilsen rheoli defnyddwyr.
3. Cliciwch y tab dosbarthiadau (ar hyd y top).
4. Cliciwch y saeth i lawr (i’r dde o enw'r dosbarth) wrth ymyl y dosbarth perthnasol.
5. Cliciwch yr eicon +.
6. Chwiliwch am ddysgwr drwy deipio ei enw a phwyso enter ar eich bysellfwrdd.
7. Cliciwch enw’r dysgwr perthnasol (gallwch ddewis mwy nag un dysgwr drwy ddal y fysell Ctrl i lawr ar eich bysellfwrdd i ddewis y dysgwyr) a chlicio iawn.

Fel mater o drefn, bydd defnyddwyr yn cael eu rhestru yn ôl eu henw cyntaf a cymeriad gyntaf eu cyfenw.

Gall athro olygu’r enw arddangos er mwyn gwahaniaethu rhwng defnyddwyr sydd â’r un enw:

1. Mewngofnodwch i Hwb a mynd i Just2easy.
2. Cliciwch y deilsen rheoli defnyddwyr.
3. Cliciwch y tab rheoli defnyddwyr (ar hyd y top).
4. Cliciwch yr enw sy’n cael ei ddangos ar gyfer y defnyddiwr perthnasol, a byddwch chi’n gallu teipio enw newydd.

Neu, gall defnyddiwr newid ei enw sy’n cael ei ddangos ei hun:

1. Mewngofnodwch i Hwb a mynd i Just2easy.
2. Cliciwch eich enw (yng nghornel dde uchaf sgrin j2launch).
3. Cliciwch fy ngosodiadau.
4. Teipiwch eich enw yn y blwch enw sy’n cael ei ddangos.
5. Cliciwch y groes wen i gau eich gosodiadau.

Dylai ffolder fy ffeiliau y dysgwyr symud gyda nhw o’r naill ysgol i’r llall.

I gael cymorth, cysylltwch â Desg Gymorth Hwb: hwb@llyw.cymru | 03000 25 25 25.

Gall athro weld y ffeiliau sydd wedi’u cadw gan ddysgwyr yn yr ysgol drwy glicio’r deilsen tudalennau’r disgyblion yn j2launch:

1. Mewngofnodwch i Hwb a mynd i Just2easy.
2. Cliciwch y deilsen tudalennau’r disgyblion.
3. Bydd ffolder i’w gweld ar gyfer pob un o’ch dysgwyr. Cliciwch y ffolder berthnasol i weld ffeiliau’r dysgwr.

Fydd y dysgwyr eraill ddim yn gallu gweld y ffeiliau, oni bai y bydd y ffeiliau’n cael eu rhannu’n uniongyrchol â nhw.

Chewch chi ddim llwytho mwy na 512mb i fyny yn J2e.

Gall defnyddwyr lwytho ffeiliau i fyny o’u dyfais i’r maes fy ffeiliau yn J2e.

1. Mewngofnodwch i Hwb a mynd i Just2easy.
2. Cliciwch y deilsen uwchlwytho.
3. Naill ai:
   • Gallwch lusgo a gollwng ffeiliau o’ch dyfais i’r blwch.
   • Cliciwch dewis ffeiliau, dewis ffeil o’ch dyfais a chlicio agor.

Yna, bydd y ffeiliau hyn ar gael yn fy ffeiliau.

Gallwch gael mynediad at J2e ar unrhyw borwr gwe. Ond, mae Apple yn gosod cyfyngiadau ar swyddogaeth y wefan pan fyddwch yn defnyddio iPad. Felly, dydy rhai swyddogaethau J2e ar gyfrifiadur neu liniadur ddim ar gael drwy’r porwr ar iPad neu iPhone. I ddatrys y broblem hon, mae J2e wedi datblygu ap j2launch y gellir ei lwytho i lawr am ddim o’r App Store.

Does gan ddyfeisiau Android a Windows ddim yr un cyfyngiadau â dyfeisiau Apple. Felly, fe ddylech chi allu defnyddio holl swyddogaethau J2e drwy borwr gwe; does dim angen ap ychwanegol.

Ap iOS j2launch

Mae ap j2launch yn edrych yn debyg iawn i’r wefan, gyda bar llwyd ychwanegol ar draws y top. Mae hyn yn gadael i ddefnyddwyr wneud y canlynol:

• defnyddio camera’r ddyfais i lwytho i fyny unrhyw luniau neu fideos sydd wedi’u storio ar y ddyfais, neu gynnwys o apiau eraill sydd wedi’u cadw ar Rôl y Camera.
• recordio fideo, sain a delweddau yn fyw i’r safle drwy ddefnyddio’r camera a’r microffon ar yr iPad.
• sganio cod QR ac, os yw’n briodol, ychwanegu’r wefan fel teilsen yn J2launch.
• allgludo ffeiliau o unrhyw ap arall (fel Keynote: Ap i greu, golygu a gwneud cyflwyniadau ar iPhone neu iPad, neu Book Creator sy’n ffordd syml o wneud eLyfrau ar eich iPad), a’u cadw yn J2e.

Mewngofnodi i ap iOS j2launch gyda chyfrif Hwb

Pan fyddwch chi’n llwytho ap j2launch, bydd sgrin mewngofnodi yn ymddangos i chi, uwchben cyfres o eiconau.

1. Cliciwch yr eicon Hwb o dan y blwch mewngofnodi.
2. Bydd hyn yn agor tudalen hafan Hwb. Mewngofnodwch yma gyda’ch enw defnyddiwr a’ch cyfrinair ar gyfer Hwb.
3. Cliciwch y Ddewislen (ar frig y dudalen) a chlicio Just2easy.

Nodyn: Os byddwch chi’n ceisio mewngofnodi’n uniongyrchol i J2e gyda’ch enw defnyddiwr a’ch cyfrinair ar gyfer Hwb (heb glicio ar eicon Hwb i ddechrau), fydd hyn ddim yn gweithio.

Byddwch chi’n gallu defnyddio’r eiconau fideo, microffon, camera a ffolder ar frig y sgrin i lwytho cynnwys i fyny i J2e.

