Gŵyl Digi Hwb
Ymunwch â ni am brofiad dysgu digidol ymdrochol yng Ngŵyl Digi Hwb, digwyddiad rhithwir sydd â'r nod o uno ymarferwyr ac arweinwyr ysgolion i archwilio pŵer trawsnewidiol technoleg mewn addysg.
- Rhan o
Beth yw Gŵyl Digi Hwb?
Nod Gŵyl Digi Hwb yw meithrin cydweithredu, arloesi a rhannu gwybodaeth mewn dysgu ac addysgu digidol. Bydd y diwrnod yn gyfle i ymarferwyr ddysgu mwy am yr arlwy o offer ac adnoddau digidol sydd ar gael drwy Hwb. Drwy gydol y diwrnod, bydd ein partneriaid, gan gynnwys Adobe, Apple, Britannica, Common Sense Education, Flip, Google, Just2easy, Microsoft, Minecraft a Technocamps yn darparu sesiynau llawn gwybodaeth ar sut y mae modd defnyddio eu hoffer a'u hadnoddau yn yr ysgol i gyflwyno'r Cwricwlwm i Gymru.
Pam cymryd rhan?
Ymgysylltu ag ymarferwyr arweiniol
Cyfle i gysylltu ag arbenigwyr ym maes technoleg addysg, gan gael syniadau a strategaethau ymarferol i wella’ch arferion addysgu digidol.
Profiad dysgu wedi'i deilwra
Teilwra’ch profiad drwy ddewis o blith rhestr gynhwysfawr o sesiynau sy'n rhoi sylw i wahanol agweddau ar ddysgu digidol. P'un a ydych chi'n ymarferydd profiadol neu'n dechrau ar eich taith ddigidol, mae rhywbeth at ddant pawb.
Grymuso cymuned eich ysgol
Sicrhau bod gennych chi'r offer a'r wybodaeth i arwain trawsnewid digidol yn eich ysgol a'ch ystafell ddosbarth. Drwy sicrhau bod pob aelod o staff yn gallu manteisio ar y cyfle dysgu amhrisiadwy hwn, gallwch chi sbarduno newid cadarnhaol a gwella dysgu digidol yn eich ysgol.
Pryd a ble?
Bydd Hwb DigiFest yn cael ei chynnal yn rhithiol trwy Microsoft Teams ddydd Llun 2 Medi 2024 rhwng 9:30am a 2:30pm.
Bachwch ar y cyfle i fod yn rhan o'r digwyddiad hwn sydd â'r nod o fanteisio ar botensial technolegau digidol mewn addysg.
Cofrestrwch nawr i sicrhau eich lle yng Ngŵyl Digi Hwb 2024 a mynd â'ch sgiliau addysgu digidol i'r lefel nesaf!
Noder: Mae angen i ymarferwyr a gweithwyr proffesiynol sy'n bwriadu ymuno â DigiFest Hwb gofrestru fel unigolion. Rydyn ni'n deall y gall ymarferwyr ymuno â DigiFest Hwb drwy fewngofnodi ar un ddyfais a gwylio gyda'i gilydd ar sgrin fawr. Fodd bynnag, rydyn ni'n dal i ofyn i bob un lenwi'r ffurflen gofrestru.
Sesiynau
Gallwch chi ymuno am y diwrnod cyfan neu ddewis y sesiynau sy'n diwallu anghenion eich ysgol. Gall ymarferwyr ymuno fel adran neu ysgol, ond mae ganddyn nhw ryddid hefyd i ymuno â sesiynau fel unigolion i ddiwallu eu hanghenion dysgu proffesiynol eu hunain. Bydd sesiynau newydd yn cael eu hychwanegu pan fyddant ar gael.
-
Dechrau arni: cyflwyniad i Google for Education Workspace
(30 munud)
Mae'r weminar hon yn rhoi trosolwg o Google for Education Workspace. Yn ddelfrydol ar gyfer dechreuwyr neu unrhyw un sydd angen atgoffau eu hunain o nodweddion a swyddogaethau sylfaenol y rhaglen.
Gair i gall: Microsoft Outlook
(20 munud)
Y 10 nodwedd orau i helpu i wella cynhyrchiant gan ddefnyddio Outlook.