1. Mewngofnodwch i Hwb a mynd i Just2easy.
2. Cliciwch yr eicon + (ar frig y dudalen).
3. Dewiswch deilsen a rhoi URL (cyfeiriad gwe) y wefan rydych am greu dolen ati. Gallwch hefyd ychwanegu teitl a llun bach os oes angen.
4. Cliciwch + ar waelod y ffenestr i ychwanegu’r deilsen.

1. Mewngofnodwch i Hwb a mynd i Just2easy.
2. Cliciwch yr eicon llyfrgell (ar frig y dudalen).
3. Daliwch eich cyrchwr dros unrhyw un o’r teils i gael mwy o wybodaeth, a chlicio’r symbol + glas i ychwanegu’r deilsen berthnasol at eich sgrin j2launch.
4. Sgroliwch i frig y dudalen a chlicio’r eicon saeth yn ôl i fynd yn ôl i j2launch i weld y teils rydych newydd eu hychwanegu.

1. Mewngofnodwch i Hwb a mynd i Just2easy.
2. Cliciwch yr eicon + a dewis ffolder.
3. Rhowch enw i’r ffolder drwy deipio yn y maes enw, ac ychwanegu unrhyw dagiau a disgrifiad (dewisol).
4. Cliciwch yr eicon + glas ar waelod y sgrin.
5. Yna, mae modd llusgo teils i’ch ffolder newydd, a’u gollwng yno.

I dynnu ffolder, dylech ei llusgo i’r bin ailgylchu (eicon bin ar frig y dudalen).

1. Mewngofnodwch i Hwb a mynd i Just2easy.
2. Daliwch eich cyrchwr dros y deilsen/ffolder berthnasol, a chlicio’r eicon rhannu (sy’n edrych fel dau berson) a fydd i’w weld i’r dde o’r deilsen/ffolder.
3. Yn y gwymplen, dewiswch yr enw, y dosbarth neu’r grwp rydych chi am rannu’r deilsen/ffolder â nhw. Bydd y deilsen/ffolder yn ymddangos yn j2launch y tro nesaf ar ôl mewngofnodi.

1. Cliciwch y symbol person gwyrdd ar y bar offer ar y brig.
2. Bydd pedwar opsiwn yn ymddangos ar y dde:
   • Lluniau o fy ffeiliau
   • Chwilio ar y we – teipiwch derm yn y blwch chwilio a phwyso enter ar eich bysellfwrdd.
   • Lluniau sydd wedi cael eu rhannu â chi
   • Uwchlwytho delwedd o’ch dyfais

Dewiswch y ddelwedd a’i llusgo a’i gollwng ar eich tudalen.

3. Er mwyn newid maint eich delwedd, cliciwch arni a defnyddio’r sgwariau glas i’w llusgo i’r maint o’ch dewis. I gylchdroi eich delwedd, defnyddiwch y saethau llusgo er mwyn cylchdroi sy’n ymddangos pan fyddwch chi’n clicio arni.

Pan fyddwch chi’n clicio ar eich delwedd, bydd opsiynau’n ymddangos ar y dde i newid eich delwedd yn jig-so, i ychwanegu ffrâm ac i roi ymylon crwn i’r ddelwedd.

Gallwch greu siapiau mewn ffordd debyg i’r hyn y byddech chi’n ei wneud yn Microsoft Paint:

1. Cliciwch un o’r opsiynau siâp ar yr ochr dde.
2. Dewiswch drwch yr amlinell naill ai drwy newid y rhif neu ddewis un o feintiau’r cylchoedd.
3. Cliciwch ar eich tudalen a defnyddio eich llygoden i lusgo a gollwng i greu eich siâp.

1. Cliciwch y symbol W gwyrdd ar y bar offer ar y brig.
2. Bydd pedwar opsiwn yn ymddangos ar y dde:

• Rhestrau geiriau rydych chi wedi’u creu yn fy rhestrau geiriau
• Chwilio drwy’r llyfrgell
• Rhestrau geiriau wedi’u rhannu â chi
• Ychwanegu eich rhestr geiriau eich hun

Cliciwch restr geiriau a bydd yn ymddangos ar waelod y dudalen.

3. Cliciwch y rhan o’r dudalen rydych chi’n dymuno i’r gair ymddangos arni.
4. Cliciwch y gair o’r rhestr ar waelod y dudalen. Yna bydd y gair yn ymddangos yn y lleoliad rydych chi wedi’i ddewis.

1. Cliciwch y blwch glas gyda llinell cyrchwr ynddo ar y bar offer ar y brig.
2. Bydd pum opsiwn yn ymddangos:
   • Blwch gwirio
   • Botwm radio (blwch gwirio cylch)
   • Blwch ar gyfer testun (ar gyfer un llinell o destun)
   • Ardal i osod testun (ar gyfer mwy nag un llinell o destun)
   • Rhestr ollwng

Ar ôl i chi ddewis un o’r opsiynau hyn, cliciwch lle’r hoffech chi iddo ymddangos ar y dudalen. Mae modd golygu’r opsiynau hyn ar y bar offer ar y dde.

1. Cliciwch yr eicon rîl camera gwyrdd ar y bar offer ar y brig.
2. Dewiswch fideo/sain/gosod.
3. Rhowch URL gwefan (ee url fideo YouTube) neu god gosod a chlicio iawn.
4. Bydd y clip fideo/sain yn ymddangos ar unwaith. Gallwch ddefnyddio eich cyrchwr i’w symud i’w le a chlicio eich llygoden i’w osod.

1. Cliciwch yr eicon tabl glas ar y bar offer ar y brig.
2. Nodwch nifer y colofnau a’r rhesi rydych chi eu hangen a chlicio iawn.
3. Bydd y tabl yn ymddangos ar unwaith. Gallwch ddefnyddio eich cyrchwr i’w symud i’w le a chlicio eich llygoden i’w osod.
4. Cliciwch y gell berthnasol i deipio ynddi. Bydd opsiynau yn ymddangos yn y bar offer ar yr ochr dde er mwyn gosod fformat y testun.

Nodyn: Bydd angen i chi gael data mewn tabl cyn y gallwch ychwanegu siart.

1. Cliciwch eich tabl, sydd wedi’i lenwi ymlaen llaw, er mwyn ei ddewis.
2. Cliciwch yr eicon graff pinc ar y bar offer ar y brig.
3. Ychwanegwch deitl, dewis math o siart, dewis a hoffech weld y gyfres ddata mewn rhesi neu golofnau a chlicio iawn.
4. Bydd y siart yn ymddangos ar unwaith. Gallwch ddefnyddio eich cyrchwr i’w symud i’w le a chlicio eich llygoden i’w osod.

1. Cliciwch y symbol + llwyd yn y gornel dde isaf i ychwanegu tudalen newydd. Bydd hyn yn agor tudalen wag newydd.
2. I fynd yn ôl i'r dudalen flaenorol, cliciwch y botwm tudalen flaenorol llwyd yn y gornel chwith isaf.

1. Cliciwch y botwm disg hyblyg coch ar y bar offer ar y brig.
2. Rhowch deitl i’ch gwaith a chlicio arbed. Bydd eich gwaith yn ymddangos yn eich ffolder fy ffeiliau.

Nodyn: Bydd gofyn i chi gadw eich gwaith cyn ei gyhoeddi ar j2webby.

1. Cliciwch yr eicon glôb oren ar y bar offer ar y brig.
2. Ailenwch eich gwaith os oes angen.
3. Dewiswch un o’r blogiau a chlicio cyhoeddi i j2webby.
4. Bydd y gwaith yn ymddangos yn y ffolder cymedroli er mwyn i’r athro gymeradwyo’r gwaith cyn ei gyhoeddi ar j2webby.

Gall athrawon ddewis creu tudalen newydd ar wefan j2webby hefyd, yn ystod cam 3, a chyhoeddi ar dudalen newydd. Dydy’r opsiwn hwn ddim ar gael i ddysgwyr.

Gall athrawon gyhoeddi’n uniongyrchol ar j2webby hefyd, heb gymedroli.

1. Cliciwch y tab ysgrifennu gwyrdd ar frig y dudalen i ddefnyddio’r offeryn ysgrifennu.
2. Dewiswch dempled neu lun yn gefndir.
3. Nawr gallwch ddechrau ysgrifennu ar eich cefndir. Defnyddiwch yr opsiynau ar ochr chwith y dudalen i newid ffont, maint a lliw y testun.
4. Gallwch ychwanegu gair o restr geiriau drwy glicio’r saethau o dan yr opsiynau lliw. Sgroliwch drwy’r pynciau a chlicio ar air o’ch dewis. Mae modd defnyddio’r nodwedd hon i ychwanegu acenion ar lythrennau Cymraeg hefyd.

1. Cliciwch y tab paent glas ar frig y dudalen i ddefnyddio’r offeryn paent.
2. Dewiswch dempled neu lun yn gefndir.
3. Defnyddiwch yr offer rheoli ar ochr chwith y dudalen i newid trwch eich brwsh paent a’ch lliw. Gallwch newid i’r opsiwn llenwi drwy glicio’r eicon tun paent yn gollwng, a fydd yn eich galluogi chi i lenwi rhan ag un lliw.
4. Cliciwch ar y gair sy’n ymddangos rhwng dwy saeth ar ochr chwith y dudalen i ychwanegu animeiddiad at eich gwaith. Dewiswch thema o’r gwymprestr a defnyddio'r saethau i ddod o hyd i animeiddiad yr hoffech ei ddefnyddio. Defnyddiwch y botymau + , - a saeth i newid maint eich animeiddiad ac i’w droi drosodd. Yna gallwch ei lusgo a’i ollwng ar eich cefndir.

Mae crwban yn offeryn codio syml.

1. Cliciwch y tab crwban gwyrdd ar frig y dudalen i ddefnyddio'r offeryn crwban.
2. Dewiswch dempled neu lun yn gefndir.
3. Syml yw’r rhagosodiad, ond gallwch newid hwn i anoddach drwy glicio anoddach ar ochr chwith y dudalen. Pan fyddwch yn defnyddio'r lefel syml, bydd y cymeriad yn symud pan fyddwch chi’n pwyso’r botymau saethau symud o’i amgylch. Ar gyfer y lefel anoddach, fydd y cymeriad ddim yn symud pan fyddwch chi’n pwyso’r botymau saethau symud. Dim ond ar ôl i chi ddyfalu sut bydd yn symud drwy ddefnyddio’r botymau saethau symud a phwyso’r botwm chwarae gwyrdd (yng nghornel dde isaf y dudalen) y bydd yn symud.

1. Cliciwch y tab siart oren ar frig y dudalen i ddefnyddio'r offeryn siart.
2. Dewiswch dempled neu lun yn sail ar gyfer eich siart.
3. Llenwch y tabl ar eich tudalen â’r data yr hoffech ei gynnwys yn eich siart, drwy amlygu’r data presennol a theipio drosto. Bydd eich siart yn diweddaru wrth i chi wneud hyn.
4. Nawr gallwch newid enw eich siart drwy glicio ar y teitl uwch ben eich siart a theipio enw newydd.
5. Dewiswch un o’r opsiynau ar ochr chwith y dudalen i newid arddull eich siart (mae pedwar opsiwn: cylch, bar, llinell a bloc). Gallwch guddio eich tabl drwy ei ddad-ddewis.

1. Cliciwch y tab pictogram coch ar frig y dudalen i ddefnyddio'r offeryn pictogram.
2. Dewiswch dempled neu lun yn sail ar gyfer eich pictogram.
3. Rhowch eich data drwy glicio’r symbolau + a - uwch ben pob llun ar eich tudalen.
4. Cliciwch edit (yng nghornel dde isaf eich tudalen) i newid y lluniau yn eich pictogram. Bydd opsiynau’n ymddangos ar ochr chwith y dudalen i chi. Cliciwch y gair sy’n ymddangos rhwng dwy saeth a dewis thema o’r gwymprestr. Defnyddiwch y saethau i ddod o hyd i lun yr hoffech ei ychwanegu, ac yna ei lusgo a’i ollwng ar eich pictogram.