Rheoli'r dosbarth gydag Apple Classroom a Hwb (Saesneg)
(30 munud)
Mae Apple Classroom yn offeryn pwerus rhad ac am ddim sy'n caniatáu i athrawon sbarduno dysgu, rhoi ffocws i sylw dysgwyr a chyflwyno asesiad ystyrlon. Mae'r sesiwn hon yn eich tywys drwy'r nodweddion craidd.
Addysgwyr Creadigol Adobe Lefel 1 (Saesneg)
(90 munud)
Mae'r sesiwn hon yn gam cyntaf perffaith i wneud y gorau o'ch cyfrifon Hwb i wella dysgu ac addysgu, gyda ffocws ar greadigrwydd gan ddefnyddio Adobe Express. Mae hwn yn gyfle gwych i sicrhau bod yr holl staff (staff addysgu a chymorth) wedi'u hardystio fel Addysgwyr Creadigol Adobe lefel 1.
Paratoi ar gyfer y flwyddyn ysgol newydd gyda Just2easy (Saesneg)
(30 munud)
Paratowch ar gyfer y flwyddyn ysgol newydd a dysgwch sut i greu dosbarthiadau addysgu a theils lansio ('launchpad tiles'). Ewch i'r ‘library’ a rhannu adnoddau "Croeso’n ôl i'r ysgol" gyda dysgwyr.
Gwahaniaethu gyda Britannica (Saesneg)
(45 munud)
Bydd y sesiwn hon yn dangos sut i gyrchu a defnyddio Britannica School drwy Hwb, gyda ffocws penodol ar wahaniaethu. Yn y sesiwn hon, byddwn yn tynnu sylw at offer o fewn y platfform i gefnogi ystod o anghenion yn yr ystafell ddosbarth, fel; dysgwyr sydd â Saesneg fel iaith ychwanegol a dysgwyr ag anghenion dysgu ychwanegol.
Arcêd MakeCode
(60 munud)
Bydd y sesiwn ryngweithiol hon yn gyflwyniad i Arcêd MakeCode, gan eich helpu chi i ddysgu cysyniadau rhaglennu hanfodol wrth greu gêm platfform fer. Erbyn diwedd y sesiwn, bydd gan ymarferwyr yr hyder a'r sgiliau i deilwra MakeCode Arcade ar gyfer eu hystafell ddosbarth, ac i helpu i adeiladu sylfeini rhaglennu, meddwl cyfrifiadurol a datblygu gemau yn eu dysgwyr.
Cadw'n ddiogel ar-lein: trosolwg o adnoddau (Saesneg)
(60 munud)
Bydd y Tîm Gwydnwch Digidol mewn Addysg yn eich tywys drwy'r ystod o adnoddau, cyngor ac arweiniad sydd ar gael drwy ardal Cadw'n ddiogel ar-lein Hwb i helpu i gadw plant a phobl ifanc yn ddiogel ar-lein.
Llywio fframwaith y Cwricwlwm i Gymru (Saesneg)
(60 munud)
Nod y sesiwn yw sicrhau bod cydweithwyr yn gallu canfod eu ffordd o amgylch tudalen Cwricwlwm i Gymru, a sut i ddod o hyd i'r deunyddiau ategol perthnasol ar gyfer cefnogi cyfarfodydd staff. Bydd yn gyfle i ymarferwyr ymgysylltu â deunyddiau ategol a grëwyd yn ddiweddar, y canllawiau Ymlaen â'r Daith a gyhoeddwyd yn ddiweddar ac amrywiol ffyrdd y gall ysgolion gyfrannu at drafodaethau polisi ac adnoddau yn y dyfodol.
-
Hybu sgiliau llythrennedd gyda Google for Education (Saesneg)
(30 munud)
Dysgwch am sut gall Google Education gefnogi sgiliau llythrennedd ar draws y cwricwlwm ar bob lefel.
Hygyrchedd: creu ystafelloedd dosbarth cynhwysol
(30 munud)
Dysgwch sut i ddefnyddio offer Microsoft i helpu i fynd i'r afael â heriau hygyrchedd yn yr ystafell ddosbarth, gan gynnwys Niwroamrywiaeth a rhwystrau iaith.
Arbed amser athro gyda iPad
(30 munud)
Pob math o ffyrdd o arbed amser athrawon a lleddfu eu llwyth gwaith gan ddefnyddio'r iPad.
Cefnogi llythrennedd gyda Just2easy
(45 munud)
Bydd y sesiwn hon yn arddangos pob math o wahanol offer i gefnogi sgiliau llythrennedd ar draws y cwricwlwm, gan gynnwys JIT, j2e5, adnoddau hygyrchedd a'r ‘library’.
Arcêd MakeCode (Saesneg)
(60 munud)
Bydd y sesiwn ryngweithiol hon yn gyflwyniad i Arcêd MakeCode e, gan eich helpu chi i ddysgu cysyniadau rhaglennu hanfodol wrth greu gêm platfform fer. Erbyn diwedd y sesiwn, bydd gan ymarferwyr yr hyder a'r sgiliau i deilwra MakeCode Arcade ar gyfer eu hystafell ddosbarth, ac i helpu i adeiladu sylfeini rhaglennu, meddwl cyfrifiadurol a datblygu gemau yn eu dysgwyr.
Dinasyddiaeth ddigidol ar gyfer y blynyddoedd cynnar
(30 munud)
Dewch i ddarganfod gweithgareddau 15 munud ar gyfer y dysgwyr ieuengaf, i adeiladu cysyniadau craidd dinasyddiaeth ddigidol mewn ffordd sy'n briodol i'w hoedran.
Cyflwyniad i ddeallusrwydd artiffisial (AI) mewn Addysg
(60 munud)
Bydd y sesiwn hon yn cyflwyno Deallusrwydd Artiffisial (AI) mewn addysg a sut y bydd yn effeithio ar staff a dysgwyr mewn ysgolion a lleoliadau. Byddwn yn archwilio’r 7 egwyddor ar gyfer Deallusrwydd Artiffisial (AI) mewn addysg ac yn dechrau ystyried datblygu canllawiau ar gyfer eich ysgolion a’ch lleoliadau.
Holi Hwb
(45 munud)
Mae'r sesiwn hon yn cynnig cyfle i siarad yn uniongyrchol ag aelodau o dîm Hwb. Os oes gennych chi gwestiwn technegol, os ydych chi'n cael trafferth defnyddio offer Hwb neu os oes gennych chi gwestiwn am ddysgu proffesiynol digidol, dyma'r sesiwn i chi! Ymunwch ar unrhyw adeg yn ystod y sesiwn i siarad â'r tîm.
Llywio fframwaith y Cwricwlwm i Gymru
(60 munud)
Nod y sesiwn yw sicrhau bod cydweithwyr yn gallu canfod eu ffordd o amgylch tudalen Cwricwlwm i Gymru, a sut i ddod o hyd i'r deunyddiau ategol perthnasol ar gyfer cefnogi cyfarfodydd staff. Bydd yn gyfle i ymarferwyr ymgysylltu â deunyddiau ategol a grëwyd yn ddiweddar, y canllawiau Ymlaen â'r Daith a gyhoeddwyd yn ddiweddar ac amrywiol ffyrdd y gall ysgolion gyfrannu at drafodaethau polisi ac adnoddau yn y dyfodol.
-
Arallgyfeirio asesu ac adborth ar gyfer dysgu yn yr ystafell ddosbarth (Saesneg)
(30 munud)
Dysgwch sut i ddefnyddio Chromebooks a Google Workspace for Education i wneud asesu ar gyfer dysgu yn rhyngweithiol ac yn ddiddorol. Yn y sesiwn hon, byddwn yn archwilio sut i greu cyfarwyddiadau wedi'u teilwra yn Google Classroom, a defnyddio ystod o nodweddion Google Classroom i gasglu adborth.
Gair i gall: Microsoft Teams
(20 munud)
Y 10 nodwedd orau i helpu i wella cynhyrchiant gan ddefnyddio Teams.
Cyrraedd pob dysgwr gyda iPad (Saesneg)
(30 munud)
Bydd y sesiwn hon yn canolbwyntio ar offer Apple sydd wedi’u cynnwys yn ddiofyn i hwyluso personoli, hygyrchedd a dysgu i bawb.