1. Cliciwch y tab animeiddio pinc ar frig y dudalen i ddefnyddio'r offeryn animeiddio.
2. Dewiswch dempled neu lun yn gefndir i'ch animeiddiad.
3. Gallwch ddefnyddio’r offer paent neu ddewis llun wedi’i animeiddio i’w ychwanegu at eich fideo.
   • Defnyddiwch yr offer rheoli ar ochr chwith y dudalen i newid trwch eich brwsh paent a’ch lliw.
   • Gallwch newid i’r opsiwn llenwi drwy glicio’r eicon tun paent yn gollwng, a fydd yn eich galluogi chi i lenwi rhan ag un lliw.
   • Cliciwch ar y gair sy’n ymddangos rhwng dwy saeth ar ochr chwith y dudalen i ychwanegu animeiddiad. Dewiswch thema o’r gwymprestr a defnyddio'r saethau i ddod o hyd i animeiddiad yr hoffech ei ddefnyddio. Defnyddiwch y botymau + , - a saeth i newid maint eich animeiddiad ac i’w droi drosodd. Yna gallwch ei lusgo a’i ollwng ar eich cefndir.
4. Defnyddiwch y botwm + gwyrdd i ychwanegu clipiau ychwanegol at eich fideo. Bydd yr animeiddiad rydych wedi’i ychwanegu yn y clip blaenorol yn ymddangos yn llwyd er mwyn i chi weld lle mae’r sleid flaenorol yn dechrau.
5. Cliciwch y botwm + bach coch i gopïo sleid a chlicio’r botwm X coch i ddileu sleid o’ch animeiddiad.
6. Cliciwch y botwm chwarae gwyrdd unrhyw bryd i chwarae eich animeiddiad.

1. Cliciwch y tab cangen piws ar frig y dudalen i ddefnyddio'r offeryn cangen.
2. Dewiswch dempled neu lun yn gefndir.
3. Defnyddiwch y botymau rheoli ar y chwith i roi’r eitemau yr hoffech eu gweld yn eich coeden yn y blwch ar y dudalen. Cliciwch y botwm cranc gwyrdd i chwilio drwy’r animeiddiadau, y botwm oren i chwilio’r we a’r botwm W glas i chwilio drwy’r rhestrau geiriau. Cliciwch un o’r opsiynau i’w ychwanegu at eich tudalen.
4. Pan fyddwch chi’n barod i roi trefn ar yr eitemau, cliciwch trefnu (yng nghornel dde isaf y dudalen).
5. Pan fyddwch wedi teipio cwestiwn yn y bar cwestiynau pinc gallwch ddechrau llusgo a gollwng eich eitemau yn y colofnau cywir.
6. Ar ôl i chi orffen, cliciwch iawn a bydd eich diagram cangen yn ymddangos.

Mae’r offeryn cyfuno yn debyg i PowerPoint. Gallwch ddewis ychwanegu testun a delweddau at dudalennau o’r cynllun ‘chwarae’ wedi’i gyfuno.

1. Cliciwch y tab cyfuno du ar frig y dudalen i ddefnyddio'r offeryn cyfuno.
2. Dewiswch gynllun chwarae wedi’i gyfuno a chlicio’r tic gwyrdd.
3. Cliciwch y symbol * gwyrdd ar frig un o'r meysydd gwaith ar eich tudalen i ychwanegu templed neu lun.
4. Yn y meysydd ysgrifennu (sy’n cael eu nodi ag ‘Abc…’):
   • Defnyddiwch yr opsiynau ar ochr chwith y dudalen i newid ffont, maint a lliw y testun.
   • Gallwch ychwanegu gair o restr geiriau drwy glicio’r saethau o dan yr opsiynau lliw. Sgroliwch drwy’r pynciau a chlicio ar air o’ch dewis. Mae modd defnyddio hyn i ychwanegu acenion ar lythrennau Cymraeg hefyd.
5. Yn y meysydd paentio (lle gwag):
   • Defnyddiwch yr offer rheoli ar ochr chwith y dudalen i newid trwch eich brwsh paent a’ch lliw.
   • Gallwch newid i’r opsiwn llenwi drwy glicio’r eicon tun paent yn gollwng, a fydd yn eich galluogi chi i lenwi rhan ag un lliw.
   • Cliciwch ar y gair sy’n ymddangos rhwng dwy saeth ar ochr chwith y dudalen i ychwanegu animeiddiad at eich gwaith. Dewiswch thema o’r gwymprestr a defnyddio'r saethau i ddod o hyd i animeiddiad yr hoffech ei ddefnyddio. Defnyddiwch y botymau + , - a saeth i newid maint eich animeiddiad ac i’w droi drosodd. Yna gallwch ei lusgo a’i ollwng ar eich cefndir.
6. I ychwanegu recordiad llais at y sleid, cliciwch y botwm microffon ar frig y dudalen.
7. Cliciwch y botwm + gwyrdd ar frig y dudalen i ychwanegu sleid newydd. Yna, bydd gofyn i chi ddewis cynllun chwarae arall wedi’i gyfuno ar gyfer y sleid newydd.
8. Defnyddiwch y saethau ar bob ochr i’r dudalen i sgrolio rhwng y sleidiau.

Cliciwch y cylch oren sy’n cynnwys llun disg hyblyg glas ynddo (yn y gornel chwith uchaf) i gadw eich gwaith.

Nodyn: Bydd gofyn i chi gadw eich gwaith cyn ei gyhoeddi ar j2webby.

1. Cliciwch y cylch gwyrdd sy’n cynnwys eicon glôb glas ynddo (yn y gornel chwith uchaf).
2. Cliciwch iawn.
3. Bydd y gwaith yn ymddangos yn y ffolder cymedroli er mwyn i’r athro gymeradwyo’r gwaith cyn ei gyhoeddi ar j2webby.

Mae modd i ddysgwyr gael gafael ar unrhyw waith j2code maen nhw wedi’i gwblhau drwy glicio Fy Nghod yn j2code. Byddan nhw’n gallu dod o hyd i unrhyw waith codio sydd wedi’i rannu â nhw drwy glicio Cod wedi’i rannu.

1. Bydd angen i chi enwi eich arolwg drwy deipio yn y blwch enw pleidleisio (ar frig y dudalen) cyn y gallwch gadw eich arolwg.
2. Cliciwch y botwm disg hyblyg gwyrdd (ar frig y dudalen).
3. Bydd eich arolwg yn ymddangos yn y tab fy mhleidleisiau ar ôl i chi ei gadw.

Ar j2webby:

Nodyn: Bydd gofyn i chi gadw eich gwaith cyn ei gyhoeddi ar j2webby.