Defnyddio ddeallusrwydd artiffisial (AI) i gefnogi llafaredd a llythrennedd
(45 munud)
Rhowch gynnig ar rai nodweddion newydd anhygoel yn Adobe Express sy'n ysbrydoli dysgwyr i ddatblygu eu sgiliau llafaredd, a dod â gwaith ysgrifenedig yn fyw!
Cefnogi rhifedd gyda Just2easy (Saesneg)
(45 munud)
Bydd y sesiwn hon yn arddangos pob math o wahanol offer i gefnogi rhifedd ar draws y cwricwlwm, gan gynnwys JIT, j2e5, offer mesur a'r ‘library’.
Dysgu peirianyddol i blant
(60 munud)
Ydych chi erioed wedi gofyn i chi'ch hun sut mae Alexa'n deall yr hyn rydych chi'n ei ofyn iddi? Neu a fyddech chi'n ymddiried mewn peiriant i wneud penderfyniadau sy'n gallu newid eich bywyd? Yn y sesiwn hon, byddwch chi'n darganfod sut mae Dysgu Peirianyddol yn cael ei ddefnyddio mewn pob math o wahanol ffyrdd, o adnabod llais i Google Maps. Yna, byddwch chi'n datblygu eich gwybodaeth am ddata priodol ac amhriodol wrth hyfforddi peiriant cyn creu eich gêm 'Scratch' Dysgu Peirianyddol eich hun.
Llesiant digidol: gwersi seiliedig ar dystiolaeth ar gyfer yr ystafell ddosbarth (Saesneg)
(45 munud)
Mae cysylltiad dwfn rhwng yr argyfwng iechyd meddwl ymhlith ieuenctid a phrofiadau dysgwyr o dechnoleg, ac mae gan addysgwyr gyfraniad allweddol i'w wneud. Byddwn yn cyflwyno casgliad o wersi, a ddatblygwyd ar y cyd gan Common Sense Education a'r Center for Digital Thriving yn yr Harvard Graduate School of Education, sy'n helpu i ddod â chymorth lles digidol i'r ystafell ddosbarth.
Cynllunio dyfodol Hwb: dweud eich dweud (Saesneg)
(30 munud)
Rydym ni am glywed gennych chi! Dewch i ddweud eich dweud am Hwb a chlywed am y datblygiadau sydd ar y gweill gennym.
Adnoddau Dysgu Proffesiynol Cymru nawr mewn un lle! (Saesneg)
(60 munud)
Byddwn yn dangis i chi o gwmpas y 'maes Dysgu Proffesiynol' newydd ar Hwb. Byddwch yn gallu chwilio am adnoddau newydd wedi'u categoreiddio a'u dosbarthu, sydd bellach ar gael yn rhwydd i bob ymarferydd addysg ledled Cymru, a chael mewnwelediad o safbwynt defnyddiwr. Byddwn yn canolbwyntio ar ddysgu proffesiynol ar gyfer datblygu sgiliau digidol.
-
Defnyddio Chromebooks a Google Workspace for Education ar gyfer dysgwyr ADY
(30 munud)
Yn y sesiwn hon, byddwn yn archwilio'r offer ymarferol sydd ar gael i ddarparu profiadau dysgu hygyrch i bob dysgwr, gan gynnwys dysgwyr ag anghenion ychwanegol.
Gair i gall: OneDrive a SharePoint
(20 munud)
Y 10 nodwedd orau i helpu i wella cynhyrchiant gan ddefnyddio OneDrive a SharePoint.
Cyflwyno'r Cwricwlwm i Gymru gydag Apple (Saesneg)
(30 munud)
Enghreifftiau o bob cwr o Gymru i ddangos sut mae technoleg Apple yn cael ei defnyddio o fewn y Cwricwlwm i Gymru.
Addysgwyr Creadigol Adobe Lefel 1
(90 munud)
Mae'r sesiwn hon yn gam cyntaf perffaith i wneud y gorau o'ch cyfrifon Hwb i wella dysgu ac addysgu, gyda ffocws ar greadigrwydd gan ddefnyddio Adobe Express. Mae hwn yn gyfle gwych i sicrhau bod yr holl staff (staff addysgu a chymorth) wedi'u hardystio fel Addysgwyr Creadigol Adobe lefel 1.