1. Cliciwch y botwm glôb gwyrdd (ar frig y dudalen).
2. Os hoffech gyhoeddi’r arolwg, cliciwch pleidleisio neu os hoffech gyhoeddi canlyniadau'r arolwg, cliciwch canlyniadau.
3. Dewiswch a hoffech gyhoeddi’r arolwg ar dudalen j2webby newydd neu ar flog sy’n bodoli’n barod (defnyddiwch y gwymplen).
4. Cliciwch cyhoeddi.

Gyda chod QR:

Bydd eich arolwg yn ymddangos o dan y tab fy mhleidleisiau pan fyddwch chi’n mynd i j2vote.

1. Daliwch y cyrchwr dros yr arolwg perthnasol a chlicio ar yr eicon i gwyrdd. 
2. Cliciwch cod QR.
3. Bydd y cod QR yn ymddangos ar y sgrin. Cliciwch yr eicon llwytho i lawr i lwytho’r cod QR hwn i lawr.

1. Defnyddiwch y cod QR neu’r ddolen sydd wedi’i rhannu yn j2webby i agor yr arolwg.
2. Atebwch y cwestiwn/cwestiynau.
3. Teipiwch eich enw.
4. Cliciwch iawn.

Gall athrawon gloi’r pleidleisio pan fyddan nhw am i’r dysgwyr roi’r gorau i ymateb i’r arolwg drwy glicio’r symbol clo clap ar agor yn y gornel dde uchaf. Bydd y symbol yn newid i glo clap ar gau. Er mwyn ei ailagor, cliciwch y symbol eto.

1. Agor yr arolwg o fy mhleidleisiau.
2. Cliciwch yr eicon graff gwyrdd (yn y gornel dde uchaf) i weld canlyniadau eich arolwg mewn siart.
3. Dewiswch un o’r opsiynau yn y gornel dde isaf i newid y math o siart.

Mae modd i ddysgwyr gael gafael ar unrhyw waith j2data maen nhw wedi’i gwblhau drwy glicio fy nata. Byddan nhw’n gallu dod o hyd i unrhyw waith sydd wedi’i rannu â nhw drwy glicio data a rennir.

I ychwanegu cynnwys newydd, defnyddiwch y bar offer ar ochr dde’r dudalen. Bydd hyn yn eich galluogi chi i ysgrifennu ar y dudalen, creu siapiau a dileu (yn debyg i sut byddech chi’n defnyddio Microsoft Paint).

Ffeiliau

1. Cliciwch y botwm llwytho coch (ar y bar offer ar frig y dudalen).
2. Cliciwch y tab gosod, ar dde eithaf y dudalen.
3. Cewch yr opsiwn i osod tri math o ffeil:
   • Ffeiliau o’ch ffolder fy ffeiliau: Cliciwch yr eicon ffeil coch
   • Ffeiliau o’ch ffolder ffeiliau wedi’u rhannu: Cliciwch yr eicon pobl glas
   • Ffeiliau o'ch dyfais: Cliciwch yr eicon + Cliciwch dewis ffeil, dewis ffeil o’ch dyfais a chlicio agor.
4. Llusgwch a gollwng y ffeil rydych wedi’i dewis ar eich tudalen.

Cyfryngau

1. Cliciwch y botwm llwytho coch (ar y bar offer ar frig y dudalen).
2. Cliciwch y tab cyfryngau, ar dde eithaf y dudalen.
3. Cewch yr opsiwn i osod pedwar math o ffeiliau cyfryngau:
   • Cyfryngau o’ch ffolder fy lluniau a synau: Cliciwch yr eicon person
   • Cyfryngau o’r llyfrgell J2e: Cliciwch yr eicon cabinet glas
   • Cyfryngau o’ch lluniau a rennir: Cliciwch yr eicon pobl glas
   • Cyfryngau o’r we: Cliciwch yr eicon glôb glas
4. Llusgwch a gollwng y ffeil rydych wedi’i dewis ar eich tudalen.

I ychwanegu tudalen, cliciwch yr eicon + yng nghornel dde isaf y dudalen. Gallwch droi tudalennau drwy glicio’r corneli ar waelod pob tudalen.

Os hoffech ddatgelu cynnwys eich bwrdd gwyn un ar y tro, gallwch ddefnyddio'r adnodd llen.

1. Cliciwch yr eicon adnodd llen glas (ar y bar offer ar frig y dudalen).
2. Bydd eich tudalen yn troi’n llwyd gydag ambell ddot o amgylch y dudalen.
3. Cliciwch un o’r dotiau a’i lusgo naill ai i lawr, i fyny neu ar draws i ddatgelu eich cynnwys.
4. I gael gwared ar y llen, cliciwch yr eicon adnodd llen glas eto.

1. Cliciwch yr eicon disg hyblyg du (ar y bar offer ar frig y dudalen).
2. Teipiwch enw ffeil a chlicio arbed.

1. Dewiswch y rhaglen rydych chi’n dymuno ei defnyddio. Mae tri opsiwn:
   • Writer – yr adnodd prosesu geiriau
   • Spreadsheet
   • Present – yr adnodd ar gyfer cyflwyniadau
2. Dechreuwch weithio yn y rhaglen berthnasol. Bydd eich gwaith yn cael ei gadw yn awtomatig yn fy ffeiliau felly does dim angen clicio ‘cadw’ wrth i chi fynd ymlaen.

Bydd eich gwaith yn cael ei gadw yn awtomatig yn fy ffeiliau felly does dim angen clicio ‘cadw’ wrth i chi fynd ymlaen.

1. Mewngofnodwch i Hwb a mynd i Just2easy.
2. Cliciwch y deilsen fy ffeiliau.
3. Llusgwch a gollwng y ffeiliau o’ch dyfais yn y blwch gollyngwch ffeiliau yma (ar ochr chwith y dudalen). Bydd eich ffeiliau’n cael eu cadw yn storfa gwmwl J2e a bydd modd eu hagor a’u golygu yn j2office.
4. Cliciwch ffeil o fy ffeiliau a bydd yn agor yn j2office.

1. Mewngofnodwch i Hwb a mynd i Just2easy.
2. Cliciwch y deilsen fy ffeiliau.
3. Daliwch y cyrchwr dros y ffeil rydych am ei hailenwi, clicio’r eicon i gwyrdd a chlicio ailenwi.
4. Teipiwch yr enw newydd a chlicio ailenwi.

1. Cliciwch y deilsen SpellBlaster.
2. Cliciwch y botwm cwilsen i ddewis eich cymeriad. Gallwch ddefnyddio'r saethau i sgrolio drwy’r opsiynau. Pan fyddwch yn dal y cyrchwr dros un o’r cymeriadau, bydd dewisiadau lliw yn ymddangos. Cliciwch y cymeriad o’ch dewis a chlicio creu.

Adnoddau i athrawon

_________

Mynd i ymarfer

Nodyn: Trowch sain eich dyfais ymlaen cyn i chi ddechrau.

1. I ymarfer sillafu cliciwch mynd i ymarfer.
2. Defnyddiwch y bar sgrolio i ddewis y lefel ofynnol. Cliciwch y lefel rydych yn ei dewis.
3. Pan fyddwch yn clywed rhywun yn dweud y geiriau, teipiwch nhw yn y blwch naill ai gan ddefnyddio eich bysellfwrdd neu’r botymau llythrennau ar y dudalen. Bob tro y byddwch yn cael ateb cywir, bydd eich rhithffurf yn symud gam yn nes at y trysor ar y llwybr ar waelod y dudalen sy’n dangos cynnydd.
4. Ar ôl i chi ateb deg cwestiwn ymarfer, bydd eich sgôr yn ymddangos ar y sgrin gyda throsolwg o'r cwestiynau y gwnaethoch eu hateb yn gywir ac yn anghywir. Yna cliciwch bwrw ymlaen.
5. I roi cynnig arall ar yr un prawf, cliciwch chwarae eto neu i symud ymlaen, cliciwch bwrw ymlaen.

Gwneud y prawf

Nodyn: Trowch sain eich dyfais ymlaen cyn i chi ddechrau.

1. Cliciwch gwneud y prawf i chwarae yn erbyn chwaraewyr eraill.
2. Bydd y gêm yn chwilio am chwaraewyr eraill i chi gystadlu yn eu herbyn. Os na fydd digon o chwaraewyr ar gael, bydd y gêm yn ychwanegu robotiaid i chi gystadlu yn eu herbyn.
3. Bydd cloc yn cyfrif yn ôl cyn i'r gêm ddechrau.
4. Ar ddiwedd y gêm, bydd eich sgôr yn ymddangos ar y tabl canlyniadau ar gyfer y gêm honno isod. Yna cliciwch bwrw ymlaen.

1. Cliciwch y deilsen tt blast.
2. Cliciwch y botwm cwilsen i ddewis eich cymeriad. Cliciwch ar y cymeriad o’ch dewis a chlicio creu.

Adnoddau i athrawon

Adborth:

1. Cliciwch y botwm graff.
2. Bydd trosolwg yn dangos canlyniadau eich dosbarth ar gyfer y mis hwnnw. Cliciwch y gwymplen dewiswch ddosbarth i ddewis dosbarth gwahanol.
3. I weld canlyniadau defnyddiwr penodol yn eich dosbarth, cliciwch y gwymplen dewiswch ddefnyddiwr a dewis defnyddiwr.

Mynd i ymarfer

1. I ymarfer cliciwch mynd i ymarfer.
2. Defnyddiwch y bar sgrolio i ddewis lefel a chlicio bwrw ymlaen.
3. Naill ai defnyddiwch eich bysellfwrdd i deipio’r ateb a phwyso enter i gyflwyno'r ateb neu defnyddiwch y botymau rhif ar y dudalen. Bob tro y byddwch yn cael ateb cywir, bydd y roced yn symud o amgylch y planedau ar y llwybr ar waelod y dudalen i ddangos cynnydd.
4. Ar ôl i chi ateb deg cwestiwn ymarfer, bydd eich sgôr yn ymddangos ar y sgrin gyda throsolwg o'r cwestiynau y gwnaethoch eu hateb yn gywir ac yn anghywir. Yna cliciwch bwrw ymlaen.
5. I roi cynnig arall ar yr un prawf, cliciwch chwarae eto neu i symud ymlaen, cliciwch bwrw ymlaen.

Chwarae’n fyw

1. Cliciwch chwarae’n fyw i chwarae yn erbyn chwaraewyr eraill.
2. Bydd y gêm yn chwilio am chwaraewyr eraill i chi gystadlu yn eu herbyn. Os na fydd digon o chwaraewyr ar gael, bydd y gêm yn ychwanegu robotiaid i chi gystadlu yn eu herbyn.
3. Bydd cloc yn cyfrif yn ôl cyn i'r gêm ddechrau.
4. Ar ddiwedd y gêm, bydd eich sgôr yn ymddangos ar y tabl canlyniadau ar gyfer y gêm honno isod. Yna cliciwch bwrw ymlaen.

Cliciwch yr eicon disg hyblyg coch (ar frig y bar offer) i gadw eich gwaith.

Bydd gofyn i chi gadw eich gwaith cyn ei gyhoeddi ar j2webby.

1. Cliciwch yr eicon glôb j2webby coch (ar y bar offer ar y brig).
2. Rhowch deitl i’ch gwaith a dewis a hoffech iddo ymddangos ar dudalen newydd neu fel rhan o flog presennol a chlicio cyhoeddi i j2webby.
3. Bydd y gwaith yn ymddangos yn y ffolder cymedroli er mwyn i’r athro gymeradwyo’r gwaith cyn ei gyhoeddi ar j2webby.

Logo’r ysgol

I ychwanegu logo eich ysgol at J2e:

1. Cliciwch y blwch â’r saeth wrth ymyl logo’r ysgol.
2. Dewiswch ffeil o’ch dyfais a chlicio agor.
3. Bydd eich logo yn ymddangos ar ochr dde’r blwch llwytho i fyny. Cliciwch y symbol bin os hoffech ei ddileu a dechrau eto.

Caniatâd dysgwyr

Os hoffech ganiatáu i ddysgwyr sgwrsio wrth gydweithio yn j2e5, ticiwch y blwch wrth ymyl caniatáu sgwrsio wrth gydweithio o fewn j2e5.

Os hoffech ganiatáu i’ch dysgwyr rannu ffeiliau, ticiwch y blwch wrth ymyl caniatáu i ddisgyblion rannu ffeiliau.