Sesiwn greadigrwydd camera Flip (Saesneg)
(45 munud)
Byddwch yn barod i wthio'r holl fotymau wrth i ni archwilio effeithiau a mynegiannau creadigol yng nghamera Microsoft Flip! Dewch i ddarganfod posibiliadau a datblygu syniadau i sicrhau chwarae teg i bawb wrth ddysgu yn eich cymuned a thu hwnt. Cewch lawer o adnoddau y gallwch chi eu defnyddio ar unwaith – byddwch yn barod am hwyl!
Cyflwyniad i gyfres o adnoddau Just2easy (Saesneg)
(60 munud)
Ymunwch â'r sesiwn hon i fynd i'r afael ag adnoddau fel JIT write, Paint, spell blast, j2e5 a'r ‘library’
Gweithredu diwylliant o ddinasyddiaeth ddigidol
(30 munud)
Ymunwch â Jenna Khanna, Cyfarwyddwr Addysg Common Sense Media UK, a'r Llysgennad Common Sense Pip Bhol, i ddarganfod sut i weithredu diwylliant o ddinasyddiaeth ddigidol ar gyfer dysgwyr o bob oedran. Bydd athrawon yn gadael gydag ysbrydoliaeth ac adnoddau i'w helpu i gynllunio a gweithredu cynllun gwaith blaengar.
Datgloi llyfrau ffeithiol: meithrin darllenwyr gwell gyda Britannica (Saesneg)
(45 munud)
Bydd y sesiwn addysgiadol hon yn edrych ar yr heriau presennol sy'n ymwneud â chynnydd darllen, yn enwedig gyda thestunau ffeithiol, ac yn darparu enghreifftiau a strategaethau ar gyfer sut y gall Britannica ar Hwb helpu i bontio'r bwlch hwn.
Cyflwyniad i ddeallusrwydd artiffisial (AI) mewn Addysg (Saesneg)
(60 munud)
Bydd y sesiwn hon yn cyflwyno Deallusrwydd Artiffisial (AI) mewn addysg a sut y bydd yn effeithio ar staff a dysgwyr mewn ysgolion a lleoliadau. Byddwn yn archwilio’r 7 egwyddor ar gyfer Deallusrwydd Artiffisial (AI) mewn addysg ac yn dechrau ystyried datblygu canllawiau ar gyfer eich ysgolion a’ch lleoliadau.
Llywio fframwaith y Cwricwlwm i Gymru (Saesneg)
(60 munud)
Nod y sesiwn yw sicrhau bod cydweithwyr yn gallu canfod eu ffordd o amgylch tudalen Cwricwlwm i Gymru, a sut i ddod o hyd i'r deunyddiau ategol perthnasol ar gyfer cefnogi cyfarfodydd staff. Bydd yn gyfle i ymarferwyr ymgysylltu â deunyddiau ategol a grëwyd yn ddiweddar, y canllawiau Ymlaen â'r Daith a gyhoeddwyd yn ddiweddar ac amrywiol ffyrdd y gall ysgolion gyfrannu at drafodaethau polisi ac adnoddau yn y dyfodol.
-
Dysgu cydweithredol: sut i gael y gorau o Google for Education
(30 munud)
Trosolwg cyflym o holl offer a swyddogaethau Google i hwyluso dysgu effeithiol a chydweithredol.
Minecraft: cyflwyniad echwaraeon (Saesneg)
(45 munud)
Dysgwch sut i ymgorffori eChwaraeon yn eich ystafell ddosbarth gyda'r Llysgennad Minecraft Byd-eang a'r athro Paul Watkins. Yn ystod y sesiwn hon, byddwch yn dysgu sut i hwyluso gweithgareddau e-chwaraeon cynhwysol, pwrpasol a diddorol gyda Minecraft: Education Edition.
Gwella rhifedd gydag iPad (Saesneg)
(30 munud)
Syniadau ymarferol ar gyfer integreiddio technoleg gyda ffocws penodol ar wella rhifedd ar draws y cwricwlwm.
Defnyddio deallusrwydd artiffisial (AI) i gefnogi llafaredd a llythrennedd
(45 munud)
Rhowch gynnig ar rai nodweddion newydd anhygoel yn Adobe Express sy'n ysbrydoli dysgwyr i ddatblygu eu sgiliau llafaredd, a dod â gwaith ysgrifenedig yn fyw!