Ychwanegu parth personol ar gyfer j2bloggy

Er mwyn defnyddio eich parth eich hun ar gyfer j2bloggy, teipiwch enw eich parth yn y blwch o dan defnyddio eich parth eich hun ar gyfer j2bloggy. Yna bydd angen i chi ddiweddaru eich gosodiadau DNS fel y rhai sydd i’w gweld isod.

Newid gwybodaeth eich ysgol

Gallwch newid enw a manylion cyswllt eich ysgol drwy olygu'r meysydd hyn.

Rydym yn argymell eich bod chi’n creu eich dosbarthiadau cyn rheoli defnyddwyr.

1. Mewngofnodwch i Hwb a mynd i Just2easy.
2. Cliciwch y deilsen j2dashboard.
3. Cliciwch y tab dosbarthiadau (ar hyd y top).
4. Cliciwch + (o dan rheoli dosbarthiadau).
5. Dewiswch naill ai dosbarth cofrestru neu dosbarth addysgu, teipio enw dosbarth a chlicio iawn.
6. Ar ôl gwneud hyn, bydd eich dosbarth yn ymddangos yn y rhestr o ddosbarthiadau.

Gallwch ddefnyddio'r adnodd rheoli defnyddwyr i ychwanegu dysgwyr at eich dosbarth:

1. Mewngofnodwch i Hwb a mynd i Just2easy.
2. Cliciwch y deilsen j2dashboard.
3. Cliciwch y tab rheoli defnyddwyr (ar hyd y top).
4. Chwiliwch am ddefnyddiwr.
5. Cliciwch y gwymplen wrth ochr ei enw o dan dosbarth a dewis y dosbarth perthnasol.

Gallwch ddefnyddio'r tab j2launch yn eich j2dashboard i guddio unrhyw offer y byddai’n well gennych i ddosbarthiadau penodol beidio â’u gweld. Mae hyn yn ddefnyddiol os byddai’n well gennych chi gyflwyno un offeryn ar y tro.

1. Mewngofnodwch i Hwb a mynd i Just2easy.
2. Cliciwch y deilsen j2dashboard.
3. Cliciwch y tab j2launch (ar hyd y top).
4. Cliciwch y deilsen yr hoffech ei chuddio.
5. O dan y deilsen rheoli disgyblion, dad-ddewiswch y dosbarth yr hoffech guddio'r deilsen rhagddo.

Bydd unrhyw waith y bydd dysgwr yn ceisio ei rannu â defnyddiwr arall, neu’n dymuno iddo ymddangos ar wefan j2webby yr ysgol, yn cael ei anfon yn awtomatig at ei athro i gael ei gymedroli a’i gymeradwyo.

Gall athrawon fonitro a chymeradwyo gwaith drwy glicio’r deilsen cymedroli yn j2launch a dewis er mwyn cymedroli o’r opsiynau ar ochr chwith y dudalen.

Fel mater o drefn, bydd angen i chi fod wedi mewngofnodi i J2e er mwyn gwneud sylw ar unrhyw waith yn j2webby; does dim modd i ymwelwyr wneud sylwadau. Ond, gall staff newid y swyddogaeth i ganiatáu ymwelwyr i wneud sylwadau ar ddangosfwrdd j2webby:

1. Mewngofnodwch i Hwb a mynd i Just2easy.
2. Cliciwch y deilsen j2webby.
3. Daliwch eich cyrchwr dros enw eich ysgol ar y bar du ar frig y dudalen a chlicio Dashboard.
4. Cliciwch Settings (ar ochr chwith y dudalen).
5. Wrth ymyl Open Comments, ticiwch y blwch wrth ymyl allow comments on posts when a user is not signed in a chlicio Save Changes.

Bydd staff yn cymedroli unrhyw sylwadau a wneir yn j2webby cyn y byddan nhw’n cael eu cyhoeddi.

Mae nifer o opsiynau ar gael wrth osod gwaith cartref yn J2e:

Mae’n bosib cydweithio ar un ffeil j2e5, ond nid ar ffeiliau sydd wedi’u creu mewn unrhyw un o adnoddau eraill J2e:

1. Mewngofnodwch i Hwb a mynd i Just2easy.
2. Cliciwch y deilsen j2e5.
3. Cadwch eich gwaith drwy ddefnyddio’r eicon arbed coch yn y bar dewislen ar y brig.
4. Cliciwch yr eicon rhannu piws yn y bar dewislen ar y brig i weld yr opsiynau rhannu.

• Dewiswch rhwng yr opsiwn cyhoeddi (ar y we – mae’r ddolen a’r codau gosod ar gael ar waelod y ffenestr naid), defnyddio cyfrinair i ddiogelu’r ffeil (os byddwch chi’n dewis yr opsiwn hwn, bydd angen i chi deipio cyfrinair yn y blwch cyfrinair) neu’r opsiwn preifat.
• Cliciwch y saethau yn y maes taflen waith i agor cwymplen, a dewis yr opsiwn dogfen cydweithrediadol.
• O dan yr adran wedi ei rhannu gyda, gallwch naill ai deipio enw defnyddiwr neu glicio’r saethau i agor cwymplen lle gallwch chi ddewis dosbarth addysgu, grwp o ddysgwyr neu ddysgwyr unigol.
• Rhannwch eich ffolder drwy ddefnyddio’r opsiynau dolen, gosod, llun bach neu e-bost.

Bydd defnyddwyr eraill yn gallu dod o hyd i’r ffeil yn eu ffolder ffeiliau wedi’u rhannu.

Mae’n bosib cyhoeddi ffeil er mwyn i unrhyw un y tu allan i’r ysgol allu ei gweld:

1. Mewngofnodwch i Hwb a mynd i Just2easy.
2. Cliciwch y deilsen fy ffeiliau.
3. Daliwch y cyrchwr dros y ffeil rydych am ei rhannu, clicio’r eicon i gwyrdd a chlicio rhannu.
4. Yn rhes uchaf y ffenestr naid, dewiswch yr opsiwn cyhoeddi neu’r opsiwn cyfrinair (os byddwch chi’n dewis cyfrinair, bydd angen i chi roi cyfrinair yn y blwch cyfrinair.
5. Ar waelod y ffenestr naid, fe welwch chi ddolen y gallwch chi ei chopïo a’i rhoi i ddefnyddwyr allanol er mwyn iddyn nhw weld y ffeil.

Neu, yng ngham 3 gallwch ddewis cod QR yn hytrach na rhannu i weld dolen cod QR ar gyfer eich ffeil.

Pan fydd dysgwyr yn rhannu eu ffeiliau fel hyn, bydd y ffeiliau’n cael eu dal yn ôl i’w cymedroli gan athro yn y ffolder cymedroli cyn y bydd modd eu gweld.

Rhaid i chi gyhoeddi’r ffeil er mwyn i’ch codau QR weithio:

1. Mewngofnodwch i Hwb a mynd i Just2easy.
2. Cliciwch y deilsen fy ffeiliau.
3. Daliwch y cyrchwr dros y ffeil berthnasol a chlicio’r eicon i.
4. Cliciwch rhannu, a gwneud yn siwr eich bod wedi dewis naill ai cyhoeddi neu cyfrinair.

Gyda j2webby, mae’n rhwydd rhannu â gweddill y byd y gwaith mae dysgwyr wedi’i wneud ar unrhyw un o adnoddau J2e, drwy ddefnyddio gwefan sydd ar gael drwy WordPress.

Yn syml iawn, bydd dysgwyr (neu athrawon) yn clicio eicon j2webby (llun glas a gwyrdd o’r byd, neu’r botwm cyhoeddi) mewn unrhyw adnodd J2e, a bydd eu gwaith yn cael ei anfon i safle j2webby yr ysgol.

Fydd y gwaith ddim yn cael ei gyhoeddi nes bydd aelod o’r staff wedi’i gymeradwyo, yn y deilsen cymedroli.

Pan fydd y gwaith wedi cael ei gymeradwyo a’i gyhoeddi, bydd yn bosib ei rannu ag unrhyw un yn y byd. Gall ymwelwyr wneud sylwadau, ond unwaith eto, bydd staff yn cymedroli’r rhain cyn eu cyhoeddi.

1. Mewngofnodwch i Hwb a mynd i Just2easy.
2. Cliciwch y deilsen tudalennau’r disgyblion.
3. Chwiliwch am y darn o waith rydych chi am roi adborth arno, dal y cyrchwr dros y gwaith a chlicio’r swigen siarad.
4. Gallwch deipio neges, a bydd gennych chi’r opsiwn i roi teitl i’r gwaith (yn y blwch teitl) a rhoi gradd i’r gwaith (yn y blwch gradd).
5. Cliciwch X (yng nghornel dde uchaf y ffenestr naid), a bydd yr adborth yn cael ei gadw’n awtomatig.

Bydd y dysgwr yn gwybod os bydd sylw oherwydd bydd swigen siarad yn ymddangos dros y ffeil yn ei ffolder fy ffeiliau, a fydd yn cynnwys y nifer o sylwadau.

Gall y dysgwr ateb yr athro yn yr un ffordd.

1. Mewngofnodwch i Hwb a mynd i Just2easy.
2. Cliciwch y deilsen tudalennau’r disgyblion.
3. Chwiliwch am y darn o waith rydych chi am ei farcio, dal y cyrchwr dros y gwaith a chlicio’r eicon i gwyrdd.
4. Cliciwch ychwanegu cynnydd. Bydd hyn yn agor y Fframwaith Llythrennedd a Rhifedd.
5. Dewiswch yr elfennau o’r Fframwaith rydych chi’n rhoi sylw iddyn nhw, y datganiadau grwp blwyddyn rydych am eu defnyddio, a chlicio’r blwch gwyrdd wrth ymyl y datganiad sy’n berthnasol i’r gwaith.
6. Cliciwch X (yn y gornel dde uchaf), a bydd yr adborth yn cael ei gadw’n awtomatig.

Mae j2review yn faes lle gall athrawon fwrw golwg dros waith dysgwyr ac asesu eu cynnydd.

Mynediad at j2review:

1. Mewngofnodwch i Hwb a mynd i Just2easy.
2. Cliciwch y deilsen j2review. Hefyd gallwch gael mynediad at j2review drwy glicio’r deilsen fy ffeiliau a dewis j2review o’r dewisiadau ar ochr chwith y dudalen.

Ychwanegu cynnydd:

1. Cliciwch y gell berthnasol o dan y golofn cynnydd.
2. Dewiswch fframwaith o’r gwymplen o opsiynau ar frig y dudalen.
3. Dewiswch y blwch o dan y golofn bodloni os yw’r un o’r sgiliau’n cael eu cyflawni.
4. Cliciwch yr X du (yn y gornel dde uchaf) i ddychwelyd i'r trosolwg.

Argraffu trosolwg o gynnydd eich dosbarth:

1. Mewngofnodwch i Hwb a mynd i Just2easy.
2. Cliciwch y deilsen j2review.
3. Dewiswch yr eitemau rydych am eu cynnwys yn y trosolwg drwy glicio’r blwch ticio gwyn yng ngholofn gyntaf y rhestr.
4. Ar ôl dewis pob eitem, cliciwch yr eicon llwytho i lawr (cwmwl oren â saeth wen uwchben y rhestr o ddarnau gwaith). Bydd hyn yn llwytho cynnydd y dysgwr neu’r dosbarth i lawr i ffeil CSV.

Bydd unrhyw waith y mae’r dysgwyr wedi’i gyhoeddi yn mynd i ffolder cymedroli yr athrawon, lle gallan nhw wirio’r gwaith cyn ei gyhoeddi.

Mynediad at y ffolder cymedroli:

1. Mewngofnodwch i Hwb a mynd i Just2easy.
2. Cliciwch y deilsen cymedroli. Hefyd gallwch gael mynediad at y ffolder cymedroli drwy glicio ar y deilsen fy ffeiliau a dewis er mwyn cymedroli o’r dewisiadau ar ochr chwith y dudalen.

Cyhoeddi gwaith dysgwr:

1. Cliciwch y gair dolen (o dan Cymedroli). Bydd hwn yn rhestru’r holl waith sy’n aros i gael ei gyhoeddi.
2. Daliwch y cyrchwr dros ddarn o waith a chlicio’r botwm rhagolwg i wirio’r gwaith.
3. Pan fyddwch chi’n hapus â’r gwaith, cliciwch cyhoeddi.