Datblygu sgiliau data yn Just2easy (Saesneg)
(30 munud)
Dysgwch sut i ddod â data'n fyw gydag offer fel chart, pictogram, branch a database.
Defnyddio Flip i sbarduno sgyrsiau iechyd a lles (Saesneg)
(45 munud)
Mae Flip yn ffordd wych o ennyn sgyrsiau ystyrlon gyda'ch dysgwyr am lesiant. Yn y sesiwn hon, byddwch chi'n dysgu sut i ddefnyddio Flip i hwyluso trafodaethau ar themâu fel hunaniaeth, amrywiaeth, empathi, gwydnwch a meddylfryd twf. Bydd y sesiwn hon yn llawn syniadau i feithrin diwylliant cadarnhaol yn yr ystafell ddosbarth, hyrwyddo galluogedd dysgwyr a datblygu sgiliau llesiant. Gallwch chi gael syniadau newydd i dddefnyddio adnoddau parod i'w defnyddio gan Flip Discovery Partners fel Microsoft Reflect, MindUP, Empatico a mwy! Peidiwch â cholli'r cyfle hwn i ddysgu sut y gall Flip drawsnewid eich ystafell ddosbarth yn lle llawn deialog ystyrlon, ymwybyddiaeth gymdeithasol a lles emosiynol.
Dysgu peirianyddol i blant (Saesneg)
(60 munud)
Ydych chi erioed wedi gofyn i chi'ch hun sut mae Alexa'n deall yr hyn rydych chi'n ei ofyn iddi? Neu a fyddech chi'n ymddiried mewn peiriant i wneud penderfyniadau sy'n gallu newid eich bywyd? Yn y sesiwn hon, byddwch chi'n darganfod sut mae Dysgu Peirianyddol yn cael ei ddefnyddio mewn pob math o wahanol ffyrdd, o adnabod llais i Google Maps. Yna, byddwch chi'n datblygu eich gwybodaeth am ddata priodol ac amhriodol wrth hyfforddi peiriant cyn creu eich gêm 'Scratch' Dysgu Peirianyddol eich hun.
Archwilio ddeallusrwydd artiffisial (AI): fetio'r adnoddau
(45 munud)
Ymunwch â ni wrth i ni rannu'r hyn y mae angen i chi gadw llygad barcud amdano wrth fetio offer AI i'w defnyddio yn yr ystafell ddosbarth. Dysgwch am sut rydyn ni'n penderfynu a yw offer yn foesegol, yn ddiogel ac yn briodol. Byddwn ni'n rhannu ffefrynnau Common Sense a'r offer gwych a argymhellir gan y sefydliad sy'n integreiddio AI mewn ffordd feddylgar. Byddwn ni'n rhannu ffefrynnau Common Sense a'r offer gwych a argymhellir gan y sefydliad sy'n integreiddio AI mewn ffordd feddylgar.
Holi Hwb
(45 munud)
Mae'r sesiwn hon yn cynnig cyfle i siarad yn uniongyrchol ag aelodau o dîm Hwb. Os oes gennych chi gwestiwn technegol, os ydych chi'n cael trafferth defnyddio offer Hwb neu os oes gennych chi gwestiwn am ddysgu proffesiynol digidol, dyma'r sesiwn i chi! Ymunwch ar unrhyw adeg yn ystod y sesiwn i siarad â'r tîm.
Adnoddau Dysgu Proffesiynol Cymru nawr mewn un lle!
(60 munud)
Ymunwch â ni am sesiwn ar y 'maes Dysgu Proffesiynol'. Byddwn yn dangis i chi o gwmpas y 'Porth Dysgu Proffesiynol' newydd ar Hwb. Byddwch yn gallu chwilio am adnoddau newydd wedi'u categoreiddio a'u dosbarthu, sydd bellach ar gael yn rhwydd i bob ymarferydd addysg ledled Cymru, a chael mewnwelediad o safbwynt defnyddiwr. Byddwn yn canolbwyntio ar ddysgu proffesiynol ar gyfer datblygu sgiliau digidol.